O`zbekiston respublikasi oliy va o`rta maxsus ta’lim vazirligi urganch davlat universiteti turizm va iqtisodiyot fakulteti
Aholining hayot darajasi va sifatini belgilovchi asosiy mezonlar
Download 0.61 Mb. Pdf ko'rish
|
ozbekistonda aholi turmush darajasini tavsiflovchi korsatkichlarni statistik tahlili
- Bu sahifa navigatsiya:
- TURMUSH SIFATINING SHAKLLANISHIGA TASIR KORSATADIGAN OMILLAR
- 1.3. Aholining turmush darajasi va farovonligini belgilovchi ko‘rsatkichlar.
- 1. Turmush darajasining integral ko‘rsatkichlari
- 2. Aholining moddiy ta’minlanganligi ko‘rsatkichlari
|
1.2. Aholining hayot darajasi va sifatini belgilovchi asosiy mezonlar. Mamlakatimizda aholining hayot darajasi va sifatini izchil oshirilishini ta’minlash hozirgi kunning asosiy vazifalardan biri hisoblanadi. Bu borada 2011 yilning yanvar oyida O‘zbekiston Respublikasi Vazirlar Mahkamasi “BMT Mingyillik maqsadlarini O‘zbekistonda amalga oshirish bo‘yicha qo‘shimcha chora-tadbirlar to‘g‘risida” maxsus qaror qabul qilinganini esga olishimiz zarur. Unda O‘zbekistonda BMTning Mingyillik rivojlanish maqsadlariga muvofiq aholi turmush darajasi va sifatini izchillik bilan yuksaltirish uchun zarur bo‘lgan qo‘shimcha choralarni amalga oshirish maqsadida barcha vazirliklar, idoralar, markaziy va mahalliy hokimiyat organlarining mamlakatda inson salohiyatining muttasil rivojlanishini ta’minlashga qaratilgan kompleks harakat dasturi belgilangan edi 3 .
qilingan “Inson taraqqiyoti kontseptsiyasi”ga ko‘ra, har bir jamiyatning rivojlanishi markazida faqat oddiy iqtisodiy ko‘rsatkichlar emas, balki avvalo, inson turishi kerak. Inson taraqqiyotning pirovard maqsadi va uning samarasining bosh mezoni – odamlarning imkoniyatlarini kengaytirish, ularning tabiiy, jamiyatda umume’tirof etilgan qadriyatlarga mos keladigan ma’naviy va moddiy ehtiyojlarini sifatliroq qondirish, yanada yuqori turmush darajasiga erishish demakdir. Bashariyat tarixida jamiyatlar, millatlar va xalqlarning dunyoqarashi, madaniyati, qadriyatlari turlicha bo‘lsa-da, “turmushning yuqoriroq darajasi” deganda qarashlar bir-biriga o‘xshashligi va uyg‘unligi ma’lumdir. U birinchi navbatda oilaviy farovonlik, salomatlik, uzoq umr ko‘rish, moddiy farovonlik, ma’lumotning yuqori sifat darajasi, nafaqat salmoqli daromad, balki mehnatdan ma’naviy qoniqish, jamoatchilik orasida obro‘ orttirish, xavfsizlik, madaniy xordiq
3 O'zbekiston Respublikasi Vazirlar Mahkamasining 2011 yil 26 yanvardagi “O'zbekistonda BMTning Mingyillik rivojlanish maqsadlarini amalga oshirish bo'yicha qo'shimcha chora- tadbirlar to'g'risida”gi 21-sonli qarori. // O'zbekiston Respublikasi qonun hujjatlari to'plami. 2011 yil. 4-5-son. 35-modda.
