O’zbekiston respublikasi oliy va o’rta maxsus ta’lim vazirligi muqimiy nomidagi qo'qon davlat

Shoir lirikasi


Erkin Vohidov publitsist, dramaturg, dostonnavis, tarjimon sifatida barakali
ijod qilgan bo’lsa-da, avvalo, u lirik shoir sifatida adabiyotga kirib kelgan,
xalqimiz qalbidan ham nafis, ham dolg’ali, isyonkor she'rlari orqali joy olgan.
Shoirning ijodi bahs-munozaralar ichida kechdi. Shoir o’z qo’lidagi quroli —
she'r, uning tabiati, shoirning el-yiirt oldidagi burchi — vazifasi xususida ko’p
o’yladi, she'r va shoir haqidagi qarashlarini bayon etdi. U bular xususida so’z
ochganda har doim ijod mashaqqatlarini, shoir bo’lish oson emasligini cslatadi.
Uningcha, shoirlik o’z ona yurtiga, xalqiga, inson zotiga bo’Igan fidoyi mehrning
samarasidir.
Erkin Vohidov dastlab hayot, go’zallik, yoshlik, muhabbat kuychisi bo’lib
maydonga chiqdi. Taqdir in'om etgan hayot, saodat, yoshlik, muhabbat sumrini,
hayotdan rizolikni to’lib-toshib kuyladi. Xalqimiz erishgan yutuqlar, uning shonli
tarixi, qo’lga kiritgan g’alabalari to’g’risida faxr-iftixorga to’la satrlar bitdi.
Jumladan, ,,Yoshligim" g’azalida yoshlik sururidan jo’shib yozadi:
Yoshligim, kel, kuyga to’lgan
Qalbim oltin sozi bo'1.
Men qo’shiq aytay to’lib,
Bir lahza jo’r ovozi bo'l.
40—50- yillarda ,,vulgar sotsiologizm" deb atalgan qarash oqibati o’laroq,
sevgi, shaxsiy kechinmalar badnom etilgan, she'riyatdan quvg’in qilingan edi. 50-
yillar oxiri, 60- yillarga kelib vaziyat o’zgara boshladi, inson shaxsiga hurmat,
qalbiga e'tibor birmuncha oshdi, kishining xilma-xil kechinmalari, jumladan,
an'anaviy sevgi taronalarini kuylash uchun yo'l ochildi. Bu hol an'anaviy she'riy
shakl, ayniqsa, g’azalning jonlanishiga olib keldi. Tabiiyki, bu jarayon o’sha
kezlari osonlikcha, silliq kechgani yo’q. AbdullaOripov yozganiday, ,,mumtoz
g’azaliyotimizning oltin eshiklari abadiy bekildi, deya karomat qiJishayotganda
yosh avlod orasidan birinchilardan bo’lib Erkin Vohidov aruzning tabarruk
ostonasida posbon yanglig’ paydo bo’Idi". Ba'zi munaqqidlar ishqiy kechinmalarni
kuylash, ko’hna she'riy shakl—aruzga murojaat qilishni zamondan uzoqlashish deb
ataydilar. E. Vohidov ,,Yoshlik devoni" kitobining ,,Debocha"sida shunday
qarashlar bilan bahsga kirishadi:
Istadim sayr aylamoqni
Men g’azal bo’stonida.
Kulmangiz, ne bor senga deb
Mir Alisher yonida.
She'rJyat dunyosi keng,
Gulzori ko’p, bo’stoni ko’p,
Har ko’ngil arzini aytur
Neki bor imkonida.
Ey munaqqid, sen g’azalni
Ko’hna deb kamsitmagil,
Sevgi ham Odam Atodin
Qolgan inson qonida.
Shu tariqa shoir inson qonidagi azaliy, tabiiy tuyg’u — sevgini kuylagan
qadimiy g’azal shaklini himoya qiladi. She'rda g’azal shunchaki she'riy shakl
ma'nosida emas, muhabbat, boqiy insoniy tuyg’ular ramzi tarzida ham qo’llangan:
Barcha shodlik senga bo’lsin,
Bor sitam, zorlik menga.
Barcha dildorlik senga-yu,
Barcha xushtorlik menga...
Bu jahonning rohatin ol,
Bor azobin menga ber.
Senga bo’lsin barcha orom,
Barcha bedorlik menga.
( “Barcha shodlik senga bo 'lsin” )
Shoir oshiq ko’ngilning ma'shuqaga bo’lgan mayli ifodasida xuddi mumtoz
she'riyat namoyandalari kabi mubolag’ani hadsiz oshiradi:
Seni yotlar tugul hatto —
Qilurman rashk o’zimdan ham,
Uzoqroq termulib qolsam
Bo’lurman g’ash ko’zimdan ham.
