Hƿæt! Ƿe Gardena in geardagum,
þeodcyninga, þrym gefrunon,
hu ða æþelingas ellen fremedon.
Oft Scyld Scefing sceaþena þreatum,
monegum mægþum, meodosetla ofteah,
egsode eorlas. Syððan ærest ƿearð
feasceaft funden, he þæs frofre gebad,
ƿeox under ƿolcnum, ƿeorðmyndum þah,
oðþæt him æghƿylc þara ymbsittendra
ofer hronrade hyran scolde,
gomban gyldan. þæt ƿæs god cyning!
Ðæm eafera ƿæs æfter cenned,
geong in geardum, þone god sende
folce to frofre; fyrenðearfe ongeat
þe hie ær drugon aldorlease
lange hƿile. Him þæs liffrea,
ƿuldres ƿealdend, ƿoroldare forgeaf;
Beoƿulf ƿæs breme (blæd ƿide sprang),
Scyldes eafera Scedelandum in.
Sƿa sceal geong guma gode geƿyrcean,
fromum feohgiftum on fæder bearme,
þæt hine on ylde eft geƿunigen
ƿilgesiþas, þonne ƿig cume,
leode gelæsten; lofdædum sceal
in mægþa gehƿære man geþeon.
Him ða Scyld geƿat to gescæphƿile
felahror feran on frean ƿære.
Hi hyne þa ætbæron to brimes faroðe,
sƿæse gesiþas, sƿa he selfa bæd,
þenden ƿordum ƿeold ƿine Scyldinga;
leof landfruma lange ahte.
þær æt hyðe stod hringedstefna,
isig ond utfus, æþelinges fær.
Aledon þa leofne þeoden,
beaga bryttan, on bearm scipes,
mærne be mæste. þær ƿæs madma fela
of feorƿegum, frætƿa, gelæded;
ne hyrde ic cymlicor ceol gegyrƿan
hildeƿæpnum ond heaðoƿædum,
billum ond byrnum; him on bearme læg
madma mænigo, þa him mid scoldon
on flodes æht feor geƿitan.
Nalæs hi hine læssan lacum teodan,
þeodgestreonum, þon þa dydon
þe hine æt frumsceafte forð onsendon
ænne ofer yðe umborƿesende.
þa gyt hie him asetton segen geldenne
heah ofer heafod, leton holm beran,
geafon on garsecg; him ƿæs geomor sefa,
murnende mod. Men ne cunnon
secgan to soðe, selerædende,
hæleð under heofenum, hƿa þæm hlæste onfeng.
|
ᚻᚹᚨᛏ! ᚹᛖ ᚷᚪᚱᛞᛖᚾᚪ ᛁᚾ ᚷᛠᚱᛞᚪᚷᚢᛗ,
ᚦᛇᛞᚳᚣᚾᛁᛝᚪ, ᚦᚱᚣᛗ ᚷᛖᚠᚱᚢᚾᚩᚾ,
ᚻᚢ ᚦᚪ ᚨᚦᛖᛚᛁᛝᚪᛋ ᛖᛚᛚᛖᚾ ᚠᚱᛖᛗᛖᛞᚩᚾ.
ᚩᚠᛏ ᛋᚳᚣᛚᛞ ᛋᚳᛖᚠᛁᛝ ᛋᚳᛠᚦᛖᚾᚪ ᚦᚱᛠᛏᚢᛗ,
ᛗᚩᚾᛖᚷᚢᛗ ᛗᚨᚷᚦᚢᛗ, ᛗᛇᛞᚩᛋᛖᛏᛚᚪ ᚩᚠᛏᛠᚻ,
ᛖᚷᛋᚩᛞᛖ ᛇᚱᛚᚪᛋ. ᛋᚣᚦᚦᚪᚾ ᚨᚱᛖᛥ ᚹᛠᚱᚦ
ᚠᛠᛋᚳᛠᚠᛏ ᚠᚢᚾᛞᛖᚾ, ᚻᛖ ᚦᚨᛋ ᚠᚱᚩᚠᚱᛖ ᚷᛖᛒᚪᛞ,
ᚹᛇᛉ ᚢᚾᛞᛖᚱ ᚹᚩᛚᚳᚾᚢᛗ, ᚹᛇᚱᚦᛗᚣᚾᛞᚢᛗ ᚦᚪᚻ,
ᚩᚦᚦᚨᛏ ᚻᛁᛗ ᚨᚷᚻᚹᚣᛚᚳ ᚦᚪᚱᚪ ᚣᛗᛒᛋᛁᛏᛏᛖᚾᛞᚱᚪ
ᚩᚠᛖᚱ ᚻᚱᚩᚾᚱᚪᛞᛖ ᚻᚣᚱᚪᚾ ᛋᚳᚩᛚᛞᛖ,
ᚷᚩᛗᛒᚪᚾ ᚷᚣᛚᛞᚪᚾ. ᚦᚨᛏ ᚹᚨᛋ ᚷᚩᛞ ᚳᚣᚾᛁᛝ!