16
kabi tushunchalarni qamrab oladi. Odamlar har doim shaxs va fuqaro sifatida o‘z dunyoqarashini ifoda etish imkoniyatiga ega bo‘lishni, jamiyat hayotida ishtirok etishni, ularning huquq va erkinliklari hurmat qilinishini, fikrlari e’tiborga olinishini har doim qadrlab kelishgan va qadrlashadi. Yuqorida qayd etilgandardan kelib chiqib, bugungi kunda inson taraqqiyotini baholash quyidagi printsiplar va uchta komponentga asoslanadi: 1. Farovonlik. Inson taraqqiyoti faqatgina ijtimoiy siyosat sohasi bilan cheklanadi deb o‘ylash xato bo‘ladi. Iqtisodiy rivojlanishsiz, iqtisodiy salohiyatni ko‘tarmasdan, odamlarning ehtiyojlarini qondirish va
imkoniyatlarini kengaytirishga erishib bo‘lmaydi. Inson taraqqiyoti kontseptsiyasini faqat ta’lim va sog‘liqni saqlash, gender rivojlanish va qashshoqlikka qarshi kurash ko‘rsatkichlari kabi ijtimoiy mezonlar statistikasi asosida tahlil qilish noto‘g‘ri. Ushbu ma’lumotlar jamg‘arish va investitsiyalar, ishlab chiqarish va iste’mol qilish, savdo va texnologiyalar kabi ko‘rsatkichlarsiz inson taraqqiyoti haqida to‘liq tasavvur hosil qilish imkonini bermaydi. Oxir-oqibat, jamiyatning rivojlanishini uning samaradorligiga, ya’ni odamlarning moddiy va ma’naviy ehtiyojlarini qondirish uchun resurslardan foydalanish optimalligiga ko‘ra baholash lozim. Shu sababli inson taraqqiyotining bosh uch komponentidan bittasi farovonlik hisoblanadi. 2. Huquq va imkoniyatlarning kengayishi. Inson taraqqiyotining darajasi rivojlanish masalalarini hal qilishda insonning o‘zi qanchalik ishtirok etayotgani va ushbu jarayonni takomillashtirida hal qila olishdagi shaxs sifatidagi qurbi bilan ham belgilanadi. Axir inson shu borada rivojlanish jarayonining nafaqat ob’ekti, balki sub’ekti sifatidagi faolligi ham muhimdir. 3. Adolat. Har bir jamiyatning rivojlanish darajasi imkoniyatlar tengligiga, ya’ni ushbu jamiyatda aholining turli namoyonlari va guruhlari o‘rtasida huquq va majburiyatlar taqsimlanishi adolat printsipiga ko‘ra baholanishi kerak. “Imkoniyatlar tengligi” mavhum tushuncha emas. U aniq, real hamda huquqiy va iqtisodiy ta’minlashni talab qiladi. Uning mohiyati shundaki, jamiyatda muayyan belgiga, shu jumladan, jinsiga ko‘ra, huquqiy va iqtisodiy kamsitish, ko‘proq yoki kamroq imtiyozlarga ega etnik guruhlar, ekspluatatsiya qilinuvchi sinflar
17
bo‘lmasligi kerak. Nogironlarga tizimli yordam alohida e’tiborni talab etadi. Bunday adolatni o‘rnatish omillari orasida qonunchilikda mustahkamlangan va amaliyotda qo‘llanadigan siyosiy huquq va erkinliklar, sog‘liqni saqlash va ta’lim tizimlaridan foydalanish, mikromoliyalash tizimi orqali ijtimoiy himoyaga muhtoj qatlamlarni qo‘llab-quvvatlash va boshqalar mavjud. Shunday qilib, inson taraqqiyotining umumiy e’tirof etilgan uchinchi komponenti – ijtimoiy adolat, natijalarning barqaror ta’minlangani, inson huquqlarini hurmat qilish hisoblanadi. Inson taraqqiyoti kontseptsiyasi, iqtisodiy o‘sish nazariyasidan farqli o‘laroq, ijtimoiy taraqqiyotga uzoq muddatli jarayon sifatida qaraydi. Faqatgina bugun yashayotgan insonlar ehtiyojini qondirish haqida o‘ylash bilan cheklanmasdan, kelajak avlodlar uchun munosib hayotni ta’minlash haqida fikr yuritmoq zarur. Inson taraqqiyoti kontseptsiyasi – bu samarali va barqaror iqtisodiy o‘sishni ta’minlash hamda uni mantiqiy yakuniga izchil ravishda yetkazish, ya’ni odamlar imkoniyatlarini kengaytirish, ularning iqtisodiy va siyosiy huquq va erkinliklarini ro‘yobga chiqarish, bugungi va kelgusi avlodlarning ma’naviy va moddiy ehtiyojlarini qondirishdir 4 .
amal qilishi va izchil ravishda rivojlanib borishi uchun real shart-sharoitlarni yaratuvchi ijtimoiy-iqtisodiy islohotlar, ahamiyatga molik o‘zgarishlar amalga oshirilmoqda. Biz o‘z oldimizga qo‘yayotgan maqsad esa barchamizga yaxshi ma’lum – bu zamonaviy rivojlangan demokratik davlatlar qatoriga kirish, xalqimiz uchun munosib turmush sharoitini yaratish va uning jahon hamjamiyatida munosib o‘rin egallashini ta’minlashdan iborat 5 .
