O’zbekiston respublikasi oliy va o`rta maxsus ta`lim vazirligi

Mashg`ulotdan ko’zlangan maqsad:
1. Ta’limiy- talabalarda ta’lim mazmuni va uni aks ettiruvchi hujjatlar haqida to’liq tasavvur hosil qilish. Mutaxassislik bo’yicha DTSni mazmunini, mohiyatini o’rgatish.
2. Tarbiyaviy-ta’lim mazmuni asosida o’quvchilarga tarbiya ham berish lozimligini o’rgatish.

3. Rivojlantiruvchi-talabalarni pedagogik me’yoriy hujjatlar ustida ishlashga o’rgatish.

MAShG`ULOTNING BORIShI:


1. Ta’lim mazmuni tushunchasi. Mutaxassislik fani bo’yicha o’quv reja, dastur va darsliklar bilan tanishish, ularni tahlil etish.
. Ta’lim mazmunini tanlasning “Moddiy ta’lim nazariyasi va “Formal ta’lim nazariyasi” mohiyatlarini o`rganib, munosabat bildiring.
Har bir fakultet talabalari o’z mutaxassisliklari bo’yicha o’rta ta’lim uchun o’quv rejasi, biron sinf uchun o’quv fani dasturi va darsligini olib ularning tuzilishi, mazmuni asosiy bo’limlari bilan tanishib chiqishadi. Ular haqida o’z fikrlarini qisqacha bayon etib berishadi. Bu hujjatlar haqida dastlabki tasavvurga ega bo’lishadi.
Yodlab oling!

2. Mutaxassislik bo’yicha umumiy o’rta ta’lim DTSni o’rganib, fan bo’yicha kalendar reja tuzishni mashq qilish. Dastlab “Ta’lim to’g`risida”gi Qonunning 7-moddasidagi «Davlat ta’lim standartlari» o’rganiladi. Unga ko’ra DTS umumiy o’rta, o’rta maxsus, kasb-hunar va oliy ta’lim mazmuniga hamda sifatiga qo’yiladigan talablarni belgilaydi.
So’ngra 1999 yil o’rta umumta’limning barcha sohalari bo’yicha davlat ta’lim standartlari ishlab chiqilganligi, keyinchalik unga ayrim qo’shimcha va o’zgartirishlar kiritilganligi gapirib o’tiladi. Talabalar o’z mutaxassislik fani bo’yicha davlat ta’lim standartini, shu fan bo’yicha belgilangan haftalik va yillik soatlar mavzularini ko’rib chiqishadi. Shu fan bo’yicha o’zlashtirishi lozim bo’lgan asosiy tushunchalar va egallashi lozim bo’lgan ko’nikmalar haqida ham bilib olishlari lozim. Standart va o’quv reja asosida talabalar o’z sohasining biror sinfi misolida kalendar-tematik reja tuzishni mashq qilishadi. Bunda maktab o’qituvchilari rejalaridan ham namuna sifatida foydalanishlari mumkin.