O’zbekiston respublikasi oliy va o’rta maxsus ta’lim vazirligi alisher navoiy nomidagi samarqand davlat universiteti tarix fakulteti
II bob. Buxoro qo’rboshilari va sovetlarga qarshi harakatning ahvoli
Download 0.57 Mb. Pdf ko'rish
|
buxoro respublikasidagi qarshilik korsatish harakati tarixidan 1920-1924 yillar
|
II bob. Buxoro qo’rboshilari va sovetlarga qarshi harakatning ahvoli
II.1. Harakatning keyingi rivojlanish bosqichlari (1922-1924yy) G’arbiy Buxoroda Mulla Abduqahhor boshchiligidagi harakat.
1922 yil avgust oyi oxirlarida Qobulda Buxoroning sobiq amiri Said Olimxon turkistonlik muhojirlarning katta qurultoyini chaqirdi. Unda Afg’onistondan tash- qari Buxoro va Turkiyadan kelgan vakillar ham ishtirok qildi. Afg’onistondan Muhammadxon Eshong’ozi; Toshkentdan Kuzur Qozi, Azim Afandi; Farg’onadan Qori Afandi va yana 4 kishi; Buxorodan Usmon Xo’ja, Orif Hamid turkmanlardan Qulmuhammadbek (M. Qulmuhamedov) va amir nomidan Abdul Hakim kabi vakillar qatnashdilar. Anvar Poshoning o’limidan keyin Buxoro va butun Turkistonda yuzaga kelgan vaziyat muhokama qilindi. Buxorodagi istiqlolchilarga amaliy yordam berish choralari haqida kelishib olindi. Turkistondagi turli qo’rboshi guruhlarini birlashtirish va joylarga vakillar hamda maslahatchilar yuborish masalalari hal qilindi. Halok bo’lgan Anvar Posho o’rniga (Buxoroda uning yordamchisi bo’lib yurgan va hozir Afg’onistonda turgan) turk zobiti Hoji Somiy Afandi - Salim Posho Oliy bosh qo’mondon qilib tayinlandi hamda ynra Posho (general) unvoni berildi. Salim Posho boshchiligida Turkistondagi istiqlolchilarning yalpi xujumini 1923 yil bahorida boshlash rejalashtirildi. 1922 yil kuzida G’arbiy Buxoroda istiqlolchilar bilan qizil askarlar o’rtasidagi janglar qizib ketdi. Karmana viloyati ijroiya qo’mitasi raisining 1922 yil 9 sentyabrda yozgan ma’ruzasida aytilishicha, Xatirchidagi istiqlolchilarga Bobo Muhammad Alim, Hasan Amin Tuqsabo, Jo’raqul Miroxo’r, Shamsutdin Hoji Miroxo’r, Jumaqul, Shomurod kabi qo’rboshilar boshchilik qilishgan. Bu dastalarning 400 kishidan iborat qo’shini Chingir Bozorda o’rnashgan bo’lib, ularga Samarqanddan Hamdamcha boshchiligidagi 90 kishilik dasta kelib qo’shilgan. «Hozirgi vaqtda bosmachilar bir qancha qishloqlarda o’z amlokdorlarini tayinlashdi»,- deb joylarda sovet hokimiyati tugatilib, uning o’rniga qo’rboshilar o’z boshqaruvini joriy qilganligi ushbu ma’ruzada e’tirof etiladi. 52
Xatirchidan tashqari yana Karmana atroflari va butun Nurota istiqlolchilar qo’lida edi.
Hozirgi Buxoro viloyatining Shofirkon, G’ijduvon, Vobkent tumanlari jang harakatlari eng faollashgan joylar edi. Qizilqum cho’llarida joylashgan Tikay quduq, Mulla quduq, Og’itma va qayroqli Otada Mulla Abdulqahhor boshchiligida bir necha ming istiqlolchi bor edi. Buxoro gruppa qo’shinlarining 1922 yil 12 sentyabrdagi operativ ma’lumotlarda aytilishicha, Buxoro jang uchastkasida «31-- otliqlar brigadasi qo’shin qo’mondonining o’rinbosari Gaaze boshchiligida 10 sentyabr soat 21 da Vardonzedan (Shofirkondan o’n chaqirim sharqda) Tikay quduq qishlog’i tomonga qarab, Mulla Abdulqahhor dastasini tugatish uchun yo’lga chikdi. 11 sentyabr soat 5 dan 10 minut o’tganda Tikay quduq qishlog’ida (Shofirkondan 16 chaqirim shimolda) hayit Aminning 150 kishilik dastasiga hujum qilindi va u yakson etildi. Jangda 120 bosmachi o’ldirildi, o’lganlar orasida 3 afg’on, Abdulqahhorning asosiy o’rinbosari - Abdusattor, hayit Aminning o’g’li bor edi, shuningdek, Bo’zchi Botir qo’rboshi va 6 bosmachi asirga olindi.Mulla Abdulqahhorning o’zi esa dastada yo’q ekan. Jangda Gaaze o’ldirildi. O’sha kuni 31-otliqlar brigadasi Vardonze qishlog’iga qaytdi». Tikay quduqdagi janglarda qizil askarlar bilan bir safda turib, o’z yurtdoshlariga qarshi kurashgan Vobkent inqilob qo’mitasi (revkom)ning raisi Abdug’ani Nabiyev o’z esdaliklarida ushbu hodisani batafsil hikoya qiladi. Uning aytishicha, bu jangda Abdusattor Tuqsabo, Bozor Amin, Shobek kabi shofirkonlik qo’rboshilar holok bo’lgan. 1
qizilar endi malp-hiylani ishga solib, qo’rboshnlarni taslim bo’lishiga undashadi. Biroq ularning yolg’on va’dalariga uchmagan hayit Amin bu fikrni qat’iy rad etadi. Buning ustiga Tikay quduqda bo’lgan jangda o’ning o’g’li o’ldirilgan bo’lib, hayit Aminning yuragida qasos o’ti yonardi. U dushmandan intiqom olish uchun qurbon bo’lishiga ham tayyor edi. Yuzma-yuz kurashda uni yenga olmagan qizil askarlar hayit Aminni makkorlik bilan yo’qotish yo’lini o’ylab topishdi. Buning ychyn
1 Қ.Ражабов Бухорога қизил армия босқини ва унга қарши кураш. Т.: «Маънавият» 2002,102-103 бетлар 53
sopini o’zidan chiqarishga harakat qilindi. O’z xohishi bilan taslim bo’lgan Ismoil Tuqsabo ishga solindi. Ismoilga besh kun muhlat ichida Xayit Amin qo’rboshining o’ligi yoki tirigini keltirish vazifasi yuklatildi. shundan so’ng unga afv (amnistiya) qog’ozi beriladigan bo’ldi. Ismoil Tuqsabo o’z yigitlaridan bir necha kishini Qozoq nozir boshchiligida hayit Aminni qo’lga tushirish uchun jo’natdi. Bular hayit Aminni Xazornur ziyoratgщidan topdilar. Unga Ismoil Tuqsaboning sotqinligidan shikoyat qilib, bir umr hayit Amin bilan birga bo’lishiga qaror qilganliklarini aytishdi. Hayit Amin hyech bir ikkilanmasdan ularni o’z yigitlari qatoriga oldi. Hayit Aminning ishonchini qozongan Qozoq nozir qulay payt kelishini kutadi. Nihoyat, bir kuni tushlik namozi tugab, qo’l fotiha o’qish uchun yuzga olib borilganda, qozoq nozir Hayit Aminning qoq peshonasidan otadi. Uning tahlikaga tushgan 6 yigiti esa qurolsizlantirilib, qo’llari bog’lanadi. Hayit Amin ana shunday xiyonat va razillikning qurboni bo’ldi. Xiyonat va turli xil sotqinliklar Buxorodagi, umuman olganda, butun Turkiston mintaqasidagi istiqlolchilik harakatining keyinchalik mag’lubiyatga uchrashida mash’um o’rin tutadi. Afsuski, shimoldan kelgan bosqinchilar bilan ayrim yurtdoshlarimiz «til topishib», o’z Vatani va xalqiga nisbatan xoinlik qildi. Shuningdek, yangi to’zum siyosatini qo’llab-quvvatlovchi tabaqalar faoliyati kuchayib borganligini ham nazardan qochirmaslik lozim. Tikay quduq fojiasidan keyin kup o’tmay - 13 sentyabrda Vardonze atrofidagi 31- otliqlar brigadasi, uchar otryad va Buxoro otliqlar divizioni Chandir qishlog’iga (Shofirkondan 8 chaqirim shimoli-sharkda) hamda 6-otliqlar polki Savrak qishlog’iga (Shofirkondan 1 chaqirim sharkda) kelib joylashdi. Shofirkondagi ushbu qattiq janglar natijasida ham qizil askarlar bu yerda tuliq ustunlikka erisha olmaydi. Buxoro respublikasi Ichki ishlar xalq noziri Muxtor Saidjonovning Buxoro gruppa qo’shinlari inqilobiy harbiy kengashi nomiga 1922 yil 16 sentyabrda yozgan raportida aytilishicha, «Ichki ishlar xalq nozirligiga Sho- firkon kentidan kelgan ma’lumotlarga qaraganda, u yerda garnizon mutlaqo yo’q. Ichki ishlar xalq nozirligi u joyga garnizon yuborishingizni qatiyat bilan so’raydi». 54