4 O'zbekiston Respublikasi Oliy Majlisi Senati, O'zbekistondagi BMT Taraqqiyot dasturi. O'zbekiston: Amaliy qo'llanma. Barqaror ijtimoiy-iqtisodiy rivojlanishning va inson taraqqiyoti printsiplarini amalga oshirishning parlament tomonidan ta'minlanishi, 2011.
5
(1990-2010 yillar) asosiy tendentsiya va ko'rsatkichlari hamda 2011-2015 yillarga mo'ljallangan prognozlari: statistik to'plam. – T.: “O'zbekiston”, 2011, 3-4-b.
18
O‘zbekiston hukumati o‘z zimmasiga mamlakatimizda kam ta’minlangan toifa miqdorini kamaytirish va jamiyatimiz hayotida insonparvarlik printsiplarining yanada rivojlanishiga ko‘maklashish maqsadida Mingyillik rivojlanish maqsadlari borasida ma’lum bir majburiyatlarni o‘z zimmasiga olgan. Xalqaro hamjamiyat, shu jumladan, BMTning turli tarkibiy tuzilmalari bu borada moliyaviy yordam berish va mamlakatimizdagi davlat va nodavlat tashkilotlar bilan hamkorlik qilish orqali ko‘maklashishga hozirligini izhor etadi. O‘zbekistonning 2015 yilgacha bo‘lgan davrdagi vazifasi kam ta’minlangan aholi hissasini 50 foizga qisqartirishdan iborat. Mamlakatimizda aholini aniq maqsadli va yuqori samarali ijtimoiy muhofaza qilishga yo‘naltirilgan chora-tadbirlar hamda yuksak iqtisodiy o‘sish va aholini ijtimoiy zarur mehnat bilan bandlik ko‘rsatkichlarini susaytirmasdan ta’minlash halqimiz farovonligini yanada oshirish imkonini beradi. Bu borada, ayniqsa milliy iqtisodiyotimizni modernizatsiya qilish sharoitida aholi daromadlari oshirib borish eng muhim ijtimoiy-iqtisodiy vazifa bo‘lib qoldi. Birinchidan, ohirgi 10 yil ichida aholining daromad shakllari tubdan o‘zgarib, ularning an’anaviy turlari (ish haqi, pensiya, nafaqa, stipendiya) qatoriga mutlaqo yangilari – tadbirkorlik faoliyatidan, (ko‘chmas) mulkdan, qimmatli qog‘ozlardan, chet el valyutasidan keladigan daromadlar qo‘shilganini taakidlash zarur. Ikkinchidan, daromadlarning tarkibiy qismlari bilan bir qatorda ularning miqdor va sifat jihatlari ham tubdan o‘zgardi, bu borada fuqaro ixtiyoridagi haqiqiy daromadlar, to‘planish va ajralish koeffitsienti, daromad tanqisligi, tirikchilik minimumi, qashshoqlik darajasi, oila pul daromadlarining xarid qobiliyati kabi tushuncha va kategoriyalar paydo bo‘ldi. Uchinchidan, aholi daromadlaridan samarali foydalanishning yangi yo‘nalishlari vujudga keldi: majburiy to‘lovlar va badallar, chet el valyutasi, qimmatli qog‘ozlar va shaxsiy mulkni sotib olish uchun xarajatlar, tijorat banklariga qo‘yilmalar shular jumlasidandir.
19
1.2.1-rasm. Turmush sifatining shakllanishiga ta’sir ko‘rsatadigan omillar.
