Oʻquvchilarni kasb-hunarga yoʻnaltirish va psixologik-pedagogik respublika tashxis markazi

Daltonizm - koʻzlar ranglarni qabul qilmaydi, hamma narsa rangsiz koʻrinadi. Bu insonning hayotdagi xursandchiliklarni koʻra bilmasligini bildiradi.
Glaukoma - “koʻz devori”. Inson oʻtmishidan aziyat chekishi, kechirishni istamasligiga ishora qiladi.

Tishlar

Qaror qabul qila bilmaydigan beqaror kishilarning tishlari ogʻriydi. Siz uchun boshqalar qaror qabul qiladi, oʻzingiz esa qoʻrqasiz, hayotiy vaziyatlarni tahlil qilishni bilmaysiz.


Og’iz bo’shlig’i

Ogʻiz boʻshligʻi kasalliklari, jumladan, stomatit koʻngilni oʻrtovchi ogʻriqlar, alamlar bilan bogʻliq. Tilni tishlab olish - koʻp gapirmaslikka ishora. Ogʻiz yangi gʻoyalarning qabul qilinishi bilan bogʻliq. Undagi barcha muammolar aynan shu sohadagi kamchiliklardan dalolat beradi.

Yelka sohasi

Yelka - hayotning tayanch ramzi. Yelkadagi muammolar hayotda maʼnaviy, ruhiy qoʻllab-quvvatlashning yoʻqligini anglatadi. Inson oʻzini sevilmagandek his qiladi yoki oʻz muhabbatini yashirishga majbur. Agar u harakatchanligini yoʻqotsa, u boshqalarga boʻlgan muhabbatini faoliyat orqali koʻrsata olmaydi.


Bel

Bel - bu ziddiyat, aybdorlik hissi. Buni his qiluvchilarning diqqati ayni vaqtda oʻtmishga qaratilgan. Belning pastki qismi moddiy farovonlik, pullar, hamkorlar, uy, bolalar, ish, diplomlar va hokazolar bilan bogʻliq. Bu sohadagi ogʻriq insonning biror nimani qoʻlga kiritish istagida ekanligi, ammo bunga iqror boʻlishga jurʼatsizlik qilayotganini anglatadi. Buning natijasida hamma narsani oʻzi bajarishiga toʻgʻri keladi va barcha aybni bel ogʻrigʻiga agʻdaradi.

Ortiqcha vazn
Agar inson ortiqcha vaznga ega boʻlsa, u oʻz ichki olamiga nazar solishiga toʻgʻri keladi. Koʻpincha tana tashqi taʼsirlardan himoyalanish uchun oʻzida ortiqcha yogʻni ushlab turadi. Inson jamiyat va umuman hayot oldida oʻzini himoyasiz his qiladi. Bolalik yoki oʻsmirlik yillarida semizlikdan aziyat chekkan kishilar koʻpincha kamsitishlar va haqoratlarni boshdan kechirishgan boʻlishadi.
Oshqozon

Shifokorlar gastrit kasalligining bezovtalik va asab zoʻriqishlari asnosida paydo boʻlishini tasdiqlashadi. Oshqozondagi muammolar hayot yoʻlida aniqlik yetishmayotganligi, baʼzan esa chorasizlikdan dalolat beradi. Oshqozon yarasi xoʻrlanish hissi, qoʻrquv va himoyasizlikka ishora qiladi. Shuningdek bu kasallik “tashqariga chiqarilmaydigan” jahl tufayli ham paydo boʻladi. Agar shu insonlar vaqtida oʻz dardlari bilan boʻlishishganda edi, ularni oshqozon yarasi bezovta qilmagan boʻlardi
Teri kasalliklari