Chunki Shofirkon tumanidagi Xo’ja Orif, Talisafed, Vardonze qishloqarida joylashtirilgan qizil askarlarning garnizonlari istiqlolchilar tomonidan qirib tash- langan edi. Zandani kenti ijroiya qo’mitasi raisining 1922 yil 19 sentyabrdagi ma’ruzasida yozilishicha, «Bosmachilarning boshliqlari Murod Meshkob va Oston qorovulbegi Xo’ja Porso qishlog’ida daraxtlarni kesib masjid qurdirmoqdalar, masjidning atrofi taxminan 4 tanobdan iborat bo’lib, unda istehkomlar ham barpo qilinmokda». Boshqa bir hujjatda qyyidagi gaplar yozilgan edi: «Vobkent tumanida tartibsizliklar yuz berib turganligi uchun Shofirkon va Zandaniga qyrolli kuchlar yuboring». Yana boshqa bir xujjatda keltirilishicha, «20 sentyabrda maxsus vazifalarni bajaruvchi eskadron Chandir qishlog’ida Shofirkondan 8 chaqirim shimoli- sharqda) bitta bosmachini o’ldirdi, ikkita otni o’lja oldi». «2 oktyabrda maxsus vazifalarni vajaruvchi eskadron Vobkentdan yo’lga chiqib, Xo’ja Orifgacha bo’lgan hududni tekshirib chikdi, 10-otliqlar polki o’z eskadronlarini Xo’ja Kalishon, Chandir va Mir qishloqlarida joylashtirdi». 1
1922 yil 20 sentyabrda Eski Buxoro shahriga - Buxoro Chekasi nomiga yuborilgan telegrammada yozilishicha «300 kishi mikdoridagi bosmachilar Kitobni qyrshab olishdi. Ulardan 200 kishi shaharga kirdi. Bizning qo’shinlar tomonidan ular shahardan siqib chiqarildi. Hozirgi vaqtda bosmachilar Kitob atrofida istehkomlar qyrib, o’rnashib oldilar». Xuddi shu kunlarda Qashqadaryo vohasidagi istiqlolchilar Kosonga ham hujum qilishgan edi. Buxoro qo’rboshilari o’rtasida o’z jasurligi bilan Hamro Polvon (1892-1941) alohida ajralib turardi. U amirlik davrida kuragi yer iskamagan mashhur polvon bo’lgan. Hamro Polvon asosan Romitan tumanida o’z faoliyatini kuchaytirdi. Bu paytda Buxoro viloyatida Mulla Abdulqahhor boshchiligida Jura Amin Oston Qorovulbegi, Murod Meshkob, Metan Polvon, O’rmon Polvon, Said Mansur, Hamro Polvon kabi qo’rboshilar faoliyat yuritayotgan edi. Murod
1 Ўша китоб.....104-105 бетлар. 55
Meshkob asosan Peshku va Romiton tumanlarida harakat qilardi. U Zandani qishlog’idan 16 chaqirim g’arbda joylashgan Xo’ja Porso qishlog’ida o’zi qyrdirgan istehkom yordamida qizil askarlar hujumini anchagacha qaytardi. Mikdor jihatdan ustunlikka ega bo’lgan qizil askarlar istiqlolchilarni baribir u yerdan surib chiqarishdi. Bu jangda istiqlolchilar jami 26 kishini yuqotishdi, 3 va- tanparvar esa asir olindi. 1922 yil oktyabr-noyabr oylarida G’arbiy Buxorodagi istiqlolchilar qo’shini o’z hujumlari bilan qizil askarlarni tahlikaga solib quydi. 14 oktyabrda Murod Meshkob, Oston Qorovulbegi, Said Mansur kabi qo’rboshilar boshchiligidagi 200 suvoriy Shofirkon tumanidagi Eshonlar qishlog’ida 17-otliqlar polkining 3- eskadroni askarlari bilan jangga kirishdi. istiqlolchilar qizil askarlarni kuchli o’q yomg’iri bilan qarshi oldilar. «Dushmanning qattiq qarshiligiga qaramasdan eskadron jangchilari ularni qishlokdan surib chiqardi va qishloq kuchalariga bostirib kirdi. Chandir qishlog’i orqali mujohidlar qumlik ichiga kirib ketdilar. Jang natijasida ular o’lganlar va chopib tashlanganlar bo’lib, 53 kishi va bitta qo’pboshini yuqotishdi.»- deb qizil armiya qo’mondonligi o’z ma’lumotnomasida yozgan edi. Bu yerda jangga kirishgan qizil askarlarning 3-eskadroni Shofirkon markazi - Xo’ja Orif qishlog’idagi garnizonda o’rnashgan edi. Ular Dog’boni, Kag’at, Qatag’on va Eshonlar qishlog’ida «tartib» o’rnatgach, o’z manzillariga qaytdilar. Qo’rboshilar esa qat’iyat bilan kurashni davom etgirishar edi. 9 noyabrda Qo’shxona qishlog’idan (Galaosiyo atrofida) yo’lga chiqqan Azim Xo’janing 100 kishilik dastasi Galaosiyo qasavasi va Buxoro shahri tevaragidagi amirning yozgi saroyi Sitorai Mohi Xossada joylashgan qizil askarlar garnizoniga xujum qilmoqchi bo’lishdi. Sitorai Mohi Xossaga yaqin joyda bo’lgan to’qnashuvda qizil askarlarning qo’li baland keldi. Jangda Azim Xo’ja qo’rboshining yordamchisi Fayzulla Polvon va 15 askar o’ldirildi. Istiqlolchilar jang bilan orqaga chekindilar. G’arbiy Buxorodagi istiqlolchilik harakatini yanada faollashtirish maqsadida bu yerga Said Olimxon Sharqiy Buxoro orqali o’z vakillarini yubordi. Uning ana shunday vakillaridan biri oldin ham eslatib o’tganimiz Hoji Latif Devon begi edi. 56
Bu paytda Buxoro respublikasining sobiq harbiy vaziri A.Oripov ham 35 kishi ko’zatuvida Sharqiy Buxoro orqali Mulla Abdulqahhorning qarorgohi - Nurotaga keldi. Arxiv xujjatlarida keltirilishicha, Buxoro va Karmana viloyatlaridagi istiqlolchilar tepasida Mulla Abdulqahhor, Hoji Latif Devonbegi, O’rmon Polvon va Metan Polvonlar turishar edi. Buxoro Xalq Respublikasi Nozirlar Sho’rosining raisi nomiga 1922 yil 12 noyabrda yuborilgan «mutlaqo maxfiy» ma’lumotda aytilishicha, «Abdulqahhor qo’shinida Sharqiy Buxoro va Afg’onistondan kelgan qandaydir turk Afandi va Abdurahmon qori bor. Ular oktyabr oyining oxirida G’arbiy Buxoroda bosmachi gurhlari tashkil qilish uchun bu yerga kelishgan edi, shuningdek, Abdulqahhorni butun G’arbiy Buxorodagi mujohidlarning Oliy bosh qo’mondoni qilib tayinlanganligi haqidagi buyruqni ham olib kelishgan edi. Oktyabr oyining so’nggi kunlarida Nurotadan 30-35 chaqirim janubi-sharqda joylashgan Chuya qish- log’idagi Musafo Hayitbek qo’rboshining dastasi oltinchi gypuh bo’lib, Abdulqahhor ixtiyoriga o’tdi». Buxoro Nozirlar Shurosining raisi nomiga 1922 yil 10 dekabrda jo’natilgan boshqa bir «mutlaqo maxfiy» hujjatda Buxoro respublikasi hududida 1922 yil noyabr oyida harakat qilayotgan istiqlol kuchlarining qisqacha sharhi beriladi: 1
tomonidan Ostoncha dastasiga jiddiy talafot yetkazildi. U o’zining 200 ta yigiti bilan Vobkentdan 6 chaqirim shimoli-g’arbda joylashgan edi. Berilgan zarbalar natijasida Ostoncha o’zining 50 kishisidan ajralib, shimoliy va shimoli-g’arbiy tomonlarga qarab chekindi. 14 noyabrdagi razvedka ma’lumotlariga qaraganda, Ostoncha Abdulqahhor va Metan Polvon dastalari bilan birgalikda yana Vobkent tumanida paydo bo’ldi». Oston Qorovulbegi (Ostoncha) Mulla Abdulqahhorning eng nufuzli qo’rboshilaridan biri edi. Asli Shofirkon tumanining Chitgaron qishlog’idan bo’lgan bu qo’rboshiga jasurligi uchun Mulla Abdulqahhor tomonidan «qorovul- begi» unvoni berildi. «Oston Qorovulbegi 46 yoshda bo’lib, o’rta buyli, qisiq