Shu alohida ta’kidlash joizki, aholining o‘sib borayotgan daromadlarining darajasi qanchalik yuqori bo‘lsa, uning zaruriy ehtiyojini ham qondirish imkonlari: o‘zining va oila a’zolarining salomatligini saqlash, unumli dam olishini tashkil etish, yuqori sifatli ma’lumot olishi, bo‘sh vaqtlarini madaniy tarzda o‘tkazishidek tadbirlar shunchalik ko‘p bo‘la boshladi. Barchamizga yaxshi ayonki, har qaysi inson, har bir oila, millati, tili va dinidan qat’i nazar, dunyoga kelib, farzand ko‘rib, uni sog‘lom va barkamol ko‘rishini niyat qiladi. Shirin farzandiga bor ezgu-umidlarini bog‘laydi va uni baxtli yashashi uchun bor imkonini ayamaydi. Bunday yuksak orzuga yetishning sharti va garovi bo‘lgan omillarni davlatimizning siyosati darajasiga ko‘tarilishi, uni har kunlik faoliyatimizda bosh mezoni qilib olganimiz quvonchli va sharaflidir.Ular orasida hayotimizga ma’no-mazmun beradigan, uni yanada yorug‘ va fayzli qiladigan yana bir omil borki, u ham bo‘lsa, insonning o‘z uyi, o‘z farzandi kamoli, o‘z yurtini har tomonlama taraqqiy etib borishidan shukuronalik qilishi, mag‘rurlanishi va mamnun bo‘lib, yashashida yaqqol namoyon bo‘ladi. Bunday mulohaza va fikrlarni umumlashtirib, o‘zbekona aytadigan bo‘lsak, barchamizning harakat va intilishlarimiz negizida avvalambor yurtimiz, TURMUSH SIFATINING SHAKLLANISHIGA TA'SIR KO'RSATADIGAN OMILLAR Aholnining oziq-ovqat mahsulotlari va mailshiy xizmatlar bilan ta'minlanganligi Aholi daromadlari darajasi va bandlik darajasi Aholining uy-joy bilan ta'minlanganligi Aholining salomatligi holati va sog'liqni saqlash va tiklash imkoniyatining Inflyatsiya darajasi va siyosiy barqarorlik Ta'lim olish imkoniyati Ma'naviy muhitning rivojlanishi va hayot faoliyati xavfsizligi
Tabiiy muhitning holati 20
Vatanimizda yashayotgan har bir kishi, har bir oila har tomonlama rivoj topishi, inson erkin nafas oladigan, tinch va farovon yashaydigan hayot barpo etish g‘oyasi mujassam ekanini hammamiz yaxshi tushunamiz. Ayni shunday orzu-niyatlar bilan kundalik hayotimizni to‘ldirish, ularni hayotimizning maqsadiga aylantirish, shunday g‘oya va intilishni amalga oshirish uchun davlatimiz va jamiyatimizning barcha kuch va imkoniyatlarini safarbar etish, hech shubhasiz, bugungi kunda har birimizda g‘oyat mamnunlik va cheksiz mag‘rurlik xis-tuyg‘ularimizni oshirib boradi.. Bu borada mamlakatimizdagi ko‘p yillik tajribadan ma’lumki, har bir yil nomi bilan bog‘liq maqsad va vazifalar, aniq chora-tadbirlar, ularning bajarilish muddatlari, moliyaviy manbalari, mutassaddi idora va tashkilotlarining batafsil bayon etilgan davlat dasturlari shakllantirilib, ular maxsus qaror orqali ijro uchun qabul qilinadi. Bunday dasturlarning puxta va hayotiyligi, ularda belgilangan chora-tadbirlarning qo‘yilgan maqsad va vazifalarni to‘liq qamrab olishi pirovardida qilingan sa’y-harakatlar, erishilgan natijalarning salmoqli bo‘lishiga xizmat qiladi.
21
ko‘rsatkichlar. Kishilarning o‘ziga o‘zi baho berishi, o‘zini aholining muayyan guruhiga mansubligini anglashi ularning turmush darajasi va sifatining umumiy hamda yakuniy indikatori hisoblanadi. Bu borada, albatta, aholi jon boshiga to‘g‘ri keladigan daromad bilan bir qatorda yashash sharoiti va standartlari, aholining obod va zamonaviy uy-joylar bilan ta’minlangani, odamlar istiqomat qiladigan muhitni rivojlantirish hamda obodonlashtirish, zarur infratuzilmaning mavjudligi va uning samarasi, aholini sifatli iste’mol tovarlari, shu jumladan, mamlakatda ishlab chiqarilgan tovarlar bilan ta’minlash, zamonaviy talablar asosida ta’lim olish hamda sog‘liqni saqlash tizimidan bahramand bo‘lish kabi hayot darajasini belgilaydigan muhim ko‘rsatkichlar inobatga olinadi.
