O‘zbеkistоn rеspublikаsi sog‘liqni saqlash vazirligi аbu аli ibn sinо nоmidаgi buхоrо dаvlаt tibbiyot instituti anatomiya, klinik anatomiya (oxta) kafedrasi

Buyrak  parenximasini  kesish  —  nefrotomiya  (nephrotomiya)  K  o‘  r  s  a  t  m  a  l  a  r  : 
buyrak  karbunkuli,  gidro-  va  pielonefroz,  korall  toshlar  va  organ  parenximasida  kichkina 
toshlarning ko‘p bo‘lishi. 
Fedorov  bo‘yicha  ochishda  kesma  XII  qovurg‘a  bilan  orqani  to‘g‘ri  ushlaydigan  muskul 
oralig‘idagi  burchak  cho‘qqisidan,  umurtqalarning  bigizsimon    o‘siqlaridan  7—8  sm  tashqarida 
boshlanadi  va  pastga    qiyshiq  yo‘naladi;  yonbosh  suyak  qirrasiga  etmasdan  turib  kesma 
ko‘ndalangiga kindik tomonga yo‘naltiriladi. 
Teri,  teri  osti  kletchatkasi  va  yuza  fasstiya  kesiladi.  So‘ngra  qorin  pardani 
jarohatlantirmaslikka xarakat qilib, qorinning ichki  qiyshiq va ko‘ndalang muskullari kesiladi va 
jaroxatning orqa bo‘limida qorin parda orti yog‘  kletchatkasiga teshib kiriladi.  Doka sochiqcha 
yordamida  tumtoq  yo‘l  bilan qorin xaltasi  ko‘chiriladi va oldinga itariladi. Jaroxatning vertikal 
bo‘limida yopiq anatomik pinstetlar  bilan qorin parda  orti  yog‘ kletchatkasi so‘riladi, buyrak orti 
fasstiyasi  kesiladi  va  so‘ngra  paranefral  yog’  kletchatkasi  siljitilib,  buyrakning  orqa  yuzasi 
ochiladi.  Ikkala  qo‘lning  ko‘rsatkich  barmoqlari  bilan    buyrak    to‘qimadan    ajratiladi  va  u 
jaroxatga chiqariladi. 
Operastiyaning  o‘zi  shundan  iboratki,  bunda  buyrak  parenximasi  uning  qavarib  chiqqan  
qirg‘ogi  o‘rtasidan  1  sm  orkada  bo’ylamasiga  kesiladi  va  tegishli  manipulyastiya  (toshlarni  olib 
tashlash,  karbunkulni  kesib  ochish)  tugatilgandan  so‘ng  organ  to‘qimasi  ketgut  choklar  bilan 
tikiladi. Jaroxat qavatma-qavat tikiladi, rezina drenaj ko‘yiladi.