65
Гастростомиянинг қатор усуллари Басов, Витцель, Топровер, Штамм-Кадер, Ютхин
ва бошқалар томонидан ишлаб чиқилган.
Гастростомия- найсимон тешик (Витцел бўйича). Ўрта чизиқдан чапроқда
параректал кесма билан қорин бўшлиғи очилади. Ошқозоннинг олдинги девори чиқарилиб
олинади. Ошқозон ўқи бўйлаб катта ва кичик эгриликлар орасидаги масофанинг ўртасида
резина найча шундай хисоб билан ѐтқизиладики, бунда найчанинг ошқозон ичига
тушириладиган охири унинг кардия қисмига яқин жойлашиши керак.
Ошқозоннинг сероз ва мускул пардалари найчанинг икки ѐнида тугунчали чоклар
билан шундай тикилиши керакки, яъни чокларни боғлаганда найча 4-5 см масофада ошқозон
девори билан ѐпилсин.
Ошқозоннинг кесилиши мўлжалланган жойи атрофида, найчанинг охирида орган
деворига халтача чок қўйилиб, ипларнинг учи боғланмай қолдирилади. Ошқозон девори
найча охири ѐнбошларида иккита пинцет билан конус шаклида бир оз кўтарилади ва
скальпель учи билан тешик хосил қилинади, у ерга (ошқозон бўшлиғига) найчанинг охири
киритилади, халтача чок тортилади ва боғланади. Илгари қўйилган чокларни ботирадиган
иккинчи қатор серо-сероз чоклар қўйилади.
Париетал-қорин парда қирғоқлари тугунчали чоклар билан дистал охири ташқарига
чиқарилган найчанинг атрофида ошқозонга тикиб қўйилади. Қорин пардадаги кесманинг
қолган қисми жарохатнинг юқори ва пастки бурчакларида найча атрофида узлуксиз чоклар
билан тикилади, сўнгра қорин тўғри мускулининг олдинги деворига тугунчали ипак чоклар
қўйилади. Тери ва тери ости клечаткаси қаватма- қават тикилади.
Do'stlaringiz bilan baham: 
