O‘zbekiston Respublikasi Qurilish va uy-joy kommunal xo‘jaligi vazirligi

O‘zbekiston Respublikasi Oliy Ta’lim, Fan va innovatsiyalar vazirligi
O‘zbekiston Respublikasi Qurilish va uy-joy kommunal xo‘jaligi vazirligi
Samarqand viloyati hokimligi
Mirzo Ulug‘bek nomidagi Samarqand davlat arxitektura-qurilish universiteti


AXBOROT XATI
Hurmatli hamkasblar!
“Barqaror arxitektura-buguni va kelajagining yutuq va muammolari” mavzusidagi xalqaro ilmiy-amaliy konferensiyaning tashkiliy qo‘mitasi Sizni 2023 yil 18-19 may kunlari Mirzo Ulug‘bek nomidagi Samarqand davlat arxitektura-qurilish universitetida bo‘lib o‘tadigan konferensiyada ishtirok etishga taklif etadi.
Anjumanda arxitektura va uning tarmoq sohalarida faoliyat ko‘rsatayotgan ishlab chiqarishdagi mutaxassislar, professor-o‘qituvchilar, doktorantlar, yosh olimlar, magistrantlar va iqtidorli talabalar o‘zlari bajarayotgan va amalga tadbiq etilishi kutilayotgan innovatsion ishlanmalari, kashfiyotlari, ixtirolari hamda yangi ilg‘or g‘oyalarni o‘zida mujassam etgan maqola, ma’ruza va tezislari bilan ishtirok etishlari mumkin.
Konferensiyaning ilmiy-amaliy sho‘balari:

• 
  arxitekturada va qurilish soxasida barqaror energiyadan foydalanish muammolari;
  
• 
  shaharsozlik ekologiyasi muammolari va ularning zamonaviy echimlari;
  
• 
  tarixiy shaharlar markazi va hududini qayta tiklashda energotejamkor binolarni qurish muammolari;
  
• 
  qayta tiklanuvchi energiyani qurilish amaliyotiga tadbiq qilish muammolari;
  
• 
  landshaft arxitekturasining amaliy muammolarini echish;
  
• 
  bog‘-park qurilishi va bog‘-parklarni modernizatsiyalash sohasidagi innovatsion yondoshuvlar;
  
• 
  xorijiy davlatlarda barqaror arxitektura sohasida erishilgan ilg‘or tajribalar va yutuqlar;
  
• 
  qurilish, kommunikatsion tizimlar va avtomobil yollari qurilishidagi muammo va zamonaviy echimlar