1.1. Makroiqtisodiy ko‘rsatkichlar: Ø aholining real ixtiyordagi daromadlari; Ø aholining real tuzatilgan daromadlari; Ø uy xo‘jaliklarining yakuniy iste’mol xarajatlari; Ø uy xo‘jaliklarining haqiqiy iste’mol xarajatlari; Ø o‘rtacha ish haqi (nominal va real). 1.2. Demografik ko‘rsatkichlari: Ø doimiy aholi soni dinamikasi; Ø kutiluvchi turmush davomiyligi; Ø chaqaloqlar, bolalar va onalar o‘limi; Ø aholining savodlilik darajasi. 22
1.3. Aholining iqtisodiy faollik ko‘rsatkichlari: Ø aholining iqtisodiy faollik darajasi; Ø iqtisodiyotda bandlarning va aholi umumiy soni nisbati; Ø ishsizlik darajasi. 1.4. Aholining pensiya ta’minot darajasi: Ø pensionerlar soni (jami va shu jumladan yosh bo‘yicha); Ø belgilangan oylik pensiyalar miqdori (jami va shu jumladan yosh bo‘yicha); Ø yosh bo‘yicha belgilangan o‘rtacha oylik pensiya miqdori va keksalarni minimal miqdori.
2.1. Uy xo‘jaliklari daromadlari: Ø uy xo‘jaliklarining yalpi va pullik nominal hamda real daromadlari (umumiy va *); Ø daromadlarning xarid qobiliyati; Ø IBK;
2.2. Aholining alohida qatlamlari o‘rtasida daromadlarning taqsimlanishidagi tengsizlik: Ø aholi daromadlarining tabaqalashuvining detsil koeffitsienti; Ø daromadlarining kontsentratsiya koeffitsienti (Jini koeffitsienti); Ø fondlar koeffitsienti; Ø aholining kvantil guruhlari bo‘yicha daromadlarning taqsimlanishi. 2.3. Aholining kambag‘alligi ko‘rsatkichlari
23
Ø yashash minimumi kattaligi; Ø kambag‘allik chegarasi; Ø qashshoqlik chegarasi; Ø kambag‘allik ko‘lami ko‘rsatkichlari (birlamchi,
Ø yashash minimumi kattaligi; Ø kambag‘allik chegarasi; Ø qashshoqlik chegarasi; Ø kambag‘allik ko‘lami ko‘rsatkichlari (birlamchi,
Ø minimal iste’mol “savati” qiymati; Ø aholining iste’mol xarajatlarining joriy va taqqoslama baholardagi dinamikasi va tarkibi; Ø ixtiyordagi daromad va iste’mol xarajatlarida oziq-ovqat xarajatlari ulushi; Ø asosiy oziq-ovqat mahsulotlarining jon boshiga iste’moli, shu jumladan, katta yoshdagi iste’molchilarga hisoblangan oziq-ovqatlar ulushi; Ø minimal iste’mol “savati”ning oziq-ovqat tarkibi va kaloriyaliligi. 4. Aholining turar-joy sharoitlari:
Ø aholining uy-joy bilan ta’minlanganligi (mamlakatning har bir fuqarosiga to‘g‘ri keluvchi umumiy va yashash maydoni); 24
Ø aholining iste’mol xarajatlarida turar-joy uchun to‘lov xarajatlari ulushi. 5. Ijtimoiy keskinlik: Ø jinoyatchilik koeffitsienti. Mamlakatimizda yalpi ichki mahsulot, mahsulot va xizmatlar ishlab chiqarishning yuqori sur’atlarda barqaror o‘sib borishi, byudjet sohasi xodimlarining ish haqi, pensiya, nafaqa va stipendiyalar miqdorining muntazam qayta ko‘rib chiqilishi, ta’lim, sog‘liqni saqlash va ilm-fan sohalari xizmatchilarining mehnatini rag‘batlantirish, aholi turmush darajasini tubdan yaxshilashga qaratilgan boshqa chora-tadbirlar, ayniqsa, oxirgi yillarda xalqimizning hayot sifati izchil yuksalib borishini ta’minladi. O‘zbekistonda yashash sharoiti va standartlari, aholining obod va zamonaviy uy-joylar bilan ta’minlangani, aholini sifatli iste’mol tovarlari bilan ta’minlash, zamonaviy talablar asosida ta’lim olish hamda sog‘liqni saqlash tizimi kabi indeks