KIMYo fani
o‘quv DASTURI
(7-sinf)
UQTIRISh XATI
Kimyo ta’limining ahamiyati uning fan-texnika taraqqiyotida, ishlab chiqarish sohalari va kundalik hayotda tutgan o‘rni bilan belgilanadi. Kimyo fanini o‘qitish orqali o‘quvchilarning ilmiy dunyoqarashini, mantiqiy fikrlay olish qobiliyatini, aqliy rivojlanishini, o‘zini o‘zi anglash salohiyati shakllantiriladi va rivojlantiriladi. Ularda milliy, umuminsoniy qadriyatlarni tarkib toptirish hamda ijtimoiy hayot va ta’lim olishni davom ettirishlari uchun zarur bo‘lgan bilimlar beriladi.
Umumiy o‘rta ta’limda kimyo fanini o‘rganishning asosiy maqsadi -o‘quvchilarda tayanch va kimyo o‘quv faniga oid umumiy kompentensiyalarni shakllantirish, mazkur fanni o‘rganishda boshqa fanlardan olgan bilimlarini va hayotiy tajribalariga tayangan holda eng muhim kimyoviy tushunchalar, kimyoviy elementlar, moddalarning xossalari, tuzilishi, tarkibi, anorganik bilan organik moddalar orasidagi bog‘liqlik, ulardan kundalik turmushda foydalana olish hamda kimyo o‘quv xonasida ishlash xavfsizlik qoidalari bilan tanishtirish va amal qilishga o‘rgatish.
Do'stlaringiz bilan baham: |
