O'zbekiston Respublikasi Mustaqilligining 20yilligiga bag'ishlanadi kirish

UNESKOning Toshkentdagi vakolatxonasi rahbari Maykl Barri Leyn O'zbekiston bosh kentining Islom madaniyati poytaxti, deb e'lon qilinishi munosib maqom, deb baholadi.

• 
  Toshkentda «Jahon madaniyati yodgorliklari» ro'yxatiga ki-ritilgan Usmon qur'oni hamda Beruniy kutubxonasi saqlanmoqda, Baroqxon, Ko'kaldosh madrasalari, Qaffol Shoshiy, Shayx Xovand Tohur, Yunusxon, Zangi ota yodgorlik majmualari binolari asrab-avaylab kelinmoqda. 2007-yilda ushbu muhim voqea munosabati bilan UNESKO Markaziy Osiyo islom merosiga bag'ishlangan xal­qaro konferensiyani Toshkentda o'tkazishni rejalashtirmoqda, - deb ta'kidladi UNESKO vakolatxonasining rahbari.
  
• 
  Toshkentda istiqomat qilayotgan har bir inson shaharning ma­daniy va tarixiy muhitini qalban his qiladi, - deydi BMT Aholi zichligi fondi (UNFPA)ning O'zbekistondagi vakili Xolid Filbi. -Muzeylar va madrasalarning mahobatli binolari, Toshkent islom universiteti faoliyatida aks etayotgan sermazmun islom madaniyati shaharni butun Osiyo qit'asidagi eng yorqin islom madaniyati mar-kazlaridan biri, deb e'tirof etilishiga sababchi bo'lgani tabiiydir.
  

Uzoq tarixdan boshlaboq musulmon dunyosi tarixida asosiy o'rinlardan birini egallab kelgan, jahonga Buxoro, Samarqand, Xiva-ni tuhfa etgan O'zbekistonning go'zal poytaxti eng muhim islomiy markazlardan biri, deb e'tirof etilishiga har tomonlama munosib.
- Ushbu to'g'ri va adolatli qarorning qabul qilinishi O'zbekistonning boy islomiy madaniyati bilan bog'liq ekanligiga shubha yo'q, - dedi Fransiyaning O'zbekistondagi elchisi Jan Bernar Art ISESCO qarorini sharhlar ekan. - Musulmon olami-ning jahonga mashhur qator olimlari, faylasuf va shoirlari ushbu mamlakat hududida yetishib chiqqanlar. Toshkentning islom ma­daniyati poytaxtlaridan biri, deb tan olinishi jahon jamoatchiligiga O'zbekistondagi boy islomiy meros bilan yaqindan tanishish imko-nini berishiga shubha yo'q.
«O`zbekiston bunday e'tirofga loyiqdir, - deydi Buyuk Bri-taniyaning O'zbekistondagi elchisi Devid Moran. - Musulmon olamining eng muhim yodgorligi - Usmon qur'oni O'zbekistonda saqlanadi. Toshkentning islom madaniyati poytaxtlaridan biri, deb e'tirof etilishi G'arb jamoatchiligida uning boy va o'ziga xos tarixiy-madaniy hamda ma'naviy merosiga qiziqishni kuchaytiradi.
O'zbekiston xalqi Toshkent bilan bir qatorda Samarqand, Buxoro, Xiva kabi ulug'vor hamda go'zal shaharlari bilan har qancha faxr-lansa arziydi.
- Toshkentning o'tmishi va qadimdan saqlanib kelayotgan boy merosini e'tiborga olgan holda mazkur qaror adolatli qabul qilingan, deb hisoblayman.
O'zbekiston shaharlari islom dini va madaniyati bilan cham-barchas bog'liq bo'lgan ko'plab me'morchilik yodgorliklari ila dun-yoda nom taratgan. Qadimiy Buxoro va Samarqand shaharlari ham Toshkent bilan bir safdan joy olishga sazovordir.