O‘zbekning o‘zligi ifodasi bo‘lgan milliy ismlar - Annotatsiya: Ushbu maqolada litosonimlar (qimmatbaho tosh nomlari) asosida antroponim(kishi ismlari)larining yuzaga kelishi va bu kabi ismlarni qo’yishdan ko’zlangan asosiy maqsad bayon qilingan.
- Inson yaratilibdiki, kimnidir yoki nimanidir nomlashga ehtiyoj sezadi. Shaxslarga qo‘yilajak ismlar ushbu shaxsning xarakteriga ham ma’lum bir ma’noda ta’sir qiladi. Har qanday ism o‘z ichki ma’no-mazmuniga ega bo‘ladi.
- Taniqli tilshunos V.A.Nikonovning aytishicha: “bir - biridan ajralmas amaliy va nazariy vazifalarning mavjudligi bilan antroponomika baxtlidir”[1]. Shuning uchun ham antroponimlarga qiziqish, uni o‘rganish qadimiy tarixga ega.Yuz yillar davomida qator antroponomik tadqiqotlar yaratildi. Natijada kishi ismlarini o‘rganuvchi fan antroponomika vujudga keldi. O‘zbek tilshunosligida N.A.Baskakov, T.Jonuzoqov, R. Qo‘ng‘urov, J.Muxtorov, E.Begmatov, D.Abduraxmonov, E.Qilichev, I.Xudoynazarov va boshqalar ilmiy tadqiqot olib borganlar. Jumladan, O‘zbek onomastikasi rivojlanishida Ernst Begmatovning xizmatlari katta.
Do'stlaringiz bilan baham: |