1 Ўша китоб....106-107 бетлар 57
ko’zli va qora soqolli kishi edi». Ma’lumki, u uch kun davomida (10-12 noyabr) Shofirkon tumani markazi - Xo’ja Orif hamda Chandir qishlog’ida qizil askarlarga qarshi mardonavor kurash olib borgan edi. O’sha janglarda ko’kragidan o’q yeb og’ir yarador bo’lgan Oston Qorovulbegi jaroxati to’zalgach, bu gal o’zining asosiy zarbasini Buxoro viloyatidagi Vobkent shahpiga qaratdi. 1
Arxiv xujjatlarining birida yozilishicha, «5 dekabr soat 15 da Oston Qorovulbegi va Said Mansur, Murod Meshkob, Ergash Murdasho’y kabi qo’rboshilarning o’zaro hamkorligida Vobkent shahpi egallandi. Vobkent qal’asi garnizoni jangchilari bilan urush ikki soat davom etdi». Bu jangda Metan Polvon ham o’z yigitlari bilan qatnashdi. Oston Qorovulbegi boshchiligidagi vatanparvarlar Vobkent qal’asidagi garnizonga yordamga yetib kelgan otliqlar polkining jangchilarini bozor maydoni oldida qurshab olib, ularni qirib tashlashdi. Qurshovdan qutulgan bir necha qizil askarni istiqlolchilar Vobkentdan 5 chaqirim o’zoqlikdagi Saripul qishlog’igacha quvib keldilar. Vobkent shahri qisqa muddat ichida istiqlolchilar qo’liga butunlay o’tdi. Lekin ular o’z yutuqlarini mustahkamlashga ulgurmasdan, bu yerga ko’plab qizil askar qismlari keltirildi. Dushmanga nisbatan oz sonli bo’lgan istiqlolchilar 11 yigitidai ajralib, Chandir-Zandani yo’nalishi bo’yicha chekindilar. Said Mansur qo’l ostidagi Haydar ponsod esa qizillar qo’liga tushib qoldi. Bu voqyealardan so’ng aston qo’rboshi Shofirkon tumanida o’z harakatlarini kuchaytirdi. Arxiv hujjatlarida keltirilishicha, aston Qorovulbegi 9 dekabrda Vardonze, Ko’hna Vardonze, Talisafed, Said Ota, Xo’ja Orif, Chandir qishloqlarida faol harakat qila boshladi. Uning birodari bo’lgan Said Mansur qo’rboshi esa Vardonze yo’nalishidagi qo’mliklarda va Bog’iafzal qishlog’ida qizil askarlarga qarshi jangga kirishdi. Qizil armiya jangchilari qanchalik harakat qilishmasin, baribir ular 1922 yilning oxirigacha G’arbiy Buxorodagi istiqlolchilarga qarshi hal etuvchi zarbalar bera olishmadi. Sovet qo’mondonligi bu paytda qo’rboshilar dastalarini bir-biriga qarshi qo’yish, ularni qurolsizlantirish orqali o’zining sinalgan taktikasini amalga
1 Ўша китоб...107 бет 58
oshirayotgan edi. Shuning uchun ham qurolni tashlagan istiqlolchilar vaqtinchalik avf etildi. Lekin sovet hokimiyatining aldoviga uchib, unga taslim bo’lgan qo’rboshilar ayovsiz jazoga tortilardi. Masalan, avf umumiy berilgandan so’ng taslim bo’lgan Jabbor qo’rboshi va boshqalar aldab, qamoqqa olingan va ikkinchi kuniyoq butun Buxoro Markaziy Ijroiya Komiteti Prezidiumining qaroriga binoan otib tashlangan edi. Dekabr oyida Ismoil Tuqsabo ismli tajribali qo’rboshi ham 40 ta yigiti bilan rasmiy hukumat vakillariga taslim bo’ldi. 11 noyabrda yozilgan hujjatlarning birida qayd qilinishicha, «Vobkentdan 16 chaqirim shimoldagi Said Ota qishlog’ida taslim bo’lgan Ismoil Tuqsabo qo’rboshi o’zining 35 otliq yigiti bilan Buxorodan yuborilgan farmoyishga binoan Shofirkon tumanini bosmachilarning hujumidan himoya qilmoqda. Ismoil Tuqsabo amir qo’shinining sobiq polkovnigi bo’lib, razvedka otryadlari boshlig’ining ko’zatishiga qaraganda, ishonchga sazovor. Ismoil Tuqsaboning o’rinbosari Rajabboy Amin hisoblanadi». Ayrim qo’rboshi va yigitlarning taslim bo’lishi kurashni davom ettirayotgan boshqa istiqlolchilarni qattiq g’azablantirdi. Buxoro viloyatida harakat qilayotgan Mulla A’zam Xoji G’oziy, Fayzullabek Tuqsabo, Xofiz Xo’ja Miroxo’r, Azimxo’ja Mo’zaffar Xo’jayev sarkarda, Rajabbek Qorovulbegi, Said Xo’ja Qorovulbegi, Solihboy Qorovulbegi va Tosh Xo’jayev kabi qo’rboshilar Zarafshon vohasidagi butun aholi va taslim bo’lgan sobiq safdoshlariga qarata 1922 yil dekabrda chiqargan murojaatlarida ularni o’z qatorlariga yana qaytishga da’vat qilishdi. Bu qo’rboshilar Zarafshon daryosining ung qirg’og’i tomon istiqlolchilar ta’siridagi hududga keyingi haftaning shanba kunidan qolmay kelishlari ta’kidlandi. Ular mabodo orqaga qaytishmasa, xoinlarga nisbatan hech qanday shafqat qilinmasligi ham ochiq aytildi. Murojaatda ana shunday sotqin qo’rboshilardan biri Mir Boyvachchaning fojeiy taqdiri ham eslatib o’tildi. 1
shunday josuslardan bo’lgan bir qozoq yigiti qizil armiya qo’mondonligiga juda muhim ma’lumotlarni yetkazib turgan. Bu ma’lumotlar asosida eng yuqori davlat
1 Ўзбекистон тарихи. Проф. Р.Ў.Муртозаева раҳбарлигида. Т.: 2003. 147-149 бетлар 59
muassasalari va harbiy tashkilotlar nomiga 1922 yil 14 dekabrda «mutlaqo maxfiy» tamg’asi bilan batafsil axborot tayyorlandi. Ushbu hujjatda Mulla Ab- dulqahhor qo’shini, uning qo’rboshilari va askar kuchlari, shaxsiy tarjimai holiga oid dalillar va boshqa muhim fikrlar keltirilganki, biz mazkur hujjatdan bir parcha keltiramiz: «Abdulqahhor qo’shinida ushbu qo’rboshilar dasta boshliqlari edi: 1. O’rmon Polvon - 46 yoshda, Denov qishlog’ining fuqarosi. 2. Metan Polvon (Abdulqahhorning ukasi, g’ijduvonlik fuqaro). 3. Naim Polvon - bu ham Abdulqahhorning ukasi, 27 yoshda,u kukragiga o’q tegib, jarohat olgan. 4. O’rmon Polvon - 35 yoshda, Xargo’sh tumanidagi Shamba qishlog’ining fuqarosi. 5. Abdurasul Afandi - qo’qonlik bo’lib, Sharqiy Buxorodan kelgan, sal oldinroq BXSR milisiyasining sobiq boshlig’i Rizo Afandi bilan birgalikda Sharqiy Bu- xoroga Anvar huzuriga qochib borgan edi. 6. Shukurxo’ja - 40 yoshda bo’lib, vobkentlik fuqaro. 7. Abdulqahhorning o’zi bo’lsa 38 yoshda, g’ijduvonlik fuqaro, ikkita xotini bor, turar joyini aniqlashning iloji bo’lmayapti ... Qo’shinda faxriy vakil sifatida sobiq amirning amaldori Latif devonbegi ham bo’lib, u 48 yoshda, Nurota shahridan bo’lib, uni 10 yigitdan iborat shaxsiy soqchilar muhofaza qiladi. Abdulqahhorning shaxsiy qo’riqchilari miqdori xam 10 yigitdan iborat bo’lib, ular safida Abdulqahhorning katta ishonchiga sazovar bo’lgan Mulla Rustam, Asqar, Mulla Tohir, Og’agul, Yodgor Xo’ja, Nasriddin, Said Polvon kabi yigitlar bor. Abdulqahhor qo’shinida shtab boshlig’i vazifasini rus tilida yomon gapiradigan o’zbek yigiti Ibrohim Mirzo bajarmokda, u turli farmoyish va shahodatnomalar yozish bilan shyg’ullanadi. Bundan oldin qo’shinning shtab boshlig’i bo’lib turk yigiti Nabixon ishlar edi, lekin u oktyabrning oxirida tarkibida bir necha afg’on bo’lgan 10 yigit bilan Xorazm respublikasiga jo’nab ketdi. ko’shinda uchta pulemyotchi bo’lib, ular Salim Polvon, Nur Muhammad va Zahriddinlardir. Salim Polvon so’nggi jangda chopib 60