Ko zim yongay senga nargis —
Ko’zin tiksa chamanlarda,
Yashirmam, lolaga rashkim
Ayon bo’lgay yuzimdan ham.
(,,Rashkim")
Oshiq yigitning dil rozlari, ma'shuqaning ta'rif-tavsifi har qancha
mubolag’ador, romantik bo’yoqlar bilan zeb berilgan bo’lmasin, har ikkisi ham
zamon va zamin farzandi, ular shoir aytmoqchi, ,,o'z zamonin zayli"ga itoat
etadigan bizga zamondosh odamlardir.
Bora-bora shoir ijodida o’shanday romantik jo’shqinlik, hayotsevarlik
tuyg’ulari yoniga jiddiy realistik mushohadakorlik kelib qo’shila boshladi. Shoir
hayotni nuqul madh etish bilan chek-lanmay, uning tub mohiyatiga, ichki
ziddiyatlariga ham nigoh tashlaydi, qalamga olingan hodisani qarama-qarshiliklari,
ziddiyatlari, manfiy va musbat tomonlari bilan birgalikda idrok etadi. Natijada
shoir she'rlari o’ziga xos bahs-munozara tusini oladi. 70 — 80- yillarga kelib shoir
sevgi, ,,hayot kuychisi'lgina emas, ko’proq hayotning, inson qalbining badiiy
tadqiqotchisi sifatida ko’rina boshladi. ,,Hozirgi yoshlar", ,,Inson", ,,Sirdaryo
o’lani", ,,Arslon o’ynatuvchi" she'rlari, ,,Ruhlar isyoni", ,,Istambul fojiasi" singari
dostonlari bu jihatdan shoir ijodida olg’a tashlangan qadam bo’ldi.
Hayotga, el-yurtga mehr — bu faqat shirin so’zlar, madhiyalar, hamd-u
sanolar orqali ifodalanmaydi. Yetuk adabiyot, yuksak she'riyatda mehr-sadoqat
hayotning teran tahlili orqaligina ro’yobga chiqadi. Hayotning shafqatsiz haqiqati,
chigalliklari, xalqimiz, butun insoniyat oldida turgan o’tkir muammolami bor
holicha ko’rsa-tadigan, odamlar ko’nglidagi dard, tili uchida turgan gap bor ovoz
bilan aytilgan asarlargina butun xalqning diliga kirib boradi, koriga yaraydi. Shuni
ham aytish kerakki, Erkin Vohidov ijodida goho madhiyabozlik, qasidachilik, ona
yurtning ,,dimyoda tengsiz" ekani, xalqning ,,cheksiz erki va baxti"dan, ,,ulug’
ishlari", ,,erishgan g'alabalari"dan o’rinsiz faxr-iftixor tuyg’usi bilan to’lib-toshgan
she'rlarhamuchraydi. ,,O'zbekiston" faxriyasi, ,,Iftixor tuyg'usi", ,,O'zbekiston
kommunistlari" she'rlarida ham shu hol mavjud.
Shoir adabiyotdagi o’rinsiz madhiyabozlikni, o’zining shu ruhdagi satrlarini
ham nazarda tutib deydi:
Bas, yetar, yolg’on saodat,
Yolg’on erk, yolg’on Vatan!
(,,Vatan istagi")
Erkin Vohidovning yetuk asarlari yolg’ondan begonaligi, shaf-qatsiz haqiqati,
rosTgo’yligi va samimiyligi bilan hozirgi jahon taraqqiyparvar adabiyotining eng
yaxshi namunalariga ham-ohangdir.
Shoirning ,,lnson" she'ridagi inson talqinini eslaylik. Shoir insonning bugungi
kamoloti, inson dahosining zakovati — fan-texnika bobida erishilgan mislsiz
zafarlar haqida yozadi:
Minding ilm narvoniga,
Chiqding funun osmoniga, Bu jahon ayvoniga
Arkon o’zing, vayron o’zing.
Qarang, shoir fan-texnika taraqiyoti tufayli bugungi kunda inson jahon
ayvoniga n,arkon" (ustun) darajasiga ko’tarilganini ayta turib, shu ,,arkon" ayni
paytda ,,vayron" ekanini pisanda qilib o’tadi. So’ng bu fikrni rivojlantirib deydi:
Zarrani ijod etib,
Dahshat balo bunyod etib, Oqibatni yod etib,
Hayron o’zing, hayron o’zing.
