O’zbekiston respublikasi prezidentining
Download 45.86 Kb. Pdf ko'rish
|
- Bu sahifa navigatsiya:
- O’zbekiston Respublikasi Prezidenti I. KARIMOV
|
O’ZBEKISTON RESPUBLIKASI PREZIDENTINING QARORI
Iqtisodiyotda xususiy mulkning ulushi va ahamiyatini oshirish chora-tadbirlari to‘g‘risida (O’zbekiston Respublikasi qonun hujjatlari to‘plami, 2015 y., 17(1)-son, 216-modda, 51-son, 633-modda) Xorijiy investitsiyalarni jalb etishni kengaytirish, xususiylashtirish jarayonlarini chuqurlashtirish, korxonalarning ustav kapitalidagi davlat ulushi va aktivlarini xususiy investorlarga, birinchi navbatda, xorijiy investorlarga sotish hisobidan respublika iqtisodiyotida xususiy mulkning darajasi va rolini tubdan oshirish va shu asosda ishlab chiqarishni modernizatsiyalash hamda texnologik yangilashni ta’minlash, ichki va tashqi bozorlarda raqobatdosh mahsulotlar chiqarishni tashkillashtirish maqsadida: 1. O’zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi, Iqtisodiyot vazirligi, Moliya vazirligi manfaatdor vazirliklar va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda korxonalarning ustav jamg‘armalaridagi davlat ulushlari va aktivlarining mavjudligi, davlat mulki bo‘lgan bo‘sh turgan va qurilishi tugallanmagan ob’ektlar bo‘yicha tanqidiy tahlil o‘tkazilganligi va shuning negizida real iqtisodiyotning tarmoq va sohalarida davlat ishtirokini tubdan qisqartirish takliflari ishlab chiqilganligi ma’lumot uchun qabul qilinsin. 2. Quyidagilar: davlat va xo‘jalik boshqaruvi organlarining ulushlari strategik xorijiy investorlarga sotilishi lozim bo‘lgan aksiyadorlik jamiyatlari ro‘yxati 1-ilovaga * muvofiq; ishlab chiqarishni yanada modernizatsiyalash, texnik qayta jihozlash, raqobatdosh mahsulotlar chiqarishni tashkillashtirish maqsadida oshkora savdolarda xususiy mulk egaligi sharti bilan xo‘jalik boshqaruvi organlarining davlat aktivlari va ulushlari, birinchi navbatda xorijiy investorlarga sotilishi lozim bo‘lgan korxona va xo‘jalik jamiyatlari ro‘yxati 2-ilovaga *
investitsiya majburiyatlarini qabul qilish sharti bilan «nol» qiymatida tanlov asosida sotilishi lozim bo‘lgan davlat mulki ob’ektlari, shu jumladan qurilishi tugallanmagan ob’ektlar ro‘yxati 3-ilovaga * muvofiq; oshkora savdolarda to‘liq xususiy mulk qilib sotiladigan davlat mulkining foydalanilmayotgan ob’ektlari ro‘yxati 4-ilovaga * muvofiq; tugatish yoki bankrot qilish tartibini qo‘llash tashabbusi bilan chiqilgan past rentabelli va faoliyat ko‘rsatmayotgan tashkilotlar ro‘yxati 5- ilovaga * muvofiq; vakil qilingan organlar xulosasi hamda tuman (shahar) hokimliklari qarori bilan buzib tashlanishi lozim bo‘lgan foydalanilmayotgan va qurilishi tugallanmagan davlat mulki ob’ektlari ro‘yxati 6-ilovaga * muvofiq tasdiqlansin. * 1 — 6-ilovalar rus tilidagi matnda berildi 3. O’zbekiston Respublikasi Prezidentining 2015 yil 31 martdagi PQ-2327-sonli qarori bilan tashkil etilgan Aksiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi (R. S. Azimov): bir oy muddat ichida, 1-ilovaga muvofiq strategik xorijiy investorlarga sotilishi lozim bo‘lgan aktivlarni baholash va savdolarga qo‘yish jadvallarini tasdiqlasin; xo‘jalik jamiyatlarining ustav kapitalidagi davlat va xo‘jalik boshqaruvi organlari ulushining bir qismini qo‘shimcha ravishda sotish bo‘yicha muntazam asosda takliflar kiritsin. 