O'zbekiston Respublikasi budjet ijrosini tashkil etishda g'aznachilik faoliyatining zarurligi mundarija

II-BOB. O’ZBEKISTON RESPUBLIKASIDA G’AZNA IJROSINI TASHKIL ETISH VA MAHALLIY BYUDJETLAR NAZORATINI

TASHKIL ETISH HOLATI TAHLILI

2.1. Davlat byudjeti g’azna ijrosini tashkil etish faoliyati taxlili
Davlat byudjetining barcha mablag’lari g’aznachilikning yagona bir hisobraqamida to’planadi, amaldagi byudjet tizimida buning iloji yo’q edi, chunki, ba’zi mahalliy soliqlar va yig’imlar tuman byudjetining tijorat banklardagi hisobraqamiga tushadi. G’aznachilikni joriy etilishi bilan, davlat byudjetining daromad qismining ijrosi tijorat banklari tomonidan emas, g’aznachilik tizimi orqali amalga oshiriladi. Bunda O’zbekiston Respublikasi Moliya Vazirligi byudjet tizimining barcha darajadagi byudjetlarga tushumlarning manbalari bo’yicha soliqlarning yig’ilishi to’g’risida, byudjet tasnifi asosida respublika va mahalliy byudjet xarajatlarining kassa ijrosi bo’yicha har kuni axborot olinishi mumkin bo’ladi. Davlat byudjetining xarajatlar va daromadlar qismining ijrosi to’g’risidagi hisobot g’aznachilik tomonidan tuziladi.
Demoqchimizki, byudjetni ijro etilishida g’aznachilik tizimiga o’tish byudjet mablag’laridan maqsadli foydalanishning, boshqaruv organlari xarajatlarini qisqartirishning imkoniyatini beradigan to’g’ri yo’llardan biridir. Zero, O’zbekiston Respublikasida ijtimoiy-iqtisodiy islohotlar yanada chuqurlashtirilayotgan davrda, ijtimoiy hayotimizning barcha sohalarida bo’lgani kabi moliya, byudjet sohasida ham chuqur o’zgartirishlarni amalga oshirish hozirgi kunning asosiy talabidir.
Davlat moliyasidan maqsadli tarzda, oqilona, samarali foydalanish har qanday mamlakat byudjetlari ijrosining zaruriy ko’rsatkichi hisoblanadi, byudjet ijrosi soliq to’lovchining ham, davlat xokimiyati va boshqaruv organi vakillarining ham diqqat e’tiborida turadi. Biz buni quyidagi chizmada ko’rishimiz mumkin.


Byudjet mablag’lari taqsimlovchilari va byudjktdan mablag’ oluvchilar uchun uvedomleniyalar

Byudjet mablag’lari taqsimlovchilari va byudjetdan mablag’ oluvchilar uchun sertifikatlar
Viloyat boshqarmasi mijozlari uvedomleniyalar uchun