О‘zbеkiston rеspublikasi oliy va о‘rta maxsus ta’lim vazirligi andijon mashinasozlik instituti

I. O‘quv fanining dolzarbligi va oliy kasbiy ta’limdagi o‘rni
“Texnologik jihozlar ekspluatatsiyasi” umumkasbiy fanini zamon talablari darajasida nazariy va amaliy o‘qitib, malakali mutaxassis qilib tayyorlash uchun yetarli bo‘lgan asosiy mavzular bilan qamralgan.Bu mavzularni fanning asosiy, amaliy, tajribaviy va mustaqil ish qismlari o‘z ichiga olgan.

1. 
   

II. O‘quv fanining maqsadi va vazifaslari
Fanni o‘qitishdan maqsad – talabalarda mashinasozlik ishlab chiqarish korxonalaridagi mavjud texnologik jarayonlar operatsiyalarini bajarilishida sodir bo‘luvchi qonuniyatlarni va xatoliklarni o‘rganib va tanqidiy tahlil qilib, yuqori unumdorlikka ega bo‘lgan variantlarini ishlab chiqarish sharoitiga mos holda tanlash usullari bo‘yicha yo‘nalish profiliga mos bilim, ko‘nikma va malaka shakllantirishdir.
Fanning vazifasi – talabalarga jihozlarga texnik xizmat ko‘rsatish hamda uning usullari, qoidalari va ishlab chiqarish va texnologik jarayonlar strukturaviy tuzilishlari bilan tanishtirish, texnologik jarayon operatsiyalarini bajarilishida qarorlarni tahlil qilish va unumdor variantlarini hisoblashga va tanlashga hamda progressiv texnologik jarayonlar variantlarini tuzishni bilishga o‘rgatishdan iborat.
“Texnologik jihozlar ekspluatatsiyasi” o`quv fanini o‘zlashtirish jarayonida amalga oshiriladigan masalalar doirasida bakalavr:
- fanning asosiy nazariy qonuniyatlarini o‘rgangan holda zamonaviy dastgoh va uskunalardan foydalanib, detallar sirtiga mexanik ishlov berish, o‘lchamlar aniqligini va sirtlar sifatini texnologik jarayonlar marshrutlarini tuzishni bilishi kerak hamda unumdorlikka va samaradorlikka ega bo‘lgan variantlarini taqqoslash asosida texnik xizmat ko‘rsatish usullarini to‘g‘ri tanlay olish va ulardan foydalana olishi kerak.
- talaba jihozlarga texnik xizmat ko‘rsatish uchun kerak bo‘ladigan uskunalar, jihozlar, moslamalar keskich va nazorat asboblarining texnologiyadagi ahamiyatini, jarayonlarni mexanizatsiyalash va avtomatlashtirish imkoniyatlarini yaqqol tasavvur qilgan holda u yoki bu qarorni tanlashni asoslay olishi, zamonaviy operatsiyalarni, xavfsizlik texnikasini, atrof muhitni muhofaza qilish va sanitariya qoidalariga rioya qilgan holda qarorlarni loyihalash va bajarish ko‘nikmalariga ega bo‘lishi kerak.
- talaba jihozlarga texnik xizmat ko‘rsatish, texnologik jarayonlar operatsiyalarini tanqidiy tahlil qilib kamchiligini topish, uning unumdorligini, samaradorligini hisoblash va boshqa unumdor hamda samarador variantini loyihasini ishlab chiqish malakalarga ega bo‘lishi kerak.
Talabalar ilmiy ko‘nikma hosil qilishida, texnologik jarayonlar va ishlab chiqarishni nazorat qilish, tegishli ma’lumotlarni ilmiy va amaliy jihatdan o‘rganish va o‘zlashtirish, shuningdek mustaqil ilmiy tekshirish ishlarini bajarishda bilim, mahorat va ko‘nikmalarni o‘z ichiga oladi.