va ko‘rsatkichlar bo‘yicha katta o‘zgarish va yutuqlarga erishildi. Bu haqda so‘z yuritilganda, shuni aytish joizki, ayni paytda oilalarning 97 foizi o‘z uyiga ega, aholining 90 foizi uzoq muddat foydalaniladigan barcha asosiy tovarlar bilan ta’minlangan, har 3 oiladan biri shaxsiy yengil avtomobilga ega, aholi iste’mol mahsulotlari bilan yetarli darajada ta’minlanmoqda. Mustaqillik yillarida sog‘liqni saqlash sohasiga qilingan harajatlar 3,6 barobar o‘sdi va bu yalpi ichki mahsulotga nisbatan qariyb 4 foizni, Davlat byudjetida esa 15,7 foizdan ortiqni tashkil qilyapti. «Sog‘lom ona – sog‘lom bola» mavzusidagi xalqaro simpoziumda ishtirok etgan Jahon sog‘liqni saqlash tashkiloti Bosh direktori Margaret Chen xonimning «Prezident Islom Karimov tomonidan e’lon qilingan «Sog‘lom ona – sog‘lom bola» tamoyilining xayotga tatbiq etilishi bugungi va kelajakda barkamol avlodni tarbiyalash borasidagi eng to‘g‘ri yo‘l bo‘lib, har bir odamning va butun aholining salomatligini ta’minlashning 25
kafolatidir. O‘zbekistonning sog‘liqni saqlash modeli boshqa ko‘plab mamlakatlar uchun namuna bo‘lib xizmat qilishi mumkin» degan so‘zlari ushbu fikrning tasdig‘idir. Mamlakatimizda amalga oshirilayotgan «Sog‘lom ona – sog‘lom bola» dasturi umummilliy harakatga aylandi. Muruvvat uylari, maxsus maktab- internatlarining moddiy-texnik bazasi ham mustahkamlanib, ta’lim-tarbiya, sog‘lomlashtirish tizimi tobora takomillashmoqda. Sog‘liqni saqlash tizimida olib borilgan islohotlar natijasida erishilgan yutuqlar xalqaro tashkilotlar tomonidan yuqori baholanib kelinmoqda. 2010 yilda Jahon sog‘liqni saqlash tashkiloti tomonidan o‘zbek tibbiyot modeli boshqa mamlakatlarga namuna sifatida tavsiya etildi. Buyuk Britaniyaning «Save the children («Bolalarni asraylik») tashkiloti tomonidan 2011 yilda O‘zbekiston – 161 ta davlat orasida bolalar salomatligini muhofaza qilish bo‘yicha 10 ta yetakchi davlat safidan o‘rin egalladi 6 . Mustaqillikning birinchi kunlaridan boshlab O‘zbekiston Prezidenti I.A. Karimov yosh avlodning salomatligi haqida doimiy g‘amxo‘rlik qilmoqda. Yosh avlodni har tomonlama kamol toptirish, bolalar o‘rtasida sog‘lom turmush tarzini rivojlantirishning muhim omillaridan biri uzluksiz sport musobaqalari tizimini tashkil etishdir. Uch bosqichli sport o‘yinlari dunyoda beqiyos sanaladi. Vatanimiz sportining keng rivojlanishi tufayli yoshlarimiz orasidan dovrug‘i respublikamizda va xalqaro miqyosda keng tanilgan sportchilar yetishib chiqmoqda va ularning safi tobora kengayib borayotir. «Umid nihollri», «Barkamol avlod» va Universiada sport musobaqalari yoshlarimizni tarbiyalash, chiniqtirish hamda ularning g‘alabaga bo‘lgan ishtiyoqini oshirishda o‘ziga xos katta maktab vazifasini o‘tamoqda. Ushbu sport o‘yinlarini o‘z ichiga olgan uch bosqichli noyob tizimning bamisoli qudratli to‘lqinga aylanib, million-million bolalarimizni o‘z safiga qamrab olayotgani, ularning ham jismoniy, ham ma’naviy sog‘lom bo‘lib ulg‘ayish uchun xizmat qilayotganini mamnuniyat bilan ta’kidlash lozim. Ayniqsa, bu tizimning