4. O’zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi tegishli vazirliklar, idoralar, kompaniyalar, uyushmalar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda, 2- va 4-ilovalarga kiritilgan davlat aktivlarini baholash va savdoga qo‘yish jadvallarini hamda 3-ilovaga kiritilgan ob’ektlarni «nol» qiymatda sotish bo‘yicha tanlovlarni o‘tkazish jadvallarini tasdiqlasin. 5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O’zbekiston Respublikasi Davlat arxitektura va qurilish qo‘mitasi bilan birgalikda bir oy muddatda 6-ilovaga muvofiq davlat mulki ob’ektlarini buzish jadvalini hamda bo‘shayotgan yer uchastkalarini tadbirkorlik sub’ektlariga taqdim etish bo‘yicha belgilangan tartibda tanlovlar o‘tkazish jadvalini tasdiqlasinlar. 6. Shunday tartib o‘rnatilsinki, unga muvofiq: davlat mulki ob’ektlarini yangi mulkdorga topshirish vaqtigacha ularning saqlanishi uchun mazkur ob’ektlar balansida bo‘lgan korxonalar mas’ul hisoblanadi; 3 va 4-ilovalarda ko‘rsatilgan, ijara shartnomasi bo‘yicha o‘zlarining majburiyatlarini tegishli ravishda bajarib kelayotgan davlat mulki ob’ektlarining ijarachilari ijaraga olingan ishlab chiqarish maydonlarini xarid qilishda, shu jumladan tasdiqlangan shartlarda «nol» qiymatida sotib olishda ustun huquqqa egadirlar; davlat unitar korxonalari ayrim hollarda faqat O’zbekiston Respublikasi Hukumatining qaroriga asosan tashkil etilishi mumkin. 2-ilovaga kiritilgan 15 foizdan kamroq xorijiy kapital ishtirokidagi aksiyadorlik jamiyatlarining aksiya paketlari faqat xorijiy investorlarga sotiladi; davlat va xo‘jalik boshqaruvi organlarining ulushi bo‘lgan tijorat tashkilotlari faqat aksiyadorlik jamiyati yoki mas’uliyati cheklangan jamiyat shaklida tashkil etiladi. (6-band O’zbekiston Respublikasi Prezidentining 2015 yil 21 dekabrdagi PQ-2454-sonli qaroriga asosan xatboshilar bilan to‘ldirilgan — O’R QHT, 2015 y., 51-son, 633-modda) 7. O’zbekiston Respublikasi Prezidenti va Vazirlar Mahkamasining ayrim qarorlariga 7- ilovaga
muvofiq o‘zgartishlar kiritilsin. 8. O’zbekiston Respublikasi Xususiylashtirish, monopoliyadan chiqarish va raqobatni rivojlantirish davlat qo‘mitasi, Iqtisodiyot vazirligi hamda Moliya vazirligi Adliya vazirligi va boshqa manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin. 9. Mazkur qarorning ijrosini nazorat qilish O’zbekiston Respublikasining Bosh vaziri Sh.M. Mirziyoyev zimmasiga yuklansin. O’zbekiston Respublikasi Prezidenti I. KARIMOV Toshkent sh., 2015 yil 28 aprel, PQ-2340-son O’zbekiston Respublikasi Prezidentining 2015 yil 28 apreldagi PQ-2340-sonli qaroriga 7-ILOVA