ᚦᚨᛗ ᛠᚠᛖᚱᚪ ᚹᚨᛋ ᚨᚠᛏᛖᚱ ᚳᛖᚾᚾᛖᛞ,
ᚷᛇᛝ ᛁᚾ ᚷᛠᚱᛞᚢᛗ, ᚦᚩᚾᛖ ᚷᚩᛞ ᛋᛖᚾᛞᛖ
ᚠᚩᛚᚳᛖ ᛏᚩ ᚠᚱᚩᚠᚱᛖ; ᚠᚣᚱᛖᚾᚦᛠᚱᚠᛖ ᚩᛝᛠᛏ
ᚦᛖ ᚻᛁᛖ ᚨᚱ ᛞᚱᚢᚷᚩᚾ ᚪᛚᛞᚩᚱᛚᛠᛋᛖ
ᛚᚪᛝᛖ ᚻᚹᛁᛚᛖ. ᚻᛁᛗ ᚦᚨᛋ ᛚᛁᚠᚠᚱᛠ,
ᚹᚢᛚᛞᚱᛖᛋ ᚹᛠᛚᛞᛖᚾᛞ, ᚹᚩᚱᚩᛚᛞᚪᚱᛖ ᚠᚩᚱᚷᛠᚠ;
ᛒᛇᚹᚢᛚᚠ ᚹᚨᛋ ᛒᚱᛖᛗᛖ (ᛒᛚᚨᛞ ᚹᛁᛞᛖ ᛋᛈᚱᚪᛝ),
ᛋᚳᚣᛚᛞᛖᛋ ᛠᚠᛖᚱᚪ ᛋᚳᛖᛞᛖᛚᚪᚾᛞᚢᛗ ᛁᚾ.
ᛋᚹᚪ ᛋᚳᛠᛚ ᚷᛇᛝ ᚷᚢᛗᚪ ᚷᚩᛞᛖ ᚷᛖᚹᚣᚱᚳᛠᚾ,
ᚠᚱᚩᛗᚢᛗ ᚠᛇᚻᚷᛁᚠᛏᚢᛗ ᚩᚾ ᚠᚨᛞᛖᚱ ᛒᛠᚱᛗᛖ,
ᚦᚨᛏ ᚻᛁᚾᛖ ᚩᚾ ᚣᛚᛞᛖ ᛖᚠᛏ ᚷᛖᚹᚢᚾᛁᚷᛖᚾ
ᚹᛁᛚᚷᛖᛋᛁᚦᚪᛋ, ᚦᚩᚾᚾᛖ ᚹᛁᚷ ᚳᚢᛗᛖ,
ᛚᛇᛞᛖ ᚷᛖᛚᚨᛥᛖᚾ; ᛚᚩᚠᛞᚨᛞᚢᛗ ᛋᚳᛠᛚ
ᛁᚾ ᛗᚨᚷᚦᚪ ᚷᛖᚻᚹᚨᚱᛖ ᛗᚪᚾ ᚷᛖᚦᛇᚾ.
ᚻᛁᛗ ᚦᚪ ᛋᚳᚣᛚᛞ ᚷᛖᚹᚪᛏ ᛏᚩ ᚷᛖᛋᚳᚨᛈᚻᚹᛁᛚᛖ
ᚠᛖᛚᚪᚻᚱᚩᚱ ᚠᛖᚱᚪᚾ ᚩᚾ ᚠᚱᛠᚾ ᚹᚨᚱᛖ.
ᚻᛁ ᚻᚣᚾᛖ ᚦᚪ ᚨᛏᛒᚨᚱᚩᚾ ᛏᚩ ᛒᚱᛁᛗᛖᛋ ᚠᚪᚱᚩᚦᛖ,
ᛋᚹᚨᛋᛖ ᚷᛖᛋᛁᚦᚪᛋ, ᛋᚹᚪ ᚻᛖ ᛋᛖᛚᚠᚪ ᛒᚨᛞ,
ᚦᛖᚾᛞᛖᚾ ᚹᚩᚱᛞᚢᛗ ᚹᛇᛚᛞ ᚹᛁᚾᛖ ᛋᚳᚣᛚᛞᛁᛝᚪ;
ᛚᛇᚠ ᛚᚪᚾᛞᚠᚱᚢᛗᚪ ᛚᚪᛝᛖ ᚪᚻᛏᛖ.
