- 32-modda. Jismoniy shaxslar
O'zbekiston Respublikasining fuqarolari, chet davlatlarning fuqarolari, shuningdek fuqaroligi bo'lmagan shaxslar jismoniy shaxslar deb e'tirof etiladi. Jismoniy shaxslar yashash joyi bo'yicha O'zbekiston Respublikasi qonun hujjatlarida belgilangan tartibda ro'yxatdan o'tgan manzil jismoniy shaxsning yashash joyi deb e'tirof etiladi. Agar O'zbekiston Respublikasi hududida jismoniy shaxsning yashash joyi mavjud bo'lmasa, ushbu Kodeksning maqsadlari uchun yashash joyi ushbu shaxsning iltimosiga ko'ra, uning turgan joyi bo'yicha belgilanadi. Bunda jismoniy shaxs qaysi vaqtincha yashayotgan manziliga ko'ra O'zbekiston Respublikasining qonun hujjatlarida belgilangan tartibda turgan joyi bo'yicha ro'yxatdan o'tkazilgan bo'lsa, o'sha joy jismoniy shaxs turgan joy deb e'tirof etiladi.
Do'stlaringiz bilan baham: |
