Sillogizmning tarkibi xulosa asoslari (praemissae) va xulosa (conslusio)dan tashkil topgan. Xulosa asoslari va xulosadagi tushunchalar terminlar deb ataladi. Xulosaning mantiqiy egasi – S – kichik termin (terminus minor), mantiqiy kesimi – P – katta termin (terminus major), deb ataladi. Xulosa asoslari uchun umumiy bo‘lgan, lekin xulosada uchramaydigan tushuncha – M – (terminus medius) o‘rta termin deb ataladi. Asoslarda katta terminni o‘z ichiga olgan mulohaza katta asos, kichik terminni o‘z ichiga olgan mulohaza kichik asos deb ataladi. Asoslarning qanday ketma-ketlikda kelishi, ularni kichik yoki katta asos deb ajratishga bog‘liq emas.42
S – kichik termin;
M – o‘rta termin;
P – katta termin.
O‘rta termin katta va kichik terminni bog‘lovchi mantiqiy element hisoblanadi.
Do'stlaringiz bilan baham: |
