Өзбекстан Республикасы Жоқары ҳәм орта арнаўлы

Menin` komp`yuterim aynasi

Bul aynani jumis stolindag`i Moy komp`yuter belgisinde, tishqan eki ret shertiw arqali

ashiwg`a boladi. Aynanin` joqarg`i ta`repinde menyu qatari ornalasqan bolip, onda Fayl, Pravka,

Vid, ? menyuleri jaylasqan. Menyu qatari astinda Moy komp`yuter dep jazilg`an papka ati

ko`rsetilgen kishi ayna jaylasqan bolip, onin` on` ta`repinde 6 tu`ymesi ko`rinip turadi. Bul

tu`yme u`stinde tishqandi shertip yamasa tikkeley aynada ko`rinip turg`an ob`ekt u`stinde

tishqandi shertip sol ob`ektte jaylasqan basqa mag`liwmatlardi ko`riwge boladi. Usi dizimnen

kerekli papka u`stinde tishqan shertilse, onda aynanin` tiykarg`i maydaninda usi papkada jaylas-

qan hu`jjetler dizimi payda boladi. Menyu qatarinin` astinda tag`i instrumentler (a`spablar) qatari

jaylasqan bolip, olar to`mendegiler boliwi mu`mkin:

— bir pag`ana joqarig`a o`tiw-aldin`g`i ashilg`an aynag`a o`tiwdi ta`miynleydi;

— kesip aliw-ajiratilg`an fragmenti buferge aladi;

— nusqa aliw-ajiratilg`an fragmentten buferge nusqa aladi;

— qoyiw, jaylastiriw-Buferden kursor turg`an oring`a fragmentti qoyadi;

— son` g`i ko`rsetpeni biykar etiw - en` son`g`i islengen ha`reketti biykarlaydi;

— joq qiliw, o`shiriw-ajiratilg`an fragmentti ekrannan o`shiredi;

— fayllar qa`siyeti -fayllar du`zilisi haqqinda mag`liwmatlar beredi;

—ekranda belgilerdi iriletip; mayda ko`riniste; ob`ektlerdin` dizimin; keste tu`rinde

jaylastiradi.

Bul a`spablardin` kesip aliw, nusqa aliw, nusqa qoyiw, son`g`i ko`rsetpeni biykar

etiw, o`shiriw, qa`siyet a`sbaplari u`stinde ob`ektti ajiratip bolip tishqan shertilgen menen

hesh qanday o`zgeris bolmaydi. Bul a`spablardin` jumis islemeytug`inin Fayl ha`m

Pravka menyusine kirip ko`rgende de baqlawg`a boladi, sebebi bul atamalardag`i

komandalar gu`n`girt tu`ste ko`rinip turadi. Egerde Menin` komp`yuterim aynasindag`i

qa`legen bir diskti tan`lap tishqan eki ret shertilse, sol disktegi papkalar ha`m fayllar

dizimi ekranda shig`adi. Egerde usi dizimler ishinen qa`legen papka yamasa fayl

ajiratilsa, yag`niy sol ob`ekt u`stinde tishqan shertilse, onda Fayl ha`m pravka

menyusinin` komandalari aktivlesedi, yag`niy aynadag`i instrumenterdin` barlig`i jumis

islew mu`mkinshiligine iye boladi.

Bul jerde aytip o`tilgen a`sbaplar keyingi o`tiletug`in programmalardi da qollaniladi

ha`m sonliqtan bul a`sbaplardin` atqa-ratug`in xizmetlerin biz, ol programmalarda

ta`riplep otirmaymiz.