O‘zbekiston respublikasi oliy va o‘rta maxsus ta’lim vazirligi o‘rta maxsus professional ta’limning

Dastur nomi
Fizika
Ajratilgan soat	40
mavzular soni	6
Dasturning maqsadi	Bo‘lajak qishloq xo‘jaligi mutaxassislarini fizikaning asosiy qonun - qoidalari, hamda nazariy, amaliy va laboratoriya ishlarini bajarish uchun zarur bo‘lgan fizik tushunchalar bilan tanishtirishdan, yangiliklarni mustaqil o‘rganib, uning tadbiqlarini o‘zlashtira olishga o‘rgatishdan, talabalarning mantiqiy fikrlash qobiliyatlarini o‘stirishdan, ijodiy izlanishlarga va qishloq xo‘jaligi ishlab chiqarishning istiqbollarini fizik tushunchalar yordamida bayon qila olishga o‘rgatishdan iborat.
O‘zlashtirish (o‘qitish) natijalari	talabalarda fizikaviy qonuniyatlar va omillarni qishloq xo‘jaligida qo‘llay olishlari to‘g‘risida tasavvurlar hosil qilish va rivojlantirish; nazariy bilimlar va tajribalarga tayanib bilim olishga bo‘lgan qiziqishlarini, intellektual va ijodiy qobiliyatlarini oshirib, o‘zlari mustaqil ravishda yangi bilimlar olishini, ma’lumotlar oqimidan kerakli ma’lumotlarni ajratib olib ulardan to‘g‘ri foydalanishlarini va yangi ma’lumotlarga o‘z fikrlarini bildirib ularni baholay olishlarini rivojlantirish; mohiyatiga yetgan holda yangi bilimlar olib ko‘nikmalarga ega bo‘lib professional kasbiy faoliyatini rivojlantirish.

Bilimlar
-mexanika, mexanik harakat va mexanik jarayonlar, mexanik jarayonlarni xarakterlovchi asosiy kattaliklar va qonuniyatlari; -molekulyar kinetik nazariya (mkn), termodinamika qonunlari va termodinamika qonunlarining qo‘llanilishi, issiqlik, harorat va issiqlik va ishning bir-biriga aylanishi haqidagi tasavvurlar; -elektrodinamika, elektrlangan jismlar va zarrachalar orasida o‘zaro ta’sirni ro‘yobga chiqaruvchi elektromagnit maydon xossalari va qonuniyatlari, elektr maydoni va uning xossalari, elektr maydonining asosiy xarakteristikalari – kuchlanganlik, potensiallar farqi, kuchlanish, elektr sig‘imi, elektr maydon energiyasi, elektr maydonidagi moddalar haqida tushunchalar; -optika, yorug‘lik hodisalarini qonuniyatlari, yorug‘likning tabiati va uning moddalar bilan o‘zaro ta’siri, geometrik, to‘lqin va kvant optikasi; -atom va yadro fizikasi, atom va atom yadrolarining tuzilishi va xossalari, atom energetik sathlarining diskretligi, atomlarning yorug‘lik yutishi va nurlantirishi, spektrlar va spektral tahlil, lazerlarning ta’sir prinsipi, yadro fizikasining asosiy masalalari, yadroning tarkibiy qismlari, nuklonlar orasida ta’sir qiluvchi yadroviy kuchlarning tabiati va nuklonlarning yadrodagi harakatini o‘ziga xosligini aniqlash va h.k.