tashlandi. qo’shindagi suvoriylar tarkibi juda yaxshi, otdagi egarlar mahalliy, ko’pchiligida xurjunlar bor, yigitlar kul rang va muhofazali choponlar, mahalliy kosiblar tayyorlagan och sariq tusdagi etiklar hamda qorako’l teridan tikilgan telpaklar kiyib olishgan. Telpaklar ustidan sallalar o’ralgan». Jondor qishlog’i (Buxoro shahridan 16 chaqirim g’arbda) bu paytda istiqlolchilarning asosiy qarorgohlaridan biri bo’lib, bu yerda Jo’ra Amin qo’rboshining dastasi o’rnashgan edi. Kizil askarlar Buxoro shahrining shunday yonboshidagi bu qishloqni bosib olish uchun ko’p o’rinsalar-da, 1922 yil dekabr oyining oxirigacha bunga muvaffaq bo’la olmagan edilar. 24 dekabr kuni 1- eskadron otliqlari qumlar orasidan, 2-eskadron jangchilari va milisiya otryadi Zarafshonning ung qirg’og’idan Jondor tomon yo’lga chiqishdi. Jo’ra Amin o’zining 70 kishilik bo’linmasini qishloqqa kiraverishda pistirmaga qo’ygan eli. Qizillarning otliq askarlari dastlabki tuqnashuvda mag’lubiyatga uchrab, orqaga qaytdilar. So’ngra yordamga yetib kelgan 3-eskadron jangchilari va polk shtabining ko’magi bilan qizil askarlar Jondorni bosib olishdi. Aynan ushbu kunda hozirgi Vobkent tumani hududidagi Xargo’sh qishlog’ida ham istiqlolchilar bilan qizil askarlar o’rtasida janglar qizib ketdi. A’zam Xoji, Tosh Murdasho’y va Naim Polvonning Xargo’sh atrofidagi Kundi va Laylak qishloqlarida joylashgan dastalari dushman bilan omonsiz olishuvga kirdi. Kizil askarlar qo’mondonligi tomonidan tayyorlangan ma’lumotlarda aytilishicha, istiqlolchilar «qat’iyat bilan jang qildilar, ular otliqlar safini qanotlardan aylanib o’tishdi. Kolonnalarning dushmanni yengish uchun qilgan barcha harakatlari samarasiz bo’ldi». Lekin qizil askarlar o’z ustunliklaridan foydalanib, Buxoro viloyatidagi istiqlolchilarga ancha talafot yetkazdilar. Natijada faqat 1922 yil dekabrida qizil askarlarning qonli hujumlari tufayli Buxoro atroflarida «511 kishi shahid bo’ldi, 127 kishi asir olindi. Kizillar esa 260 miltiq, 52 ta tupponcha, 11 mingdan ziyod patron, 220 ot va 1 pulemyotni o’lja qilib oldilar». 1923 yil fevral oyida Buxoro respublikasining Zarafshon rayoni (Buxoro va Karmana viloyatlari)da Jo’ra Amin (Buxoro shahridan shimoli-g’arbdagi Jondor- 61
Yakkatutda, 120 yigit bilan), Ostoncha - Oston Qorovulbegi (Zandanining g’arbida, 80 yigit bilan), Murod Meshkob (Xo’ja Za’faronda - Vobkentdan 35 chaqirim g’arbda, 120 yigit bilan), Said Mansur (Xatirchidan 25 chaqirim o’zokda Parmidon atrofida, 50 yigit bilan), Azim Xo’ja (Quyimozor temir yo’l bekati atrofida, 100 yigit bilan), Mulla Abdulqahhor (Nurotada, 100 yigit va 3 ta pulemyot bilan), Metan Polvon (Nurotada, 40 yigit bilan), O’rmon Polvon (Nurotada, 50 yigit bilan), Naim Polvon (G’ishti atrofida, 40 yigit bilan), Hamro Polvon (Buxoro shahridan shimoli-g’arbda, 70 yigit bilan), Tosh Murdasho’y (Kumushkentda, 30 yigit bilan) kabi qo’rboshilar harakat qilardilar. Amudaryo buyi rayonida Ochil Sardor (Qorako’l atrofida, 45 yigit bilan), Qilich Sardor (Denov tomonda 15 yigit bilan), Rustam (Burdaliq atrofida, 15 yigit bilan), Qilich Mergan (Karkidan shimoli-sharkda, 60 yigit bilan) faoliyat yuritgan bo’lsa, Qarshi - Shahrisabz rayonida Turdi To’qsabo o’z yigitlari bilan qizil askarlarga qarshi kurash olib bormokda edi. 1923 yil boshlarida Mulla Abdulqahhor boshchiligidagi qo’pboshilar G’arbiy Buxoroda o’z xarakatlarini faollashtirdilar. Salim Posho yuborgan Hasan qo’rboshi va Murod 28 yigit bilan 24 martda bu yerga kelib, birgalikda harakat qilish rejasini unga yetkazdilar. Bu vakillar Buxoro amiri va Salim Poshoning maktubini olib kel- gan edilar. Mulla Abdulqahhor Qarshi shahri orqali Salim Posho qo’shini bilan birlashish niyatida o’z yigitlarining bir qismini O’rta Buxoroga jo’natdi. Buxoro va Karmana viloyatlarining o’zida ham janglar qizib ketdi. 1
1923 yil 17 fevralda G’arbiy Buxoro qo’rboshilaridan Oston Korovulbegi, Murod Meshkob, Tosh Murdasho’y, Fayzulla Maxsum, O’rmon Polvon, Said Mansur va boshqalar Vobkentdan o’n chaqirimcha sharkda joylashgan Ku- mushkent qishlog’ida o’zlarining navvatdagi qurultoylariga to’planishdi. Qo’rboshilarning sardori Mulla Abdulqahhor o’sha kuni Qiziltepa va G’ijduvonda qizil askarlarning otliq bo’linmalariga qarshi jang qilayotganligi savabli qurultoyda shaxsan o’zi ishtirok qila olmay, unga ishonchli vakilini jo’natdi. Qo’rboshilar qurultoy o’tkazayotganda qishloqni bor-yo’g’i 200 yigit ximoya qilar edi. Bu
1 Қ.Ражабов Бухорога қизил армия босқини ва унга қарши кураш. Т.: «Маънавият» 2002,110-112 бетлар 62
anjumanda Mulla Abdulqahhor yuborgan vakil Salim Poshoning Sharqiy Buxorodagi faoliyati xaqida axborot bergach, bo’lg’usi jang harakatlari bilan ularni tanishtirdi. Istiqlolchilar ko’rgan extiyot choralariga qaramay, ularning bu yig’inidan qizil armiya qo’mondonligi o’z josuslari orqali xabar topdi. To’plangan qo’rboshilarni bir zarb bilan qirib tashlash uchun katta miqdordagi harbiy kuch, hatto samolyotlar Vobkent ustiga yuborildi. Istiqlolchilar mardlarcha jang qilishdi. Vatanparvarlarga yana 450 kishi yordamga yetib kelgan bo’lsa-da, kuchlar teng emas edi. Kumushkentdan jang bilan chekingan istiqlolchilarni uch chaqirim naridagi Sufidehqon qishlog’ida qizil askarlarning otliq qo’shinlari (I.Bekjonov komandirligidagi 1-Buxoro otliqlar polki) o’rab oldi. Jang takdirini oqibatda samolyotlar hal qildi. Bu qonli tuqnashuvda 44 yigit mardlarcha halok bo’ldi. Uch yildan beri qizil askarlarning dodini berib yurgan shofirkonlik Oston Qorovulbegi - Ostoncha qo’rboshi xam 17 fevralda bo’lgan ushbu jangda shahid ketdi. Bundan tashqari Vobkentdagi janglarda Turdi Ota va Shukur Xo’ja kabi qo’rboshilar ham halok bulishdi. Mulla Abduqahhor qo’rboshi o’sha kuni 300 yigiti bilan G’ijduvondan 16 va 20 chaqirim shimoli-sharkda joylashgan hayot va Toshrabot qishloqlarida qizillarning 17-otliqlar polki 1-eskadroni jangchilariga qarshi hujumga o’tib, ularni orqaga uloqtirib tashladi. Lekin qizil askarlar Vobkentdagi g’alabadan keyin G’ijduvonga yetib kelib, bu yerdan Mulla Abdulqahhor qo’shinini surib chi- qardilar. Istiqlolchilar kuchli qarshilik ko’rsatib, Tog’ustepa (To’qqiztepa - Q.R.) qishlog’i yo’nalishidagi cho’l tomonga chekindilar. Qizil askarlar bilan bo’lgan janglarda istiqlolchilar butun xalq ommasi tomonidan muntazam qo’llab-quvvatlandi. Janglarda yo’qotilgan kishilar o’rnini vatanparvarlar qo’shini safiga yangidan qo’shilayotgan yosh yigitlar doimiy ravishda to’ldirib borishdi. Ular asosan dehqonlar va hunarmandlardan iborat bo’lgan. G’arbiy Buxorodagi tinch aholi vakillari qizil askar kuchlarining holati va harakatlari bo’yicha ma’lumotlarni istiqlolchilarga zudlik bilan yetkazishar edi. O’sha davr hujjatlaridan birida yozilishicha, «aholining mujohidlarga nisbatan 63
