"Oq terakmi, ko'k terak?" o'yini

"Oq terakmi, ko'k terak?" o'yini
Ushbu xalq o'yini turkiy tilli davlatlar o'rtasida keng tarqalgan
"Oq terakmi, koʻk terak?" - turkiy xalqlar o'rtasida keng tarqalgan bolalar oʻyinidir.
Ushbu oʻyinda ishtirokchilar teng ikki jamoaga boʻlinib, oralarida taxminan 10-25 metr masofa uzoqlikda har ikki jamoa qoʻl ushlashib saflanib turadilar.
Birinchi jamoa 2-jamoga murojaat qiladi: "Oq terakmi, koʻk terak? Bizdan sizga kim kerak?"
Ikkinchi jamoa Sizdan bizga, "falonchi" kerak deb javob beradi.
Shundan soʻng oʻsha chaqirilgan bola yugurib kelib, raqib jamoa aʼzolarining ushlashib turgan qo'lini koʻkragi bilan uzishga harakat qiladi. Agar qoʻllar ushlangan joyidan uzilib ketsa, yugurgan bola raqib tomondagi bolalardan birini oʻz jamoasiga olib ketadi, uzolmasa, oʻzi oʻsha jamoada qolishi kerak bo'ladi.
Oʻyin shu tariqa navbat davom etadi. Jamoalardan qaysi birida ishtirokchilar qolmasa, oʻsha jamoa yutqazgan hisoblanadi.