O’zbekiston respublikasi maktabgacha ta’lim vazirligi

Bola rivojlanish xaritasi²⁵ har bir bolaga individual holda, yiliga uch martadan kam bo’lmagantarzda to’ldirib boriladi (o’quv yili boshida, o’rtasida va oxirida). Maktabgacha ta’lim tashkilotidan chiqishda 6-7 yoshli bolaning maktabga²⁶ tayyorlig xaritasi to’ldiriladi (faqat maktabgacha ta’lim tashkiloti bitiruvchilari uchun).
Maktabga tayyorlik deganda bolada umumiy kompetensiyalaring va rivojlanish sohalari kompetensiyalarining kuchaytirilganligi tushuniladi. Mazkur xarita maktabgacha ta’lim tashkilotining har bir bitiruvchisi uchun to’ldiriladi. Unda dasturga mos holda rivojlanishning barcha sohalari bo’yicha kutilayotgan natijalar (bola kompetensiyalari) taqdim etiladi.
Tarbiyachiga u yoki bu natija qay darajada aks etishini belgilash taklif etiladi. Rivojlanishning beshta sohasi bo’yicha natijalar (bola kompetensiyalari) umumlashtiriladi va tavsiyalar hamda istaklar ko’rinishida ota-onalarga taqdim etiladi.

5. 6-7 yoshli bolalarni boshlang’ich ta’limga majburiy bepul bir yillik tayyorlov guruhlarida bolalarga ta’lim berish samaradorligi va rivojlanishidagi ijobiy o’zgarishlarni

baholashni amalga oshirish muddatlari

Bolaning rivojlanish xaritasini to’ldirish, uch bosqichli kuzatish orqali amalga oshiriladi: boshlang’ich (o’quv yilining boshida), oraliq va yakuniy.

Boshlang’ich kuzatish o’quv yilining boshida (taxminan sentabr oyida) amalga oshiriladi. Ushbu bosqichda har bir bolaning boshlang’ich qobiliyatlari aniqlanadi va ularning shu vaqtgacha erishgan yutuqlari belgilanadi. Pedagog har bir bolani ta’limiy-tarbiyaviy jarayonlar davomida kuzatib boradi va bolaning yoshini hisobga olgan holda rivojlanish xaritasini to’ldiradi.
Oraliq kuzatish yarim yillik oxirida (dekabr, yanvar oylari) o’tkaziladi. Bu kuzatishning maqsadi bolaga nisbatan tanlab olingan metodikaning to’g’riligini aniqlash, rivojlanish dinamikasini belgilash sanaladi. Mazkur kuzatish natijalari bo’yicha tarbiyachi boshqa mutaxassislar bilan hamkorlikda zarur vaziyatlarda pedagogik jarayonga tuzatishlar kiritishi mumkin.