O‘rta va o‘rta maxsus ta’limi o‘qituvchilarini tayyorlash tizimida talabalarning umumta’lim va o‘rta maxsus ta’lim muassasalarida o‘tkazadigan pedagogik amaliyoti alohida o‘rin tutadi

PEDAGOGIK AMALIYOTNING MAQSAD VA VAZIFALARI
Talaba malakaviy pedagogik amaliyoti davomida quyidagi ishlarni amalga oshirishi kerak:
-Oliy o‘quv yurtida pedagogik amaliyot boshlanishiga bag‘ishlangan tadbirda ishtirok etish;
-Pedagogik amaliyot o‘tkaziladigan talim muassasasi ma’muriyati va pedagogik jamoasi bilan umumiy tanishish. Ta’lim muassasasi rahbarlari bilan o‘tkaziladigan suhbatlarda ishtirok etish:
-Ta’lim muassasasining ichki tartib qoidalari bilan tanishish, unga bo‘y so‘nish va o‘quvchilar tomonidan amal qilishga pedagogik jamoaga yaqindan yordam berish;
-Ta’lim muassasining o‘quv binosi moddiy texnik bazasi, fan kabinetlari, kutubxona fondi bilan tanishish;
-Ta’lim muassasasida olib boriladigan ta’lim, tarbiyaviy, ma’naviy, ma’rifiy ishlar mazmuni bilan tanishish fan o‘qituvchilarining olib borayotgan mashg‘ulotlarini kuzatish, ularni tahlil qilish, fikr-mulohazalarini amaliyot daftariga qayd etish;
-O‘quv fanlari bo‘yicha dars jadvali, o‘quv yili uchun tuzilgan taqvim reja, DTS dasturlarini o‘rganish va o‘tkazilgan darslar mavzusini aniqlash o‘zaro darslarni kuzatish hamda muhokamasida ishtirok etish;
-O‘quv fanlari bo‘yicha darslar, darsdan tashqari ishlar, sayr-sayyohatlar mavzularini qayd etish;
-Ta’lim-tarbiya jarayonini tahlil etishning o‘ziga xos xususiyatlarini o‘rganish, iqtidorli o‘quvchilarni aniqlash ular bilan olib boriladigan mashg‘ulotlar mazmunini va o‘tkazish tartibi hamda shaxsga individual yondashish yo‘llarini o‘rganish;
-Pedagogik amaliyot davomida talabalar tomonidan o‘tkaziladigan darslar, ma’naviy-ma’rifiy tadbirlarni kuzatish tahlil qilish, ularni muhokamasida ishtirok etish, fikr va mulohazalarni amaliyot daftariga qayd etish.
-Ta’lim muassasasi tomonidan o‘quvchilarni ota-onalar, mahalla, sog‘lom avlod uchun, jamoa va nodavlat tashkilotlari ishlari mazmuni bilan tanishish, ota-onalar majlislarida faol ishtirok etish.
-O‘quv fanlari uyushmalari va ta’lim muassasasining pedagogik kengashlarida ishtirok etish mazkur yo‘nalish bo‘yicha olib boriladigan tadbirlarning mazmuni bilan tanishish.
-Malakaviy pedagogik amaliyot bo‘yicha yuritilayotgan malakaviy pedagogik amaliyot kundaligi, malakaviy amaliyotni o‘tganligi hisoboti, malakaviy pedagogik amaliyot to‘g‘risidagi asosiy hujjat hisoblanadi.
-Talaba amaliyot davrida har kuni amaliyot dasturidagi vazifalarini bajarishi to‘g‘risidagi qisqa va aniq ma’lumotlarni kundalikka yozib qo‘yadi.
-Talaba har haftada bir bora yuritiladigan amaliyot kundaligi kamchiliklarini tuzatgan holda va qo‘shimcha topshiriqlarni bajarib rahbariga taqdim etadi.
-Talaba malakaviy amaliyot kundaligiga maktab ma’muriyati haqidagi umumiy ma’umotlarni yozib qo‘yadi.
-Talaba o‘ziga berkitilgan sinf haqidagi umumiy ma’umotlarni kundalikka yozib qo‘yadi.