ᚦᚨᚱ ᚨᛏ ᚻᚣᚦᛖ ᛥᚩᛞ ᚻᚱᛁᛝᛖᛞᛥᛖᚠᚾᚪ,
ᛁᛋᛁᚷ ᚩᚾᛞ ᚢᛏᚠᚢᛋ, ᚨᚦᛖᛚᛁᛝᛖᛋ ᚠᚨᚱ.
ᚪᛚᛖᛞᚩᚾ ᚦᚪ ᛚᛇᚠᚾᛖ ᚦᛇᛞᛖᚾ,
ᛒᛠᚷᚪ ᛒᚱᚣᛏᛏᚪᚾ, ᚩᚾ ᛒᛠᚱᛗ ᛋᚳᛁᛈᛖᛋ,
ᛗᚨᚱᚾᛖ ᛒᛖ ᛗᚨᛥᛖ. ᚦᚨᚱ ᚹᚨᛋ ᛗᚪᛞᛗᚪ ᚠᛖᛚᚪ
ᚩᚠ ᚠᛇᚱᚹᛖᚷᚢᛗ, ᚠᚱᚨᛏᚹᚪ, ᚷᛖᛚᚨᛞᛖᛞ;
ᚾᛖ ᚻᚣᚱᛞᛖ ᛁᚳ ᚳᚣᛗᛚᛁᚳᚩᚱ ᚳᛇᛚ ᚷᛖᚷᚣᚱᚹᚪᚾ
ᚻᛁᛚᛞᛖᚹᚨᛈᚾᚢᛗ ᚩᚾᛞ ᚻᛠᚦᚩᚹᚨᛞᚢᛗ,
ᛒᛁᛚᛚᚢᛗ ᚩᚾᛞ ᛒᚣᚱᚾᚢᛗ; ᚻᛁᛗ ᚩᚾ ᛒᛠᚱᛗᛖ ᛚᚨᚷ
ᛗᚪᛞᛗᚪ ᛗᚨᚾᛁᚷᚩ, ᚦᚪ ᚻᛁᛗ ᛗᛁᛞ ᛋᚳᚩᛚᛞᚩᚾ
ᚩᚾ ᚠᛚᚩᛞᛖᛋ ᚨᚻᛏ ᚠᛇᚱ ᚷᛖᚹᛁᛏᚪᚾ.
Nᚪᛚᚨᛋ ᚻᛁ ᚻᛁᚾᛖ ᛚᚨᛋᛋᚪᚾ ᛚᚪᚳᚢᛗ ᛏᛇᛞᚪᚾ,
ᚦᛇᛞᚷᛖᛥᚱᛇᚾᚢᛗ, ᚦᚩᚾ ᚦᚪ ᛞᚣᛞᚩᚾ
ᚦᛖ ᚻᛁᚾᛖ ᚨᛏ ᚠᚱᚢᛗᛋᚳᛠᚠᛏᛖ ᚠᚩᚱᚦ ᚩᚾᛋᛖᚾᛞᚩᚾ
ᚨᚾᚾᛖ ᚩᚠᛖᚱ ᚣᚦᛖ ᚢᛗᛒᚩᚱᚹᛖᛋᛖᚾᛞᛖ.
ᚦᚪ ᚷᚣᛏ ᚻᛁᛖ ᚻᛁᛗ ᚪᛋᛖᛏᛏᚩᚾ ᛋᛖᚷᛖᚾ ᚷᛖᛚᛞᛖᚾᚾᛖ
ᚻᛠᚻ ᚩᚠᛖᚱ ᚻᛠᚠᚩᛞ, ᛚᛖᛏᚩᚾ ᚻᚩᛚᛗ ᛒᛖᚱᚪᚾ,
ᚷᛠᚠᚩᚾ ᚩᚾ ᚷᚪᚱᛋᛖᚳᚷ; ᚻᛁᛗ ᚹᚨᛋ ᚷᛇᛗᚩᚱ ᛋᛖᚠᚪ,
ᛗᚢᚱᚾᛖᚾᛞᛖ ᛗᚩᛞ. ᛗᛖᚾ ᚾᛖ ᚳᚢᚾᚾᚩᚾ
ᛋᛖᚳᚷᚪᚾ ᛏᚩ ᛋᚩᚦᛖ, ᛋᛖᛚᛖᚱᚨᛞᛖᚾᛞᛖ,
ᚻᚨᛚᛖᚦ ᚢᚾᛞᛖᚱ ᚻᛇᚠᛖᚾᚢᛗ, ᚻᚹᚪ ᚦᚨᛗ ᚻᛚᚨᛥᛖ ᚩᚾᚠᛖᛝ.
|