6 O'zbekiston Respublikasi Prezidenti I.A.Karimovning 2011 yilning asosiy yakunlari va 2012 yilda O'zbekistonni ijtimoiy-iqtisodiy rivojlantirishning ustuvor yo'nalishlariga bag'ishlangan O'zbekiston Respublikasining Vazirlar Mahkamasining majlisidagi «2012 yil Vatanimiz taraqqiyotini yangi bosqichga ko'taradigan yil bo'ladi» mavzusidagi ma'ruzasini o'rganish bo'yicha o'quv qo'llanma. – T.: «O`qituvchi» NMIU, 2012. – 132-6etlar. 26
yuqori bosqichi bo‘lgan Universiada musobaqalari yoshlarimiz uchun tom ma’noda chiniqish va kamolot maktabiga aylangani e’tiborlidir. O‘tkazilgan so‘rovlarga ko‘ra, ayni paytda O‘zbekistonda aholining 50 foiziga yaqini o‘zini o‘rta toifaga mansub deb biladi. Holbuki, 2000 yilda atigi 24 foiz aholi o‘zini shu toifaga mansub deb bilar edi. Shuni unutmaslik kerakki, o‘rta sinf ulushining yuqoriligi fuqarolik jamiyatini shakllantirishning zamini va asosi, davlatning barqarorligi va mustahkamligining, odamlarning o‘z kelajagiga bo‘lgan ishonchning muhim omili sifatida qabul qilinadi. O‘zbekistonda amalga oishirilayotgan islohotlar muvaffaqiyati, aholi turmush darajasi va hayot sifatini oshirish bo‘yicha erishilgan yutuqlar yetakchi xalqaro tashkilotlar hamda ekspertlar hamjamiyati tomonidan e’tibor etilib, xolisona baholanmoqda. 2012 yilda Buyuk Britaniyaning xalqaro miqyosda tan olingan Legatum instituti o‘zining Farovonlik va rivojlanish indeksida O‘zbekistonni dunyo mamlakatlari orasida haqli ravishda 64-o‘ringa kiritgani e’tiborga loyiqdir. Ijtimoiy farovonlik, jumladan, umr ko‘rish davomiyligi, oilalarning tinchligi va osoyishtaligi, ishsizlik darajasining pastligi, ijtimoiy infratuzilmadan foydalanish darajasi ham O‘zbekiston jahon hamjamiyatida o‘zgalar havas qiladigan o‘rinni mustahkam egallab turibdi. Har yili davlat byudjetining qariyb 60 foizi sog‘liqni saqlash, ta’lim, kommunal xo‘jalik va aholini ijtimoiy muhofaza qilish bilan bog‘liq boshqa sohalarni rivojlantirish uchun yo‘naltirilmoqda. Yurtimizda odamlarning o‘rtacha umr ko‘rish darajasi 67 yoshdan 73 yoshga yetdi, onalar o‘limi 3,1 barobardan ziyod, bolalar o‘limi esa 3,2 barobar kamaydi. Ta’kidlash kerakki, erishgan ana shunday barcha yutuqlarimizning zamirida avvalo millionlab yurtdoshlarimizning kundalik fidokorona mehnati, o‘z umrini o‘tab bo‘lgan boshqaruv va xo‘jalik yuritish tizimidan voz kechilgani,
27
mamlakatimizni tubdan isloh etish va modernizatsiya qilishning har tomonlama chuqur o‘ylangan dasturi mujassamdir 7 . Aholining har bir a’zosi turmush sharoitlarini oshirish, bilim olish imkoniyatlarini kengaytirish, salomatligini mustahkamlash, ishchi kuchi sifatida ijtimoiy foydali mehnatda ishtirok etish salohiyatini yuksaltirish davlatimiz ijtimoiy siyosatining ustuvor yo‘nalishlaridan hisoblanadi. Shu ma’noda, aholi muhofazasini ta’minlashdagi birinchi va asosiy vazifa ham insonni kamol toptirish, uning oila va jamiyatdagi o‘rni hamda nufuzini ko‘tarish bilan bog‘liq. Binobarin, jamiyatning insonparvarligi mamlakat iqtisodiy salohiyatining qanchalik yuksakligi bilangina emas, balki bu salohiyat har bir kishining farovon yashashi va har tomonlama rivojlanishi uchun yo‘naltirilgani bilan ham baholanadi.
Download 0.61 Mb. Do'stlaringiz bilan baham: 
|