1. O’zbekiston Respublikasi Prezidentining «2005-2006 yillarda korxonalarni davlat tasarrufidan chiqarish va xususiylashtirish dasturi to‘g‘risida» 2005 yil 14 martdagi PQ-29-sonli qarori 5-bandining beshinchi xatboshi quyidagi tahrirda bayon etilsin: «xo‘jalik boshqaruvi organlari o‘zlarining ustav kapitaliga topshirilgan aksiyalar (ulushlar)ning davlat paketlarini ajratishni faqat Kuzatuv kengashi yoki xo‘jalik boshqaruvi organlari aksiyadorlarining umumiy yig‘ilishi qaroriga binoan yoki O’zbekiston Respublikasi Moliya vazirligi bilan kelishgan holda amalga oshiradilar, olingan pul mablag‘larini esa yangi korxonalar barpo etish, ishlab turgan korxonalarni modernizatsiyalash va texnikaviy qayta jihozlash bo‘yicha loyihalarni investitsiya bilan ta’minlashga yo‘naltiradilar.». 2. O’zbekiston Respublikasi Prezidentining «Ulgurji savdo korxonalari uyushmasi faoliyatini tashkil etish to‘g‘risida» 2006 yil 6 martdagi PQ-300-sonli qarorining 5-bandidagi «Toshkent shahar, Navoiy ko‘chasi, 25-uydagi tugatilayotgan «O’zbeksavdo» AJ» so‘zlari «Toshkent shahar, Beruniy ko‘chasi, 41-uydagi «Xalq iste’moli tovarlarining ko‘rgazma- yarmarka savdosi Respublika markazi» AJ» so‘zlari bilan almashtirilsin. 3. O’zbekiston Respublikasi Prezidentining «2006 — 2008 yillarda davlat tasarrufidan chiqarish va xususiylashtirish jarayonlarini chuqurlashtirish to‘g‘risida» 2006 yil 10 iyuldagi PQ-407-sonli qarori
4-ilovasining 14 pozitsiyasi o‘z kuchini yo‘qotgan deb hisoblansin. 4. O’zbekiston Respublikasi Prezidentining «Ba’zi respublika komissiyalari va kengashlari tarkiblari hamda ularning faoliyatini tashkil etish masalalari to‘g‘risida» 2006 yil 21 iyuldagi PQ-423-sonli qarori 4-ilovasining 4-bandi quyidagi mazmundagi o‘n beshinchi xatboshi bilan to‘ldirilsin: «ob’ektlarni bir ro‘yxatdan boshqa ro‘yxatga o‘tkazish, investitsiyaviy va ijtimoiy majburiyatlar shartlarini, sotish usullarini, jumladan «nulinchi» xarid qiymati bo‘yicha va to‘g‘ridan-to‘g‘ri oldi-sotdi shartnomalari bo‘yicha sotish usullarini o‘zgartirish orqali O’zbekiston Respublikasi Prezidenti va Vazirlar Mahkamasining qarorlari bilan tasdiqlangan xususiylashtirish dasturlariga kiritilgan xususiylashtiriladigan davlat mulki ob’ektlari (aksiyalari, ulushlari) ro‘yxatlariga o‘zgartishlar kiritish». O’n beshinchi — yigirmanchi xatboshilar o‘n oltinchi — yigirma birinchi xatboshilar deb hisoblansin. 5. O’zbekiston Respublikasi Prezidentining «Fond bozorini yanada rivojlantirish chora- tadbirlari to‘g‘risida» 2012 yil 19 martdagi PQ-1727- sonli qarorida: 1-bandining uchinchi xatboshidagi «2013» raqami «2016» raqami bilan almashtirilsin; 6-bandida: birinchi xatboshidagi «2015» raqami «2018» raqami bilan almashtirilsin; ikkinchi xatboshidagi «to‘lovlari (boj yig‘imlaridan tashqari)» so‘zlari «to‘lovlaridan (bojxona hujjatlarini rasmiylashtirish yig‘imlaridan tashqari)» so‘zlari bilan almashtirilsin. 