O’zbekiston respublikasi sog’liqni saqlash vazirligi tibbiy ta’limni rivojlantirish markazi toshkent pediatriya tibbiyot instituti

qizarish"  (erithema  neonatorum)  deyiladi,  odatda  bu  1-2  kun  davomida 

saqlanadi.  Chala  tug’ilgan  bolalarda  bu  fiziologik  qizarishlik  ko’proq  intensiv 

bo’lib,  uzoq  vaqt  davom  etadi.  Fiziologik  qizarishlik  teri  muguz  qavatining 

plastinkasimon  yoki  kepaksimon  ko’rinishga  ega  bo’lgan  po’st  tashlashi  bilan 

almashinadi. 

80%  chaqaloqlarda  hayotining  2-3  kunlarida  terining,  skleraning,  shilliq 

pardalarining  sarg’ayishi  kuzatiladi,  bunga  fiziologik  sarg’ayish  (icterus 

neonatorum) deyiladi. Sarg’ayish darajasi biroz sarg’ayishdan (subikterichnost), to 

to’q sariq ranggacha bo’lishi mumkin. Sariqlik ikki-uch kunda o’zining eng yuqori 

darajasiga yetib, so’ngra asta-sekin rangsizlana boshlaydi va 7-10 kunda butunlay 

yo’qoladi.  Ayrim  xollarda  terining  sariqligi  3-4  haftagacha  davom  etadi,  ammo 

axlat va siydikning rangi o’zgarmaydi. Chala tug’ilgan, gipotrofik bolalarda, kasal 

ayollardan  tug’ilgan  bolalarda  sariqlik  juda  yaqqol  rivojlanib,  6-8  haftagacha 

davom  etishi  mumkin.  Bu  holatning  zaminida  eritrotsitlarning  gemolizi  yotib,  bu 

o’z  navbatida  bilirubinemiyaga  (qonda  bilirubinning  ko’payishiga)  olib  keladi. 

Yangi  tug’ilgan  chaqaloqlarda  bu  belgilarni  kelib  chiqishi  jigarning  yaxshi 

rivojlanmaganligi  bilan  tushuntiriladi.  Terini  o’tkinchi  sarg’ayishini  kelib 

---

 

13 

 

chiqishida ona suti ta’siri ham sabab bo’lishi mumkin degan fikrlar mavjud. Uzoq 

davom etgan sarg’ayish qo’shimcha laborator tekshiruvni talab etadi.