O‘zbekiston respublikasi tijorat banklarida buxgalteriya hisobining hisobvaraqlar rejasiga o‘zgartirish va qo‘shimchalar kiritish to‘G‘risida

23112 Ishlamaydigan pensionyerlarning pensiyalari bo‘yicha jismoniy shaxslarning
plastik kartalariga o‘tkazilishi lozim bo‘lgan mablag‘lar bo‘yicha tranzit hisobvaraqlar
Hisobvaraqning  ta’rifi:  davlat  budjeti  va  budjetdan  tashqari  jamg‘armalarning
mablag‘lari  hisobiga  pensiyalar  bo‘yicha  belgilangan  tartibda  o‘tkaziladigan  hamda
ishlamaydigan pensionyerlarning  plastik kartalariga  o‘tkaziladigan  pul mablag‘lari  hisobi olib
boriladi.
Hisobvaraqning  kreditida  davlat  budjeti  va  budjetdan  tashqari  jamg‘armalarning
mablag‘lari  hisobiga  pensiya  fondi  (ijtimoiy  ta’minot)  tegishli  bo‘limining  hisobvaraqlaridan
o‘tkazilgan pul mablag‘lari summasi aks ettiriladi.
Hisobvaraqning debetida 22618 — “Jismoniy shaxslarning plastik kartochkalari bo‘yicha
majburiyatlar”  jismoniy  shaxslarning  plastik  kartalari  hisobvaraqlariga  o‘tkazilgan  pul
mablag‘lari summasi aks ettiriladi.
Tahliliy hisob alohida shaxsiy hisobvaraqlarda olib boriladi.