Oqıtıw metodları hám quralları. JobaSÍ: Oqıtıw metodı, usılı hám quralı haqqında túsinik

Ibn Sino ilimiy isler menen shuǵıllanıwdı tálim-tárbiyanıń ilimiy-metodikalıq tiykarların islep shıǵıw menen baylanıstırıp alıp bardı. Logikalıq oylaw, jeke baqlaw, tájiriybe, túsindiriw, áńgime hám gúrriń metodların qollanıp oqıtıwǵa kewil bóldı. Oqıtıwda oqıwshılardı ózbetinshelikke úyretiwdi oqıtıwdıń negizgi usıllarınan biri dep esapladı.
Házirgi dáwirde oqıtıw metodlarına tómendegishe talaplar qoyıladı:
Oqıtıw metodları - milliy tárbiya maqsetine muwapıq bilimli, joqarı adamgershilikli, óz watanınıń haqıyqıy pidayısı, salamat áwladti kamalǵa jetkeriwge jańa zaman talabı dárejesinde úles qosıwı tiyis; Mámleketlik bilimlendiriw standartı hám oqıw baǵdarlamaları talapları tiykarında oqıwshılardıń bilim, eplilik, kónlikpeler jıyındısın ózlestiriwin támiynlewi kerek; Sabaq beriw, oqıw hám bilim mazmunı arasındaǵı baylanıstı, muǵallim menen oqıwshılardıń birgeliktegi teń huqıqlı, erkin hám dóretiwshilik qarim-qatnasın bekkemlewi lazım; Oqıwshılardı oqıtıwǵa úyreniwge, bilim beriwge emes bilimdi ózbetinshe tabıwǵa hám iyelewge úyretiwge, orınlawshı emes dóretiwshi shahxstı tárbiyalawǵa qaratılǵan bolıwı zárúr; Oqıwshılardıń oqıtıw protsesiniń bas sub`ekti hám ob`ekti bolıwın támiyinlew dárkar; Oqıwshılarda ózbetinshelikti, jedellikti, ózbetinshe erkin pikirlewdi, dóretiwshilik oylawdı, dóretiwshilik penen miynet islewdi, intakerlikti, isbilermenlikti rawajlandırıwı tiyis; Jańa pedagogikalıq tehnologiyalardı qollawdıń, pedagogikalıq jańalıqlardı oylap tabıwdıń, novatorlıq tájiriybelerdi jaratıwdıń pedagogikalıq «júregi» bolıwı kerek; Xabar hám baylanıs tehnologiyaları, internet hám komp`yu-ter tarmaqları, aralıqtan oqıtıw arqalı bilim beriwge hám bilim alıwǵa járdemlesiwi lazım; Xabar beriw jolı menen oqıtıwdan dóretiwshilik penen oqıwǵa, este saqlawǵa tiykarlanǵan, bilim beriwden oylawǵa, sezimge hám ámeliy xızmetke negizlengen bilim beriwdi támiyinlewi kerek; pánniń, temanıń, oqıwshılardıń jas, jeke ózgesheliklerine ılayıq, sabaqtıń qay jerde ótkeriletuǵının esapqa alǵan halda tańlanıwı hám qollanıwı tiyis.
Designing teaching methods that consider diverse learning styles, abilities, ways of knowing, and previous ehperience and background knowledge.¹
Metodlardı oqıtıw planlastırıw bul- ózine tán ayrıqsha uyreniw stillerin, qábiylietlerin, biliw jolların hámde dáslepki usıllardı bildiredi.
Milliy mekteplerimizde qáliplesken tájiriybelerge negizlenip oqıtıw metodların - awiz-eki, kórsetpeli, ámeliy, mashqalalı, induktiv, deduktiv, interaktiv oqıtıw metodlarına bóliwge boladı.