Өзбекстан республикасы жоқары ҳӘм орта арнаўлы билимлендириў министирлиги

Pitkeriw qa`niygelik jumi’si’ni’n` u`yrenilgenlik da`rejesi: Bul jumi’s boyi’nsha B.Xasanov, M.Hamidovti’n`<sup>1</sup> «Basqari’w ha`m finansli’q buxgalteriya yesabi’ni’n` sali’sti’rmali’ ta`repleri» degen ilimiy maqalasi’nda finansli’q yesabatti’ ju`rgiziw, olardi’n` mazmuni’, elementleri, finansli’q na`tiyjelerine ken`irek toqtap o`tken. Q. Urazov<sup>2</sup> «Buxgalteriya yesabi’ schyotlar rejesi: mashqalalar ha`m sheshimler» atli’ ilimiy maqalasi’nda buxgalteriya yesabi’ schyotlar rejesine wo`zgerisler kirgiziliwin ha`m usi’ wo`zgerisler arqali’ finansli’q yesap ha`m basqari’w buxgalteriya yesabi’ ushi’n mo`lsherlengen schetlar boyi’nsha ja`mlengen mag`li’wmatlar buxgalteriya balansi’ ha`m finansli’q yesabatti’n` basqa formalari’n tolti’ri’wg`a imka`niyat beretug`i’nli’g`i’n atap o`tken. Sonday-aq Sh. Qudbiev³ tin` «Ka`rxanalarda finansli’q yesabatti’ qa`liplestiriw» atli’ ilimiy maqalasi’nda da finansli’q yesapti’ ju`rgiziw ma`selelerine toqtap o`tken. Abdikarimov⁴ti’n` «Moliyaviy hisobot: wqish va tahlil qilish» ilimiy kitabi’nda toli’q ha`m ani’q aydi’n finansli’q yesabat ko`rsetkishlerine toqtap o`tken.
Pitkeriw qa`niygelik jumi’si’ni’n` maqseti ha`m wazi’ypalari’. Yesabat du`ziwde ushi’rasatug`i’n mashqalalardi’ analizlep, woni’ jetilistiriw jollari’n tawi’p, buxgalterlerimiz aldi’nda turg`an yesabat mag`li’wmatlari’n tuwri’ sa`wlelendiriw, yesabatlardi’n` duri’s du`ziliwi si’yaqli’ ma`selelerdin` sheshimin tabi’w pitkeriw qa`nigelik jumi’si’ni’n` tiykarg`i’ maqseti boli’p tabi’ladi’.
Usi’ maqsetti amelge asi’ri’w ushi’n pitkeriw qa`niygelik jumi’si’ aldi’na to`mendegi wazi’ypalar qoyi’ladi’.
- finansli’q yesabatti’ ju`rgiziw hu`jjetlerin ani’qlaw ha`m wolarg`a ani’qli’q kirgiziw.
- ka`rxanalarda uli’wma finansli’q xi’zmetlerin bahalaw usi’llari’n jarati’p beriw.
- ka`rxanani’n` finansli’q jag`dayi’ woni’n` ko`rsetkishlerin analizlewden ibarat.
Pitkeriw qa`niygelik jumi’si’ni’n` predmeti ha`m obekti. Pitkeriw qa`niygelik jumi’si’ni’n` predmeti boli’p O`zbekstan Respublikasi’ buxgalteriya yesabi’ni’n` milliy standartlari’ tiykari’nda yesabatlardi’ du`ziwdi jetilistiriw, al obekti boli’p «Xalqabad mami’g`i’» ashi’q akcionerlik ja`miyeti yesaplanadi’.