Oliy ta’lim insonni har tomonlama toblaydi

---

Bolalikning beg’ubor davri tugab, mustaqil hayotga qadam qo’yar ekanman: 
“Oliy ta’lim insonni har tomonlama toblaydi”- degan gapning mohiyatini anglab 
borayotgan o’xshayman. 
2021-yil oktyabr oyining o’rtalari edi. Professorimizning nutqini ham hayrat, 
ham katta qiziqish bilan eshitib turar ekanman, zamonaviy turizm asoschisi Tomas 
Kukga qoyil qolmay iloj yo’q. “U dunyo yangiliklar arafasida ekanini anglagan 
holda, - professorimiz nutqini davom ettirdi, - birinchi bo’lib Britaniyaliklar uchun 
Parijga sayohat tashkillashtirdi”. O’ylanib qoldim: “Balki Britaniyaning turizm 
sanoati bu qadar rivojlanganiga, dunyoning madaniy va ma’rifiy nuqtalaridan biriga 
aylanishiga shu sababchidir?” – etim jimirlab ketdi. Darsdan so’ng xonamga 
qaytdim, bugungi nutq haqida uzoq o’yladim va kelajakda o’z yurtim rivojiga 
munosib hissa qo’sha oladigan yetuk kadr bo’lish yo’lida ko’proq ilm olishga intila 
boshladim. Maqsadimni amalga oshirish yo’lida bilimlarimni yanada boyitish uchun 
bo’sh vaqtlarimda “Academia.edu” va “Research.eu” kabi jurnallardagi turizm 
sohasiga oid maqolalarni hamda muhtaram prezidentimizning turizmga doir 
siyosatlarini xususan, qaror va farmonlarini muntazam o’qib bordim va bu menga 
o’zgacha shijoat baxsh etdi. Ayniqsa, 2022-2026-yillarga mo’ljallangan yangi 
O’zbekistonning “Taraqqiyot Strategiyasi”da turizm sohasiga ham katta e’tibor 
qaratilgani meni juda quvontirdi va menda turizmga oid ko’plab yangi g’oyalar 
aynan shu izlanishlarim orqali tug’ila bordi. Jumladan, O’zbekiston sharoitiga mos 
keluvchi turizmning nisbatan yangi turlari: sog’lomlashtirish turizmi, ekoturizm, 
qishloq turizmi va pazandachilik (kulinariya) turizimi meni juda ham o’ziga jalb 
qildi. Bunga bir nechta sabablar bor. Birinchisi, mening sevimli buvijonimning 
oshqozon kasalligi bilan bog’liq muammolari bizni har yili Surxondaryodagi 
sog’lomlashtirish markaziga olib boradi. Kelajakda shu kabi muammolari bor 
insonlar uchun bu turdagi markazlarni ko’paytirib, modernizatsiya qilish haqida 
o’ylasam yanada turizmga bo’lgan muhabbatim oshadi. Ikkinchisi, qishloq turizmi 
bo’lib, hududlardagi mavjud bizneslarni yanada qo’llab quvvatlash, turistlar uchun 
yaratilgan yangi qulayliklardan mahalliy aholi ham bahramand bo’lishi, yangi ish 
o’rinlarni yaratilishi va ekologik jihatdan toza va barqaror muhitni yaratilishi 
mumkinligi meni yanada quvontiradi. Uchinchisi esa, hozirda juda muhim bo’lgan, 
har qanday davlat uchun hayot-mamot masalasiga aylanib borayotgan ekologiya 
muammosidir. Ekoturizmni rivojlantirish orqali fuqarolarimizni va xorijiy 
sayyohlarni tabiatga bo’lgan munosabatlarini ijobiy tomonga o’zgartirish bilan bir 
qatorda davlatimiz iqtisodiyotini yanada rivojlantirishni bilish menga yanada 
ko’proq motivatsiya beradi. Hayotimni o’zgartirib va maqsadlarimni yanada 
aniqlashtirib bergan o’sha vaqtdan roppa-rosa bir yil o’tib, men dunyoning turizm 

---

sohasi bo’yicha eng yaxshi o’ntalikka kiradigan Shvetsariyaning “Cesar Ritz 
Colleges” oliygohiga qabul qilindim. 
Oliyjanob prezidentimizning tashabbuslari bilan tashkil etilgan “El-yurt umidi” 
jamg’armasi stipendiyasi sovrindorligi nasib etsa, o’qishimni Shvetsariyada davom 
ettirib, bilimlarimni kengaytirib, davlatimni turizm sohasida dunyodagi eng yaxshi 
o’ntalikka kiritsam, xalqimni sog’lom va boy qilishda o’zimning kamtarona
hissamni qo’shsam o’z so’zimni ustidan chiqgan va maqsadimga erishgan
bo’laman. 
Husenov Ravshan Ulug’bek o’gli 29.04.2023

---