Yo’q, shoir insonning buyuk kashfiyoti oqibati nuqul dahshat-u balolardan
iborat deb bilmaydi, buyuk kashfiyotlarni ezgulikka xizmat ettirish ham shu
insonning o’z qo’lida, o’z ixtiyorida:
Bog’i arz obod erur,
Sendin agar imdod erur, Yo’qsa u barbod erur,
To’fon o’zing, to’g’on o’zing.
Shoirning ona zamin qismati haqidagi alamli o’ylari ,,Sirdaryo o’lani" she'rida
o’ziga xos tarzda ifodalangan. Bu she'rxalq o’lanlari ruhi, ohangida bitilgan: bir
tomonda ona daryoning go’zal ta'rif-tavsifi, ikkinchi tomonda shoirning daryoning
hozirgi holati, achchiq qismatidan bezovtaligi, tashvish-zorlari. Shoir nazarida
Sirdaryo ko’hna Jayhun (Amudaryo) bilan birga ona vodiy hayoti, bori, quvonchi,
alami, zori; yurt uchun ham tomir, ham yurak... Shoir g’urur bilan:
Sen borsanki, keng vohada hayot bor, Demak, yurling labida bol, nabot bor...
...Sen paxtasan, olma, anor va nursan, o’zbek uchun surursan ham g’urursan, o’zni
yerga tomchi-tomchi berursan, Daryo emas, xalq timsoli erursan, Oqib turgin,
qurib qolma, onajon singari misralar tizadi. Shoirni mana shu ta'rif-tavsifga
sig’mas azim daryoning, chindan ham xalq timsoli deyishga loyiq ona daryoning
bugungi qismati qattiq tashvishga, iztirobga soladi. .Nega bukun bemadorsan,
haloksan?" deya uni alamli savolga tutadi. Darhaqiqat, hozir-u huzurini
o’ylaydigan iste'molchilik kasaliga mubtalo kimsalarning aybi bilan daryolar ham
mushkul ahvolga tushib qoldi. Bu haqda hozirgi kunda ham ko’p gapirilyapti,
yozilyapti. Shoir esa daryo qismati haqidagi o’y-tashvishlarini o’quvchi qalbini
hayajonga, larzaga soladigan bir tarzda ta'sirchan ifodalaydi. She'rning har bir
batidi oxirida daryoning ayanchli ta'rif-tavsifidaxuddi naqarotdek takrorlanadigan
,Oqib turgin, qurib qolma, onajon"degan o’ta samimiy, cheksiz mehr, o’kinch to’la
satrlar xuddi xalq o’lanlaridagi kuygan dilning o’tli zoriari singari o’quvchi
qalbining tub-tubigacha yetib boradi, uni titroqqa soladi. ,,Arslon o’ynatuvchi" —
ijtimoiy pafosi jihatidan 70- yillar o'zbekmilliyshe'riyatiningjiddiyyutug’i. Xorijiy
safartaassurotlari asosida yaratilgan bu she'r qaramlikka, mutelikka qarshi o’tkir
aybnoma kabi yangraydi. Faqat bugina emas, unda qaramlik dunyosining
shafqatsizligi — tirikchilik, kundalik hayot tashvishlari tirik mavjudotni, odam
zotini ne ko’ylarga solishi ramziy tarzda butun dramasi, keskinligi bilan
ko’rsatiladi. She'rda qaramlarni bir-birlari bilan bog’lab qo’ygan ko’zga ko’rinmas
kishanlar ildizi ochib tashlanadi. Uni o’qib, alam-iztirob bilan qalamga olingan
hodisa, ya'ni to’qaylar podshohi arslonni charsillab yonib turgan olov halqa ichidan
sakrab o’tishga majbur qilgan, sher zotini masxaraboz qo’liga berib, gumroh
tomoshabin — olomon uchun ermak — tomoshaga aylantirgan kuch nima, degan
savolga o’zingiz javob topasiz. Muallif hodisaning zamiriga, ichki mohiyatiga
nigob tashlaydi; chuqur va nozik poetik tahlil orqali haqiqiy bosh aybdor sirk
maydonidagi she'r va masxaraboz emas, balki sahna ortidagi ularni shu ko’ylarga
solib qo’ygan shafqatsiz falak, hayotning o’zi — muhit, sharoit ekani ma'lum
bo’ladi: bularning bari falak ishi, biriga qamchi, boshqasiga qafasbergan bu —
tirikchilik! Arslon o’ynatuvchining arslon isyoni, ta'nalariga javoban aytgan mana
bu so’zlarini tinglab ko’ring:
Sening har bir o’tli na'rang —
Menga tarsaki.
Netay, men ham egaiik qul.
Boshda xo’jam bor,
g’azab qilsa,
Ko’zlarimga dunyo bo’Iar tor.
Menda-ku dard, iste'dod bor,
Bor andak sehr,
Hech bo’lrnasa hayvonotga
Shafqat-u mehr!
