Tajribalar o‘tkazish, fizik kattaliklarni o‘lchash va xulosalar chiqarish kompetensiyasi:
A1
konveksiya hodisasini, issiqlik o‘tkazuvchanlikni, jismlarning elektrlanishini, oddiy elektr zanjiri tuzishni, yorug‘likning qaytishini, sinishini, kamerton yordamida tovush hosil qilishni biladi, richagning muvozanatda bo‘lish sharti, termometr yordamida havo va suyuqlik temperaturasini, yassi ko‘zgu yordamida yorug‘likning qaytishini, shisha prizma yordamida yorug‘likning spektrga ajralishini tajriba o‘tkazish orqali tushunadi va xulosalar chiqaradi.
A1+
topshiriqlarni bajaradi, tegishli fizik kattaliklarni o‘lchaydi, natijalarini jadval ko‘rinishda yozadi va xulosalar chiqarib umumlashtiradi.
Fizik bilimlar va asboblardan amaliyotda foydalana olish kompetensiyasi:
A1
oddiy mexanizmlar blok, chig‘iriq, pona, vint va qiya tekislikdan, xona va inson temperaturasini o‘lchaydigan termometr, elektrometr, yorug‘likning sun’iy manbalaridan (lampochka, sham, gulxan alangasi), tovush qabul qilgichlardan (mikrofon), xonadondagi elektr asboblaridan amaliyotda tejamkorlik bilan xavfsizlik qoidalariga rioya qilgan holda foydalana oladi va linzaning optik kuchiga doir masalalar yecha oladi.
A1+
fizik hodisalarga doir masalalar yechadi va o‘lchov asboblaridan amaliyotda, kundalik turmushda foydalana oladi.
O‘quvchilarda shakllangan tayanch kompetensiyalar elementlari:
Kommunikativ kompetensiya:
A1
darslikda keltirilgan fizik atamalarni, qonunlarni, qoidalarni og‘zaki va yozma tarzda aniq tushunarli bayon qila oladi;
fizik kattaliklarning xorijiy tilda aytilishi va yozilishini biladi va guruhlarda o‘zaro kelishuv asosida ishlay oladi.
A1+
savollarni mantiqan to‘g‘ri qo‘ya oladi va himoya qila oladi.
Axborot bilan ishlash kompetensiyasi:
A1
turli axborot manbalaridan kerakli ma’lumotlarni mustaqil ravishda izlab topa olish va ulardan foydalanish, axborot xavfsizligi qoidalarini bilish va rioya qila olish.
Do'stlaringiz bilan baham: |