munosabati dustona». Lekin xalqning qizil askarlarga bo’lgan munosabati esa «yaxshi emas, xususan, markaz, ya’ni Buxoro shahridan o’zoqlashgan sari. Kizil askarlarning zulmi va shafqatsizligidan ko’ngli zada bo’lgan maxalliy aholi ularni yomon ko’rar edi. Qizil askarlar Sharqiy Buxorodagi yirik shaharlarni bosib olishganda tub millat vakillari o’z kindik qonlari to’kilgan uylarini tashlab, istiqlolchilar bilan birgalikda tog’y toshlarga chiqib ketishar, G’arbiy Buxoroda bo’lsa ular qum va cho’llar ichiga kirib, ko’zdan g’oyib bo’lishardi. Bu holni ko’rgan qizil armiya qo’mondonligi taajjubga tushib, mas’ul idoralarga yo’llagan ma’lumotlaridan birida quyidagilarni yozgan edi: «Shunisi xarakterliki, hamma yirik shaharlar: Denov, Yurchi, Regar, Hisor, Dushanbe, Yangibozor, Fayzobod, Baljuvon, Kulob va boshqa joylar aholining katta qismi tomonidan tashlab ketilgan. Ularga o’z boshpanalariga qaytib kelish taklif qilinganda bunga rozi bo’lishmayapti. Chunki ularning fikricha, qizil armiya bilan yonma-yon yashash noqulay emish. Kizil askarlar bozorlarni qayta tiklash o’rniga narxni oshir- moqdalar va aholining uylarini egallashmoqd». 1
Qizil askarlar shahar va qishloqlarni bosib olgach, kurolsiz tinch aholini «sen - bosmachisan» deb qamoqqa olishar, ularning uy-joylarini yoqib, bor mol-mulkini talap, qarshilik ko’rsatganlarni esa o’sha joyning o’zidayoq otib tashlar edi. Istiqlolchilarning oila a’zolari va qarindosh-urug’lari esa dom-daraksiz ketardi. Bu hol vatanparvarlarni yana ham ko’proq g’azablantirar, ular jangda tobora shafqatsizroq bo’lar edilar. Masalan, Muhammad Xo’ja (Mirza Chatoq) degan qo’rboshi Zandani revkomi nomiga 1923 yil fevralida jo’natgan maktubida bu holni yaqqol ko’rsatib bergan edi. 1923 yilning bahor-yozida G’arbiy Buxoroda janglar qizib ketdi. Kizil askarlar ham, istiqlolchilar ham hayot mamot jangiga kirishgan edi. Oston qo’rboshining o’limidan keyin Mulla Abdulqahhorning yordamchisi qilib A’zam Xo’ja (A’zam Xoji) tayinlandi. Buxoro viloyatidagi Jo’ra Amin, To’ra Amin, Hamro Polvon, Murod Polvon, Nurus Xo’ja kabi qo’rboshilar A’zam Xo’jaga
1 Ўғша китоб....113-114 бетлар 64
bo’ysunar edilar. «A’zam Xo’ja o’zini Eshon A’zam Xo’ja Musofir Xo’jayev G’oziy Sarkarda deb ulug’lardi». Biroq, ba’zi bir qo’rboshilar A’zam Xo’jaga bo’ysunishdan bosh tortdilar. Masalan, 1923 yil aprel oyining o’rtalarida Jondorning g’arbidagi Oyto’da qishlog’ida Murod Polvon bilan A’zam Xo’ja qattiq janjallashib qoldi. Xayriyatki, Mulla Abdulqahhor oldidan maxsus farmoyishlar bilan Jondorga 18 aprelda kelgan Murod Payvandchi Murod Polvon tomonidan A’zam Xo’janing o’ldirilishiga yo’l qo’ymadi. Qo’rboshilar o’rtasidagi bunday tarqoklik va o’zaro kelishmovchilik holatlari harakatning yanada rivojlanishiga xalaqit berar edi. Mulla Abdulqahhorning qarorgohi bu paytda Nurotada bo’lib, unga Metan Polvon, Latif Devonbegi, Abdurasul Afandi, Xushvaqt, Og’a Gulbeq Yodgor Xo’ja, Siroj Xo’ja, Musoboy, Azim Yuzboshi, Mulla Qarshi, Nazir Yuzboshi, Asadulla Qorovulbegi, Oqil Qorovulbegi, Mustafo Qorovulbegi, Mulla Mansur kabi qo’rboshilar bo’ysunar edi. Qorako’l tumanida harakat qilayotgan Murod Polvon safdoshlari Jo’ra Amin va Hayit Polvonlar bilan birgalikda aprel oyining oxirida Jondordagi qizil askarlar garnizoniga muvaffaqiyatli hujum qilishdi. Istiqlolchilar Jondor atrofida dushmanning ikkita aeroplanini urib tushirishdi. 1
Xargo’sh atrofiga tashlaydi. 26 aprelda Kuyimozorda qizillar bilan bo’lgan janglar natijasida Tosh Murdasho’yning yordamchisi Xoji Boyvachcha va Yodgor, Tursun va Juma (Yodgorov) degan uch yigiti asir tushishga majbur bo’lib qolishdi. Bahouddin ziyoratgohi atrofida joylashgan 61-otliqlar polkida qo’lga olingan bu vatanparvarlar qisqa so’rovdan keyin, 27 aprelda otib tashlandilar. Bahouddin (hozirgi Kogon) tumanida Tosh Murdasho’y qo’rboshi qizil askarlar bilan jangni yoz faslida ham davom ettirdi. 10 iyun kuni Tosh Murdasho’y va A’zam Xo’ja qo’mondonligidagi 300 suvoriy Xargo’sh atrofiga hujum qilib, bu yerdagi qizil askarlar garnizonini qirib tashlashdi.
1 Ўзбекистоннинг янги тарихи. Иккинчи китоб. ЎЗбекистон совет мустамлакачилиги даврида. Т.:-152-153 бетлар 65
Ma’lumki, G’arbiy Buxoro asosan dehqonchilik o’lkasi hisoblanadi. Shu savabli boshlanib ketgan navvatdagi ekin-tikin mavsumi qo’rboshilarning jang harakatlariga o’z ta’sirini o’tkazmasdan qolmadi. Ko’pchilik yigitlar qo’shinni vaqtinchalik tark etib, o’z qishloqlariga qaytdilar va dehqonchilik ishlarini yo’lga qo’yishda o’z oilalariga yordamlashishdi. Masalan, A’zam Xo’ja o’z dastasidagi yigitlarning aksariyat qismiga bahorgi ekin ekish mavsumi boshlanganligi munosabati bilan o’z uylariga junab ketish uchun ruxsat berdi. Qizil armiya 1923 yil bahor-yozidagi ommaviy jang harakatlari bilan xuddi Sharqiy Buxoroda bo’lganidek Buxoro va Karmanada haqm istiqpolchilarning qarshiligini butunlay yenga olmadi. May-iyul oylaridagi jang harakatlari tasvirlangan ma’lumotlarga nazar tashlar ekanmiz, qizil askarlar bu paytda Buxoro viloyatida aytarli bir natijaga erisha olmaganligiga ishonch hosil qilamiz. Istiqlolchilar esa mazkur davrda asosan mudofaa xarakteridagi janglarni olib bordilar, shuningdek, ular ayrim joylarda keskin hujumga o’tib, bosqinchilarga kuchli zarbalar ham berishdi. Buxorodagi vatanparvar kuchlar respublika poytaxtidan atigi 3-6 chaqirim narida turib, qizil armiya qismlari bilan jangga kirardilar. Masalan, Buxoro shahri- dan 4 chaqirim shimoli-g’arbda joylashgan O’zbekon qishlog’ida Navro’z Xo’ja qo’rboshi dastasi bilan qizil askarlar o’rtasida 3 iyunda jang bo’ldi. Shahardan 12 chaqirim g’arbda joylashgan Rahimobod qishlog’iga 4 iyunda A’zam Xo’ja qo’rboshi o’zining 100 kishilik dastasi bilan kelib o’rnashdi. Unga o’sha kuniyoq Tosh Murdasho’y (50 yigiti bilan), Chuli Amin (18 yigiti bilan) va Hayit Polvon qo’rboshi o’z yigitlari bilan kelib qo’shildilar. Qo’rboshilar agar qulay imkoniyat tug’ilsa, Buxoro shahriga hujum qilishni rejalashtirdilar. 1
askarlar o’rtasida kuchli janglar bo’lgan. Bu jangda O’rmon Polvon yarador bo’ldi. Karmana viloyatida harakat qilayotgan Isfar Hoji va Abdulla Boboyor iyun oyining oxirida o’z kuchlarini birlashtirdilar. Istiqlolchilarning 150 kishilik birlash- gan dastasiga Boboyor qo’rboshi rahbarlik qila boshladi.