6. O’zbekiston Respublikasi Prezidentining «2012 — 2013 yillarda davlat mulkini xususiylashtirish Dasturi to‘g‘risida» 2012 yil 25 apreldagi PQ-1743-sonli qarorining 1-bandi va 1, 2-ilovalari o‘z kuchini yo‘qotgan deb hisoblansin. 7. O’zbekiston Respublikasi Prezidentining «Davlat mulki ob’ektlarini kichik biznes va xususiy tadbirkorlik sub’ektlariga sotish borasidagi qo‘shimcha chora-tadbirlar to‘g‘risida» 2014 yil 3 iyuldagi PQ-2200-sonli qarorida
: a) quyidagi mazmundagi 6 1 -bandi bilan to‘ldirilsin: «6 1 . Shunday tartib o‘rnatilsinki, unga muvofiq: xususiylashtirilgan korxonalarda xususiylashtirish vaqtida aniqlanmagan davlat aktivlari, jumladan ko‘chirib bo‘ladigan va ko‘chmas mulk, mazkur korxonaning (ularning huquqiy vorislarining) mulki hisoblanadi, Qonunga muvofiq xususiylashtirish mumkin bo‘lmagan ob’ektlar bundan mustasno; xususiylashtirish vaqtida tasarruf etmasdan foydalanishga berilgan korxona hududida joylashgan ko‘chirib bo‘ladigan va ko‘chmas mulk mazkur korxonaning (ularning huquqiy vorislarining) mulki hisoblanadi, Qonunga muvofiq xususiylashtirish mumkin bo‘lmagan ob’ektlar bundan mustasno; mas’uliyati cheklangan jamiyatlar yagona ta’sischi sifatida bitta aksiyadordan iborat aksiyadorlik jamiyatlariga ega bo‘lishlari mumkin; b) 6-ilovaning 3
va 4-bandlari quyidagi tahrirda bayon etilsin: «3. Oshkora savdolarda davlat aktivlarini sotib olishga ikki oy mobaynida talabnoma tushmagan taqdirda, ularni dastlab qo‘yilgan narxni qadam-baqadam pasaytirib borish mexanizmini qo‘llagan holda sotish amalga oshiriladi va bu qadam quyidagilar bo‘yicha har 15 kunda dastlab qo‘yilgan narxning 10 foizini tashkil qiladi: ko‘chmas mulk ob’ektlari bo‘yicha — dastlab qo‘yilgan narxdan 50 foizgacha, ammo ularning narxlash kunigacha qoldiq qiymatidan kam bo‘lmasligi lozim; aksiyalar va ulushlar bo‘yicha — dastlab qo‘yilgan narxdan 50 foizgacha, davlat mulkini xorijiy investorlarga sotishda tender savdolarini o‘tkazish bo‘yicha Davlat komissiyasining qaroriga muvofiq qo‘yilgan narxni keyinchalik foydalanish imkoniyati bilan qadam-baqadam pasaytirib borish mexanizmini qo‘llash mumkin. Bunda aksiyalar va ulushlarning boshlang‘ich narxini umumiy pasaytirish ularning nominal qiymatidan past bo‘lmagan miqdorgacha amalga oshirilishi mumkin. 4. Davlat ko‘chmas mulk ob’ektlari dastlab qo‘yilgan narxning 50 foizigacha pasaytirilgandan so‘ng bir oy mobaynida oshkora savdolarda sotilmay qolgan hollarda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari takliflari asosida investitsiya majburiyatlarini qabul qilish va yangi ish o‘rinlari yaratish sharti bilan «nulinchi» xarid qiymati bo‘yicha sotilishi mumkin yoki qonun hujjatlarida belgilangan tartibda konservatsiyalab qo‘yiladi yoxud buzib tashlanib, bo‘shagan yer uchastkalari zaxira yerlar toifasiga o‘tkaziladi.». Download 45.86 Kb. Do'stlaringiz bilan baham: 
|