Oqıw imaratına qoyılatug`ın talaplar

Oqıw imaratına qoyılatug`ın talaplar. Joqarı ta`lim oqıwlarında o`tkiziletug`ın texnik joybarlaw ha`m modellestiriw shınıg`ıwları ushın ko`binshe oqıw ustaxanalarınan paydalanıladı. Bul ustaxanalarda miynet ta`liminin` ha`r qıylı forma ha`m metodlarınan paydalanıw, texnik mag`lıwmatlar beriw, izleniwshilik ha`m miynet ta`jiriybesin rawajlandırıw, konstruktorlıq – texnologik xarakterdegi islew ma`selelerin orınlaw, joqarı da`rejedegi miynet intizamın ha`m miynetti qorg`aw talaplarına a`mel qılıw ushın jaqsı sharayatlar bar bolıwı kerek.
Joqarıda aytılg`an wazıypalardan kelip shıg`ıp, oqıw ustaxanaları to`mendegi tiykarg`ı sanitariya – gigiena ha`m sho`lkem-metodik talaplarg`a juwap beriwi lazım:
1.Ustaxana imaratı ta`limlik-pedagogik, sanitariya-gigiena ha`m islep shıg`arıwdın` texnik talapların qanaatlandırıwı kerek.
2. Oqıw ustaxanaları texnikanın` ha`zirgi da`rejesine, joqarı miynet ma`deniyatına muwapıq u`skenelestiriliwi ha`m olar tek ustaxana a`meliyatı bag`darlamasındag`ı ba`rshe temalardı emes, ba`lki texnik do`retiwshilikti de u`yretiw ushın za`ru`r sharayat penen ta`miynleniwi kerek.
3. Tu`rli buyırtpalardı orınlawda oqıtıwshı menen oqıwshı alıp baratug`ın ulıwma toparlıq ha`m de brigada-zvenolı, potoklı jumıslar ushın sharayat jaratıw za`ru`r.
4. Ha`r bir talabag`a kerekli a`sbap-u`skene menen ta`miynlengen jumıs ornı ajıratılıwı lazım.
5. Oqıtıwshı ushın tiysli u`skeneler menen ta`miynlengen poldan 250-300 mm ko`terilgen ­u`lgili jumıs ornı sho`lkemlestiriliwi lazım.
6. Ustaxanada talabalarg`a miynet etiw ushın en` qolay ha`m qa`wipsiz sharayat bolıwı sha`rt.
7. Oqıw ustaxanaları ko`lemi ha`m ko`rgizbe qurallar menen ta`minlengen bolıwı za`ru`r.
8. Ja`rdemshi xanalar (sklad) oqıw ustaxanalarına jaqın jaylasqan bolıwı kerek.
9. Sırttag`ı dawıslar talabalardın` itibarın jumıstan shalg`utatug`ın ha`m miynet protsessini kesent beretug`ın shawqımlar ustaxanag`a estilmewi kerek.
10.3. Texnik joybarlaw ha`m modellestiriw ushın kereli materiallar. Jumıs ornı degende, ustaxana maydanının` oqıw islep shıg`arıw ha`m konstruktorlıq-texnologik jumıslardı orınlawı ushın za`ru`r a`sbap-u`skeneleri (verstak,stanok) maqsetke muwapıq halda jaylastırılg`an bo`limi tu`siniledi. Jumıs islew waqtında oqıwshının` gewdesi qolay jaylassa ha`m artıqsha ha`reketlenbese, bunday jumıs ornı ratsional bolıp esaplanadı. Texnik konstruktsiyalaw ha`m modellestiriw ushın tiyisli materiallar, detallardın` ha`m de jıiynaw birliklerine ta`sir etetug`ın ku`shlerdin` xarakterin na`zerde tutqan halda tan`lanadı. Bunda materiallardın` qa`siyetlerin esapqa alıw kerek boladı. Texnik joybarlaw ha`m modellestiriwde metallardan tısqarı metall emes materiallar da isletiledi. Modeller ha`m texnik qurılmalardı jasaw ushın ag`ash, qag`az, plastmassa materiallarınan ken` qollanılmaqta. Modellerdin` sırtqı ko`rnisin jaqsılaw ushın olarg`a dıqqat penen islew beriledi. Bunda laklar,boyawlar ha`m basqa materiallar menen pardozlaw ken` jolg`a qoyılg`an, sebebi bul metal ha`m ag`ash betindegi jarıqlardı, shuqırlardı jasırıp, olardı shıraylı, ren`li ha`m jıltıraq qıladı.