1 Қиличев Р. “Отам босмачи эмасди. ...”. “Бухоро ҳақиқати” 1993 йил 13 февраль 66
Ko’rboshilar Buxoro viloyatidagi muhim strategik manzil - Vobkent shahriga 28 iyunda hujum qildilar. Bu jangda Ko’r Ota va Ergash qo’rboshining yigitlari qatnashdi. Ular Vobkent shahrini jang bilan egallashdi, lekin tez orada bu yerdagi qizil askarlarga yordamga yetib kelgan harbiy kuchlar vatanparvarlarni shahardan tashqariga surib chiqardi. 30 iyun - 1 iyul kunlari istiqlolchilar Buxora shahridan 1 chaqirim G’arbda joylashgan Kuhna masjid Qishlog’iga to’satdan hujum qilib, bu yerdagi qizil askar va milisionerlar bilan jang qilishdi. 3 iyulda O’rmon Polvon o’zining yaqin yigitlari bilan Shofirkon tumanidagi Denov, Mahallai Bolo, Mahallai Poyon qishloqlarida bo’lib, qurol-yarog’ va o’q- dori zahirasini bu yerdagi istiqlolchilarga tarqatdi. Afsuski, istiqlolchilarga jang paytida qurol-yarog’ va o’q-dorilar doimiy ravishda yetishmas edi. Bir hujjatda yozilishicha, «keyingi paytlarda bosmachilarga o’q-dori yetishmasligi o’z ta’sirini ko’rsatmokda, shuning uchun ham ular bizning qismlar bilan to’qnashishdan o’zini tortmokda, ular faqat kechalari hujum qilishmokda, kunduzlari esa kichik guruhlarga bo’lingan holda qishloqlarga yashirinmokda. Mulla Abdulqahhor 1923 yil iyul oyining boshida Buxoro va Karmana viloyatlaridagi qo’rboshilarning navbatdagi qurultoyini o’tkazdi. Bu qurultoyda o’sha paytdagi vaziyat muhokama qilindi, qizil askarlarning ommaviy hujumlariga qarshi kuchlar teng bo’lmaganligi uchun mudofaa janglari olib borish kerakligi uqtirildi. Kichik-kichik dastalarga bo’lingan holda faol hujumga o’tish usuli o’zini oqlayotganligi sababli bundan kelajakda ham foydalanish kerakligi qo’rboshilarga tavsiya etildi. Mulla Abdulqahhor qarshi va Shahrisabz orqali Sharqiy Buxoro, Nurota orqali esa Samarqand qo’rboshilari bilan qo’shilish imkoniyati hali kun tartibidan olib tashlanmaganligini yana bir bor e’lon qildi. Buxorodagi vatanparvarlarga qarshi kurash qizil armiya va uning qo’mondonligidan katta kuch-g’ayrat talab qildi. Moskva, Toshkent, Buxoroda 1923 yil may-iyun oylarida o’tkazilgan oliy darajadagi bir qator anjumanlarda bu 67
masala eng dolzarb muammo sifatida kun tartibida turdi. 1923 yil 9-12 iyunda Moskvada RKP(b) Markaziy Komitetining milliy respublikalar va oblastlarning mas’ul xodimlari ishtirokida 4-kengashi bo’ldi. RKP(b) MK Siyosiy byurosi a’zosi L.B.Kamenev ushbu kengash faoliyatiga raislik qildi. RKP(b) MK Bosh kotibi I.V.Stalin va partiya kotibi V.V.Kuybishev asosiy ma’ruzachilar bo’lgan bu kengashda bir guruh turkistonlik mahalliy kommunistlar «bosmachilar» va Zaki Validiy (Validov) bilan yashirin ravishda aloqa bog’laganlikda ayblandi. Ular safida Turkiston ASSR va BXSRning taniqli davlat arboblari Turor Risqulov, Fayzulla Xo’jayev, Ilomjon Xidiraliyev, Akmal Ikromov, Sultonbek Xo’janov bor edi. Stalin o’z so’zida Buxoro Nozirlar Sho’rosi - yangi hukumatning tarkibi proletar bo’lmagan unsurlardan to’zilgan deb, hukumat boshlig’i F.Xo’jayevni keskin tanqid qildi va hukumat tarkibini faqat dehqonlar bilan tuldirish lozimligi haqida ko’rsatmalar berdi. Holbuki, F.Xo’jayev kengashdagi ma’ruzasida hukumat tarkibiga dehqonlar ham kiritilganligini aytib o’tgan edi. Kengash o’z ishini o’tkazayotgan kunlarda - 10 iyunda RKP(b) MK siyosiy byurosi maxcyc qaror qabul qilib, Buxoro hukumatini sovetlashtirish chora- tadbirlarini belgilab berdi. Shuningdek, Sharqiy Buxorodagi istiqlolchilarga qarshi keskin choralar bilan kurashishga da’vat etildi. Mazkur qarorda yozilganidk, 1) Sharqiy Buxorodagi bosmachilikka qarshi kurashga rahbarlik qilish uchun Revvoyensovet - Inqilobiy xarbiy kengash tuzilsin. 2) Jazo choralari harbiy harakatlarga qat’iy ravishda muvofiqlashtirilishi, shuning uchun Sharqiy Buxorodagi Revvoyentribunal - Inqilobiy harbiy kengashga bo’ysunishi shart. 3) Buxoro MIKga ushbuni yuklatish kerakki, u Buxoro hukumati Sharqiy Buxorodagi qizil armiya qismlarining ta’minotini o’z vaqtida benuqson bajarishini nazorat qilib turishi lozim». RKP(b) MK Siyosiy byurosining 1923 yil iyundagi qarori va SSSR Inqilobiy harbiy kengashining 11 iyundagi buyrug’iga muvofiq, SSSR Qurolli kuchlarining Buxorodagi harbiy harakatlarini yanada faollashtirish va istiqlolchilarni tez orada tugatish maqsadida Sharqiy Buxoro Inqilobiy harbiy kengashi to’zishga qaror qilindi. Fayzulla Xo’jayev Inqilobiy harbiy kengashning raisi qilib tayinlandi, unga 68
BXSR MIK nomidan keng vakolatlar berildi. Kengash a’zolari qilib 13-o’qchi kor- pusning komandiri P.A.Pavlov va V.M.Mulin belgilandi. Shunisi xarakterliki, Buxoro MIK o’zining 1923 yil 17 iyulda bo’lgan majlisida BXSR Inqilobiy harbiy kengashining yangi tarkibini tuzdi. Buxoro harbiy noziri F.Xo’jayev va Buxoro qizil armiyasi qo’mondoni Razgon imzolari bilan Eski Buxoro shahrida 5 avgustda chiqarilgan buyrukda Inqilobiy harbiy kengash (R.V.S.) tarkibi quyidagicha ko’rsatiladi: «1) Revvoyensovet Raisi - Nozirlar Sho’rosining raisi va harbiy nozir Fayzulla Xo’jayev. 2) A’zolari: a) Harbiy nozir muovini Razgon; b) BKP Markaziy qo’mitasining mas’ul kotibi A.Rahimboyev. Yuqorida nomlari ko’rsatilgan shaxslar bo’lmganda ularning muovinlari qilib quyidagilar hisoblansin: birinchi - Nozirlar Shurosi raisining muovini K.Otaboyev; ikkinchi - Buxoro qizil armiyasi shtabining boshlig’i; uchinchi - BKP MK 2-kotibi Pozdnishev». 1923 yil 13 iyunda Moskvada SSSR Revvoyensovet (RVSR) raisi L.D.Troskiy rahbarligida Inqilobiy harbiy kengashning maxsus yig’ilishi bo’ldi. Ushbu yig’ilishda Rossiya Ishchi-Dehqon Qizil armiyasining (RKKA) S.S.Kamenevdan tashqari barcha kazo-kazolari ishtirok qildi. SSSR Qurolli kuchlarining Oliy bosh qo’mondoni S.S.Kamenev bu paytda Turkistonda bo’lib, Farg’ona va Buxorodagi istiqlolchilik harakatini tezda tugatish uchun o’zining mash’um «chora-tadbirlari»ni belgilayotgan edi. I.Xidiraliyev, T.Risqulov. K.Otaboyev, A. Rahimboyevlardan iborat Turkiston delegasiyasi va dog’istonliklar bu yig’ilishda qatnashdilar. Troskiy yig’ilishda har ikki respublika hukumati rahbarlari oldiga tez orada butun Turkistondagi «bosmachilik» harakatini tugatish vazifasini qo’ydi. Yig’ilish tugagach, I.Xidiraliyev va I.Lyubimov kerakli tavsiyalarni ishlab chiqish uchun Moskvada qoldirildi. Kamenev Turkistondan 69
Moskvaga qaytgach bu masala bilan yanada jiddiyroq shug’ullanishi yig’ilishda ta’kidlandi. 1
