O‘zbekiston respublikasi oliy va o‘rta maxsus ta’lim vazirligi o‘zbekiston respublikasi qishloq xo‘jaligi vazirligi toshkent davlat agrar universiteti

 
Tayanch tushunchalar va iboralar: 
Davlat funksiyalarini amalga oshirish uchun belgilangan tartibda davlat 
hokimiyati organlarining qaroriga ko‘ra tashkil etilgan, Davlat Budjeti mablag‘lari 
hisobidan saqlab turiladigan notijorat tashkilot Budjet tashkilotidir. Budjet 
tashkilotlarini moliyalashtirish shartlari va ularning Budjet hisobini yuritish tartibi 
Budjet to‘g‘risidagi qonun hujjatlari bilan belgilanadi.
O‘rmon xo‘jaliklari tashkilotlarida buxgalteriya hisobi ishlarini tashkil 
qilishga qo‘yilgan eng asosiy talab – bu uning kam xarajatli va sodda 
bo‘lishligidir.
«Buxgalteriya hisobi to‘g‘risida»gi Qonunga muvofiq, buxgalteriya hisobi 
va hisobotini tashkil etishni xo‘jalik yurituvchi sub’ekt rahbari amalga oshiradi. 
Buxgalteriya apparati, odatda, quyidagi bo‘limlardan tashkil topadi: 
Material bo‘limi. Bu yerda sotib olingan moddiy qiymatliklarni, mol 
yetkazib beruvchilar bilan hisob-kitoblarni, materiallarni saqlash va foydalanish 
joylari bo‘yicha kirimi va sarflanishini hisobi yuritiladi.
Hisob - kitob bo‘limi. Bu yerda dastlabki hujjatlarga asosan ish haqi 
hisoblash va undan ushlanmalar bo‘yicha barcha hisob-kitoblar olib boriladi, 
mehnat haqi fondi va iste’mol fondidan foydalanish bo‘yicha nazorat amalga 
oshiriladi, ijtimoiy sug‘urtaga ajratmalar bo‘yicha hisob-kitob hisobini olib boradi.

---

52 
Ishlab chiqarish-kalkulyatsiya bo‘limi. Bu bo‘limda barcha turdagi ishlab 
chiqarishga qilingan xarajatlar hisobi yuritiladi, mahsulotlarning haqiqiy tannarxi 
aniqlanadi va hisobot tuziladi.
Umumiy bo‘lim. Bu bo‘limda yuqorida sanab o‘tilgan bo‘limlarda hisobga 
olinmaydigan operatsiyalar hisobi yuritiladi, bosh daftar yuritiladi va buxgalteriya 
hisoboti tuziladi.