Tomoshagoh egasi kim
Mening qoshimda!
Ammo qamchi o’ynatar u
Doim boshimda.
Holatimni tushun,
Isyon qilma, birodar,
Charx oldida ikkimiz ham
Asli barobar.
...Goh jonimdan o’tsa zulm
Na'ra tortaman,
Lekin bundan
Faqat boshga balo ortaman.
Asar xotimasi nihoyatda hayajonli:
Bu so’zlarga chidolmadi,
To’lg’ondi arslon:
- Bo’ldi, bas qil!
Yuragimni qon qilma, inson!
O’t olsin bu charxi falak
Rizq-u ro’zini!..
Arslon olov chambarakka
Otdi o’zini.!
80- yillar oxiri, 90- yillar boshlarida yuz bergan jamiyatimiz hayoti,
ma'naviyatidagi o’zgarish, yangilanishlar, odamlar ongidagi evrilishlar Erkin
Vohidov she'riyatida, xususan, ,,Yaxshidir achchiq haqiqat" kitobida o’z aksini
topdi. Shoirning bu davr ijodidagi eng xarakterli xususiyat unda chin ma'nodagi
ruhiy erkinlikning namoyon bo’lishidir.
Totalitar tuzum, mustabid adabiy siyosatning so'z san'atiga, birinchi galda
she'riyatga keltirgan eng mudhish zarari shu bo’ldiki, bunday siyosat bir qator
iste'dod egalaridagi ,,men"ni, ya'ni shoir shaxsiyatini mavh etdi, uning o’zligini,
isyon tuyg’usini so’ndirdi. Ko’p asrlik she'riyatimizga xos iztirob-u mashaqqatlar,
shubha-gumonlar ichida mardona turib o’zlikni qidirish, taftish qilish,
shu orqali haqiqatni anglash an'anasi susaydi. 90- yillarga kelib milliy
she'riyatimiz, aniqrog’i, iste'dodli shoirlarimiz shu azaliy muqaddas an'analarga
dadil qadam qo’ya boshladi. Mana shu yangi jarayonntng boshida turganlardan biri
E. Vohidovdir. Shoir ,,Kechir, yo rab!" she'rida chin dildan shunday yozadi:
Kechir, yanglishmagan kim bor,
Mening ham ko’p gunohim bor.
Odamzod asii nokomil,
Kechir yo rab, kechir yo rab!
Shoirning ,,Yaxshidir achchiq haqiqat" kitobida ,,Tush" degan mo’jazgina
voqeaband she'r bor. Unda tush bilan o’ng — odamning arosatdagi mudroq, lanj
holati ustida gap boradi: lirik qahramon takror-takror tush ko’radi, tushida mudrab
yurgan el ichida yuradi, ular bilan o’zi ham mudrab asta qadam sudraydi:
Bu tush, deyman, Uyg’on, deyman. Uyg’onolmay mudrayman. Inson bolasi
uchun bu og’ir ruhiy qiynoq. Koshkiydi, bu shunchaki tush, birgina odamning
arosatdagi ruhiy qiynoqlari bo’lsa! Aslida bu butun xalq boshiga tushgan kulfat!
Bu mustabid tuzum sharoitida g’aflat bosgan bandalar orasida bo’lgan shaxsning
musibati, fojiasi. Shoir yaratganga iltijo qilib, bunday mudhish kechaning — og’ir
qiynoqning oxiri tezroq kelishini iltijo qiladi. Aslida mudroqltkdagi holat
qullikning bir ko’rinishidir. Shoir ,,Yuragingda makon tutgan qul" she'rida
yozganidek, ,,Qullar ichra eng bechorasi" odam bolasi yuragiga makon tutgan
qullikdir, bunaqa qullik — judolikdan adolik ma'qul. Shoir ,,Vatan istagi" she'rida
baralla ,,O'zni ozod qush kabi ko 'rmoqni istaydi ko "ngii" deydi.Faqat o’zligini
to’la anglab yetgan, yuragi qullik tuyg’usidan xoli, isyonkor — dovyurak, imoni
butun, e'tiqodli shoirgina shunday mardona so’zni bor ovoz bilan ayta oladi! Shoir
ijodidagi ana shu tamoyillar — hayot haqiqatini murak-kabligi, ziddiyatlari,
shafqatsizligi bilan bor holicha berish, o’tkir ijtimoiy-ma'naviy masalalarni dadil
o’rtaga qo’yish, falsafiy mushohadalarga moyillik, ruhiy erkinlik uning
dostonlarida, xususan, ,,RuhIar isyoni" asarida yana ham yorqinroq, ta'sir-chanroq
namoyon bo’lgan.