RKP(b) MK kotibi va O’rta Osiyo byurosining raisi Ya.E.Rudzutakni Buxoroga zudlik bilan jo’natdi. Buxoro Kommunistik partiyasi (BKP) Markaziy Qo’mitasining 23 iyunda bo’lgan yopiq plenumida Rudzutak ishtirok qilib, Buxoro hukumati rahbarlari va mahalliy kommunistlar oldiga qat’iy talablarni qo’ydi F.Xo’jayevning eng yaqin safdoshlari bo’lgan sobiq Yosh buxoroliklar jadidlarning deyarli hammasiga turli asossiz ayblar qo’yilib, ular Buxoro hukumati tarkibidan chiqarib tashlandi. Buxoro hukumati Moskva va Toshkentning «Kom- munistik sabog’i»ni olgan «tajribali sovet xodimlari» Bilan to’ldirildi. Plenumning o’zida BKP MK kotibi Muhametdinov o’rniga A. Raximboyev BKP MK ma’sul kotibi qilib saylandi. B Rudzutakning ko’rsatmalari asosida yangidan to’zilgan Buxoro hukumati rahbariyati «Bosmachilarni ro’yxatga olish» instruksiyasini ishlab chiqdi. Unda o’z ixtiyori bilan taslim bo’lgan istiqlolchilar hamda hali kurashni to’xtamagan qo’rboshi va yigitlariga nisbatan qanday munosabatda bo’lish yo’l-yo’riqlari keltiriladi. Buxoro respublikasi ichki ishlar Noziri va 13-o’qchi korpus g’ maxsus bo’lim boshlig’i (GPU) imzolari ostida tayyorlangan bu «maxfiy» instruksiyani 1923 yil 1 avgustda Buxoro Nozirlar Sho’rosi raisining 1-muovini K.Otaboyev tasdiqlagach, u kuchga kirdi. Ushbu instruksiya Buxoro respublikasidagi barcha viloyat va tumanlardagi revkomlarga yuborilib, ulardan mazkur instruksiyani qat’iy suratda amalga oshirish talab qilindi. Maclan, Karshi viloyati revkomida 1923 yil 6 sentyabr kechqurun bo’lgan «maxfiy yig’ilish»da Turdi To’qsa, uning qo’rboshi va yigitlarining qarindosh- urug’larini qamoqqa olish masalasi ko’rib chiqildi. Natijada bir hafta muddat ichida viloyatdagi istiqliolchilarning qo’mondoni Turdi To’qsabo, uning qo’rboshilari bo’lgan Temir Xo’ja Eshon, Odil Polvon Qorovulbegi, Yaxshi Jo’gir o’g’li, Panji Octonaqyl o’g’li, Xushmurod (Turdining o’rinbosari), Rajab Boqi
1 Қ.Ражабов Бухорога қизил армия босқини ва унга қарши кураш. Т.: «Маънавият» 2002,119- 123 бетлар 70
Qorovul, Moshin Rasmurot o’g’li, Qilich Mirza Kamolov, Mulla Juma, Juma Qorovulbegi, Mulla Bo’ri, Shodi Qorovulbegilar hamda taniqli yigitlaridan Xalil Mergan, Raxmon Mergan, Xudoyberdi, Umir, Oral Polvon, Idiboy, Umir Fayzi o’g’li, Muhammad Karim Qo’chqor o’g’li, Barot oqsoqollarning barcha oila a’zolari va qarindosh-urug’lari zudlik bilan qamoqqa olindi, ularning butun mol- mulki musodara qilindi. Turdi To’qsabo va uning qo’rboshilari bu paytda asosan Qamashi va Koson tumanlarida harakat qilayotgan edi. Agar ular o’z ixtiyorlari bilan hukumat vakillariga taslim bo’lishmasa, garovga olingan barcha kishilar otib tashlashi aytildi. Turdi To’qsabo va uning jasur safdoshlari kurashni to’xtatmagach, qamoqqa olingan butun qarindosh-urug’lari va oila a’zolari qatl qilindi. 1
Xuddi shunday holat Buxoro viloyatidagi taniqli qo’rboshi Jo’ra Aminning takdirida ham takrorlandi. Jo’ra Amin (1889-1926) Jondor tumanidagi Jo’yzor qishlog’ida tug’ilgan edi. Jo’ra Aminning yigitlari Jondor va Qorako’l tumanlarida 13-o’qchi korpus jangchilariga qarshi shafqatsiz janglar olib borishdi. Korpus qo’mondoni Pavlov o’z shtabini Jondor markazidagi binoga joylashtirdi. «Bir qancha janglar natijasida Pavlov Jo’ra Amin boshchiligidagi yigitlarni yenga olishga ko’zi yetmagach, eng qabixona yo’lni tanlaydi. Jo’ra Aminning turmush o’rtog’ini Ergash ismli chaqalog’i bilan G’oziyon madrasasida tashkil etilgan qamoqxonaga tashlab, ularni bir yarim yil davomida shu yerda saqlaydi». Ammo shunga qaramay, Jo’ra Amin kelib, taslim bo’lmaydi. Jondorlik bu mard qo’rboshi dushmanga kelib bo’yin egmagach, qizil askarlar tomonidan garovda ushlab turilgan uning oila a’zolari otib tashlandi. Jo’ra Amin bo’lsa yana bir necha yillar davomida qizil askarlarga qarshi hayot-mamot kurashini оlib bordi Angliyalik tadqiqotchi Glenda Frezerning yozishicha «sovet qo’mondonligi Buxoro respublikasida 1923 yil bahor-ko’z fasllarida bo’lgan janglarda 100000 ikshilik ulkan armiyasini tashladi. 1923 yil noyabr oyida bosmachilar Buxoro va Samarqandda o’zlarining so’nggi yirik hujumlarini boshlashdi. G’arbiy Buxoroda Mulla Abdlqahhor, Qarshida Berdi Dodxoh, Yakkabog’da Abdurahmon
1 Ўша китоб....124 бет. 71
Samarqandda Xolbo’tabek, Boysunda Mustafo Boyvachcha Vaxsh daryosining so’l sohilidagi tog’larda Abdurrahim, Qizilqum sahrosida esa Mulla Abdulqodir qo’rboshilar jang harakatlarida qatnashdilar». 1923 yil noyabr oyida Buxoro viloyatidagi qo’rboshilar ichida Jo’ra Amin, A’zam Xo’ja, Tosh Murdasho’y Bozorbek, Ravshan Davlat kabilar o’z harakatlarini faollashdilar. Ularning har biri o’zlarining 500-600 kishilik suvoriylari bilan Buxoro shahri atrofida hamda Xargo’sh va Xayrobod kentlarida qizil askarlar Bilan jangga kirardilar. Mulla Abdulqahhor qo’rboshi bo’lsa, Nurota, Karmana Buxoro viloyatlarining turli tumanlarida o’z dastasi bilan kurashni davom ettirdi. U ba’zan Zarafshon daryosining har ikkala qirg’og’ida jang qilsa, ba’zan Shofirkon G’ijduvon tumanlarining Qizilqumga tutash cho’llarida qizil askarlarining dodini berar, ba’zan Nurotaning tog’-toshlarida dushman bilan olishardi. Buxorodagi vatanparvar kuchlarga qarshi kurashda Turkfront Havo floti harbiy uchuvchilari o’ta «jonbozlik» ko’rsatishdi. Mana shunday uchuvchilardan biri P.X.Mejeraup edi. U terma aviasiya gruppasining (2- va 4-aviaotriyadlar negizidagi) boshlig’i sifatida G’arbiy Buxorodagi qo’rboshilar dastalari joylashgan yerlarni bombardimon qilar, katta qishloqlar va aholi yashaydigan manzillarni samolyotdan turib, plemyot o’qiga tutardi. G’arbiy gruppa qo’shinlari qo’mondoni Shvesov yozgan raportda aytilishicha nomlari Mejeraup boshchiligidagi bir guruh aviaotryad 15 noyabrda Tosh Murdasho’y qo’shinining 300 kishilik dastasini Shamba-Imachti qishloqlari yo’nlishida va Quyimozor temir yo’l bekati atroflarida, « ... gruppaviy ravishda samolyotlardan bombardimon qilishdi va pulemyotdan o’qqa tutishdi, tinimsiz davom etgan besh soatlik bombardimon va pulemyot o’ti natijasida qo’rboshi dastasi ichiga sarosima solindi va 100 yigit yo’q qilib tashlandi». Sovet qo’mondonligi istiqlolchilar bilan jangga kirishar ekan, olishuv tugagach, o’sha atrofdagi mahalliy tinch aholini ham asrga olar, qo’lga alingan istiqlolchilar bilan bir qatorda qishloqlarning aksarnyat aholisi «sen bosmachisan» deb, otib tashlanar edi. Masalan, «1923 yil 23 dekabrda Barot Eshon 72
boshchiligidagi 200 kishilik suvoriylar guruhi Bag’a-Soqol degan joyda tor-mor qilinganda qishloq oqsoqoli va aholining bir qismi asirga olindi ... ». Qishlokdagi tinch ahalini asir olishda «mardlik» kursatgan ushbu qizil askarlar OGPU buyrug’i bilan keyinchalik turli xil orden va medallar bilan takdirlanishdi. 1
