O‘zbekiston respublikasi sportni rivojlantirish vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

O‘z o‘yingni top 
Bolalar tarbiyachi yordamida o‘zlariga uy tanlaydilar (skameyka, еrga 
chizilgan doirachalar). Bir uychada 2-3 bola bo‘lishi mumkin. Tarbiyachi signal 
berishi bilan bolalar o‘z uychalaridan chiqib, maydonchada kapalak tutishadi (o‘z 
oldilarida va oyoqlari orasidan chapak chaladilar, quyonlarni (ikki oyoqda 
sakraydilar), samolyotlarni) qo‘llarini yonga uzatgan holda chopadilar, (qushlarni) 
qanot qoqishib uchadilar) tasvirlab harakat qilib o‘ynaydilar... Tarbiyachining: 
“O‘z uyingni top!” deyishi bilan o‘z uylariga (xatosiz bajarishlari kerak) kirib 
oladilar. 
KO‘RSATMALAR. O‘yin oldidan tarbiyachi uy o‘rniga skameyka (stul) 
yoki bo‘r bilan doirachalar chizib qo‘yadi. Hamma bolalar o‘z inlariga borib 
turadilar. Juda diqqat bilan o‘z uylarini bilib olishlarini tarbiyachi uqtiradi.
Baraban 
Tarbiyachi doira hosil qilib turishni taklif qiladi. Bolalardan birini chaqirib, 
chiroyli barabanni mana shu so‘zlar bilan beradi. 
Tabriklashdi Sobirga, (Vovaga, Olyaga), 
 
Yangi baraban. 
 
Shunday chiroyli, 

---

30 
 
Yangi baraban, 
 
Qanday yaxshi baraban!, - deydi.
Sobir, (Vova, Olya..) barabanni qattiq uradi. Bolalar tarbiyachining 
ko‘rsatmasi bilan orqaga tisariladilar. Bundan keyin barabanni sekin uradi. Shunda 
hamma bolalar unga yaqinlashib keladilar. Tarbiyachi ham bolalar bilan hamma 
harakatlarni bajarib boradi. Baraban boshqa bolaga beriladi. O‘yin yana qaytadan 
boshlanadi.
O‘YIN MAQSADI. O‘yin qoidasini o‘z vaqtida va chaqqonlik bilan bajarish 
ko‘nikmalarini o‘stirish. 
Ona tovuq 
Tarbiyachi “Ona tovuq” rolini bajaradi. Jo‘jalarni o‘ynovchi bolalar soniga 
qarab bo‘linadi. Bolalardan kattarog‘i mushuk qilib tayinlanadi. Mushuk xona 
(maydoncha)ning bir burchagida stulchada o‘tiradi. Ona tovuq va jo‘jalar esa xona 
(maydoncha) bo‘ylab sayr qilib yuradilar. Don, non o‘shoqlarini cho‘qiydilar, 
tovuqning “qu-qu”, “qu-qu” deyishi bilan jo‘jalar uning yoniga chopib keladilar. 
Keyin tarbiyachi (ona tovuq) yurib, shu iboralarni aytadi: 
Ona tovuq sayrga,
 
Jo‘jalari bilan chiqdi. 
 
Qo-qo, deb ularga, 
 
Ketib qolmanglar dedi. 
Mushuk yaqinlashib: 
Yo‘l bo‘yida supada,
 
Mushukcha mudramoqda, 
 
Shu choq ko‘zin ochadi,
 
Jo‘jalarni tutadi. 
Shundan keyin mushuk ko‘zini ochadi, keriladi va miyovlaydi. Joyidan turib 
bolalarni quvlay ketadi. Jo‘jalar uylariga (belgilangan joyga) yugurib ketadilar. 
Ona tovuq (tarbiyachi) har tomonga qanot qoqib (qo‘llarini silkitadi), jo‘jalarini 
himoya qiladi va shunday deydi: “Ket mushuk! Jo‘jalarimni senga bermayman!”. 
O‘YIN MAQSADI. Bolalarning kuzatuvchanliklarini o‘stirish... o‘yinni 
takrorlaganda ona tovuq rolini bolalardan biri bajarishi, tarbiyachi esa jo‘jalar bilan 
o‘ynab, bolalarning harakatlarini kuzatib boradi. Qo‘lga tushgan jo‘ja, aksincha, 
mushuk rolini bajarishi mumkin.