O‘zbekiston respublikasi oliy va o‘rta maxsus ta’lim vazirligi alisher navoiy nomidagi toshkent davlat o‘zbek tili va adabiyoti universiteti

 O‘quvchilarda shakllantiriladigan tayanch kompetensiya elementlari: 
 
O‘zini o‘zi rivojlantirish kompetensiyasi: 
A2 
shaxs sifatida ma’naviy, ruhiy va intellektual kamolotga intilishni hayotiy-
ma’naviy ehtiyojga aylantira olish; 
badiiy asarlarda tasvirlangan milliy va umuminsoniy qadriyatlarni e’zozlash va 
ularga amal qilish; 
badiiy kitoblarni muntazam o‘qish va o‘rganish, xulosa chiqarish, ibrat olish; 
o‘z xatti-harakati, fikr-mulohazalariga tanqidiy yondasha olish, o‘zini nazorat 
qila bilish, og‘zaki va yozma matnlar mazmuniga to‘g‘ri baho bera olish.
 
Milliy va umummadaniy kompetensiya: 

---

A2 
Badiiy adabiyot va san’atda aks etgan vatanparvarlik, insonparvarlik 
g‘oyalarini, umuminsoniy va milliy qadriyatlar tasviridagi o‘ziga xosliklarni 
anglash, ulardan ta’sirlanish, ulardagi go‘zallik va ezgulikdan o‘rnak olishga 
intilish, yovuzlik va xunuklikdan nafratlana olish. 
A2+ 
Badiiy asarlarda aks etgan tarixiy, ma’naviy va madaniy hodisalar mohiyatini
to‘g‘ri tushunish va talqin qila olish, ulardagi estetik jihatlarni ilg‘ay olish hamda 
tushuntirib bera olish. 
Umumta’lim maktablarida adabiyot fani 5-sinfdan boshlab, ya’ni yuqori sinf
o‘quvchilariga o‘tila boshlaydi. Boshlang‘ich sinflarda yosh va bilim salohiyati 
hisobga olingan holda, adabiyot fani doirasidan chiqmagan holda yengilroq 
ma’lumotlar berib borilgan bo‘lsa, yuqori sinflarda bu ma’lumotlarning ko‘lami 
kengayib, murakkablashib boradi. 
Adabiyot darslarida mumtoz asarlar yuzasidan bilimlarni chuqurlashtirish va
o‘quvchilarning faolligini oshirishda fanlararo integratsiyani amalda qo‘llash uchun 
ta’lim tizimidagi barcha fanlarning adabiyot bilan bog‘liq ma’lumotlarini tanlab 
olishda materiallarning o‘zlashtirilishiga, adabiy ta’limda o‘rganilayotgan mumtoz 
asarning boshqa fanlar bilan bog‘liqligini amaliy jihatdan isbotlay olishga va ana 
shu bog‘liqlikni ta’minlashda bevosita ilmiy mantiqqa, davr bilan hamohangligiga 
e’tibor qaratish zarur.

---