yilning boshlarida Buxoro Respublikasidagi ijtimoiy-siyosiy vaziyatdan hali qoniqish hosil qilmagan edilar. Ular shunning uchun harbiy harakatlarni jadal sur’atlarda olib borish bilan bir qatorda Buxoro hukumati rahbarlaridan kurashning barcha tur va vasitalaridan foydalanishni talab qilishdi. 1923 yil 22 dekabrda bo’lgan Buxoro Kommunistik partiyasi Markaziy qo’mitasi Ijroiya byurosining yig’ilishida G’arbiy va Sharqiy Buxorodagi «bosmachilar»ga qarshi kurash choralari maxsus muhokama etildi. Majlis bayonnomasida yozilishicha, unda quyidagi masalalar ko’rib chiqilib, tegishli qaror qabul qilindi: a) RKP O’rta Osiyo byurosining bosmachilarga qarashli mol-mulkni musodara qilish to’g’risidagi instruksiyasi. b) O’rta Osiyo byurosining bosmachilarning qo’riklari haqidagi instruksiyasi. v) G’arbiy Buxoroning ayrim viloyatlarida va Sharqiy Buxorodagi viloyatlarda bosmachilikka qarshi kurash Kengashlarini tashkil qilish to’g’risida. g) G’arbiy Buxoroda bosmachilikka qarshi kurash Komissiyasini to’zish haqida. d) Jazo uchliklari ishini yanada kengaytirish to’g’risida. ye) qizil armiya bilan BXSR mehnatkashlari o’rtasidagi yaqinlashuv kompaniyasini o’tkazish haqida». Buxoro hukumati Markazning siquvlari ostida istiqlolchilarga qarshi kurashni avj oldirishda islom dini arboblaridan ham keng foydalanishni rejalashtirdi. Kent, tuman, viloyatlarda bo’lgan ruhoniylarning qurultoylarida bu masala keng muhokama qilindi. Nihoyat, 1924 yil 28-31 yanvarda Buxoro shahrida respublika ulamolarining qurultoyi chaqirildi. Rasmiy hukumatning tazyiqi ostida o’tgan qurultoyda kerakli maqsadga erishildi. 30 yanvarda Mulla Akmal Fozil Xo’jayev ma’ruzasi bo’yicha «Bosmachilik haqida» nomli rezolyusiya qabul qilindi. Bu
1 Қ.Ражабов Бухорога қизил армия босқини ва унга қарши кураш. Т.: «Маънавият» 2002,125-126 бетлар 73
rezolyusiyada xuddi partiya qarorlarida ta’kidlanganidek, istiqlolchilar «xalq dushmani» deb e’lon qilindi. Shariat peshvolarining qurultoyida aholiga qarata «Ulamolarning bosmachilar haqidagi xitobnomasi» nomli murojaatnoma ham qabul qilindi. Ushbu hujjatga shariat qoidalarini sharhlab beruvchi 113 ta ulamolar imzo chekkan edi. Buxoro respublikasi hududida kurashning beshinchi yili istiqlolchilar uchun mana shunday qiyin bir sharoitda boshlandi. Shunday bo’lishiga qaramasdan, ularning aksariyat qismi qo’ldan qurolni tashlamadilar. G’arbiy Buxoroda bu paytda Mulla Abdulqahhor (Zandanida), Jura Amin (Qorakulning shimoli- g’arbida), A’zam Xo’ja (Jondorda), Tosh Murdasho’y (Buxoro shahrining shimoli- g’arbida), Qo’r Ota (Vobkentda), Islom Qorovulbegi (G’ijduvonda), O’rmon Polnon, Metan Polvon, Naim Polvon (hammasi Shofirkonda), Boboyor, Xushvaqt va Sirojxo’ja (hammasi Nurotada) kabi qo’rboshilar dastalarining har birida 300- 400 vatanparvar kurashni davom epirayotgan edi. Bulardan tashqari kichik miqdordagi o’nlab qo’rboshilar dastalari ham mavjud bo’lgan. O’rta Buxoro - Qashqadaryo vohasida bo’lsa Turdi Tuqsabo (Kosondan shimoli-g’arbda), Bo’ri Dodxoh va Abdurahmon (Yakkabog’dan janubi-rarbda), Abduroziq (Sumatda) kabi qo’rboshilar, Amudaryo buyi rayonida (hozirgi Turkmaniston hududida) qilich Mergan na Mulla Ro’zi (Karkidan janubi-sharqda), Mulla Maxta (Burdaliqda) singari sardorlar qizil armiyaga qarshi jang olib borishardi. Shunday qilib, bu paytda G’arbiy Buxoroda Mulla Abdulqahhor va Sharqiy Buxoroda Ibrohimbek qo’rboshilar istiqlolchilarning o’n ming kishiga yaqin qo’shiniga qo’mondonlik qilishayotgan edi. 1
G’arbiy Buxoroda 1924 yildan boshlab istiqlolchilarga qarshi qapiq janglar avj oldirib yuborildi. Arxiv xujjatlarida keltirilishicha, 1924 yil 19 yanvardan 25 iyungacha bo’lgan janglar natijasida vatanparvarlardan 2000 kishi kurashdan chetlashtirildi, ya’ni taslim bo’ldi. Bundan tashqari janglarda 25 qo’rboshi va 474
1 Ўша китоб....128 бет 74
yigit o’ldirildi, 2 qo’rboshi va 93 yigit yarador qilindi, 12 qo’rboshi va 194 yigit asir olindi, 59 qo’rboshi va 637 yigit o’z ixtiyori bilan taslim bo’ldi. Qizil askarlarning asosiy zarbasi Buxoro va Karmana viloyatlaridagi qo’rboshilarning umumiy yetakchisi Mulla Abdulqahhorga qarshi yo’naltirildi. « ... qizil askarlar 21 iyunga o’tar kechasi Abdulqahhor guruhiga hujum qilishdi, natijada uning 18 yigiti chopib tashlandi va Abdulqahhorning o’zi og’ir yarador qilindi». Buxorodagi istiqlolchilar bahorgi janglarda mag’lubiyatga uchrashlariga qaramasdan, 1924 yil iyun oyida O’rta na G’arbiy Buxoroda mujohidlarning faolligi ko’zatiladi. Bu paytda Sharqiy Buxoroda ham qo’rboshi dastalari o’z harakatlarini kuchaytirgan edilar. Mulla Abdulqahhor va A’zam Xo’ja aholiga qarata murojaatnoma chiqarib, chaqiriq yoshidagi kishilarni Buxoro qizil armiyasi saflariga kirmaslikka, aksincha, istiqlolchilar qatorida turib, bosqinchilarga qarshi kurashga da’vat etishdi. Natijada kurashni turli sabablar bilan tark etgan yigitlar yana qaytadan kelib, o’z dastalariga qo’shila boshladilar. Xatto qizil armiyaning eskadron komandiri Shatalov bir guruh askarlar va anchagina miqdordagi qurol-yarog’ bilan istiqlolchilar safiga o’tdi. Bu holdan qattiq tashvishga tushgan qizil armiya qo’mondonligi Buxorodagi partiya va sovet organlariga istiqlolchilarga qarshi kurashda shoshilinch chora- tadbirlar kurishni topshirdi. «Bosmachilik»ka qarshi kurash Markaziy komissiyasinnng raisi Mavlonbekov imzosi bilan 1924 yil 30 mayda qabul qilingan mutlaqo «maxfiy» tamg’ali «O’rta - G’arbiy Buxorodagi bosmachi guruhlari va zarbdor kompaniya o’tkazish tadbirlari haqidagi Nizom»ga muvofiq 5 iyuldan boshlab «Bosmachilar bilan kurash oyligi» o’tkazishga qapop qilindi. Rasmiy hukumat bir oy davomida G’arbiy va O’rta Buxorodagi butun qo’rboshi dastalarini tugatishni rejalashtirdi. Mulla Abdulqahhor, A’zam Xo’ja, Tosh Murdasho’y, Turdi To’qsabo, Qilich Mergan kabi asosiy qo’rboshilarning dastalariga kuchli va so’nggi zarba berishga qaror qilindi. Mazkur qarorni amalga oshirish uchun Buxoro viloyati bo’yicha Abdug’ani Nabiyev, Rajab Muhammadiy, Subhonqul Jo’rayev va Abduqodir Rahimboyev; 75
Chorjo’y viloyati bo’yicha Soliyev, Choriyev va Niyozmurodov; Nurota viloyati bo’yicha Sharof Barotov va Arabboy Mo’minov; Karmana viloyati bo’yicha Berdi Yorov va Safar Bozorov; Behbudiy (qarshi) viloyati bo’yicha Zokirov va Xalilov; Shahrisabz viloyati buyicha Mirzayev va Bobonazar Xidirov hukumat tomonidan mutasaddi etib tayinlanishdi. Mulla Abdulqahhor qo’rboshining yigitlari bilan qizil askarlar o’rtasida 1924 yil yozi va ko’zida G’ijduvon tumanining G’ishti va Katta G’amxo’p qishloqlarida, Nurota tog’larida, Shofirkon tumaniga tutash Qizilqumning Jilvon qumliklarida, Bog’iafzal va Vardonze qishloqlarida qattiq to’qnashuvlar bo’ldi. Kuchlar teng bo’lmagan ushbu janglarda G’arbiy Buxoro vatanparvarlarining yetakchisi mag’lubiyatga ychradi. G’arbiy Buxorodagi qo’rboshilar dastalariga sezilarli zarba berildi. «Zarbdor oylik davrida Ortiq To’qsabo, Ortiqcha, Mirza Ibrohim, Rustam Koson va boshqalar o’z yigitlari hamda qurol-yarog’lar bilan taslim bo’lishdi. Oylik mobaynida 17 qo’rboshi va 250 yigit qo’lga olindi hamda asir tushdi». Mulla Abdulqahhor qo’rboshi Qizilqum cho’llarida qizil askarlar bilan bo’lgan to’qnashuvlarning birida 1924 yilning oxirida o’ldirildi. Said Olimxon yozganidek, uning ikki ukasi: Metan Polvon va Naim Polvon sal oldinroq shahid bo’lishigan edi. Shunday qilib, 1924 yil oxirlarida Buxoro va Karmana viloyatlaridagi istiqlolchilar asosan mag’lubiyatga uchradilar. Kurashning uchinchi bosqichi nihoyasiga yetdi. Lekin hali janglar daiom etar edi. 1
1 Ўша китоб..... 128-130 бетлар |
