O’zbekstan Respublikasi joqari bilimlendiriw, ilim ham innovaciyalar ministrligi ajiniyaz atindag’I no’kis ma’mleketlik pedagogikaliq instituti. Magistratura bo’limi

-Mektepke shekemgi jastag’I bala ushin tu’sinikli bolg’an elementler ilimiy ekologiyaliq bilimler sistemasin qa’liplestiriw
-Ta’biyat ushin ha’m balanin’ o’zi ushin ekologiyaliq ta’repten maman ha’m qawipsiz minez quliqtin’ da’slepki ko’nlikpelerin qa’liplestiriw
-Ta’biyat obektleri ha’ hadiyselerin baqlaw ko’nlikpelerin qa’liplestiriw
-Ta’biyatqa salistirg’anda minez-quliqlardin’ elementar normalarin o’zlestiriw,ku’ndelikli turmista tabiyiy resurslardan aqilg’a say paydalaniw ko’nlikpelerin qa’liplestiriw.
-Ta’biyatti qorg’aw qabileti ha’m qa’lewin qa’liplestiriw kerek bolsa og’an ja’rem beriw.
Ekologiyaliq bilimlerdi insan sanasina toliq jetkeriw a’sirese jas awladqa ekologiyaliq tu’siniklerdi, ekologiyaliq ma’deniyatliliqti sin’diriw bugingi ku’nnin’ talabi bolip qalmaqta. Ta’biyat qushag’inda jasawshi ha’r bir adam onin’ gozzallig’inan na’r aladi, onnan ruwxiy aziqlaniwi arqali sanasi rawajlanadi ha’m tabiyattan paydalaniw zaru’rligin tu’sinedi.demek adam tabiyattin’ bir bo’legi bolip xizmet atqaradi eken.Nemis jaziwshisi Novalis <> dep adam psixologiyasindag’I biologiyaliq nizamliqlar menen sezimlerdi qabillaw o’zgesheliklerin organikaliq jaqtan biriktiredi.
Haqiyqatinda da adam tabiyat ko’rinislerin ko’riw organlari arqali tan’lasa, onin’ ahmiyetin tu’sindiriw, psixologiyaliq qabillaw arqali qabil etip tan’laydi ha’m juwmaq shig’aradi. Na’tiyjede tabiyattin’ta’sirlerinen adam organizmindegi o’zgerisler kelip shig’adi.
Ekologiyaliq talaplar haqqinda danalar so’zinde << Tabiyat u’stinen erisken jetiskenliklerimizge artiqsha quwanbayiq.Bunday artiq ketken jen’isler ushin ol bizden o’sh aliwi mu’mkin>> delingenindey ha’zirgi ekologiyaliq apatshiliqti bizden tabiyattin’ o’sh alip atirg’anin tu’sindiriw kerek.Sonin’ ushinda ha’r bir sabaq barisinda u’yreniletug’in temanin’mazmunina qaray ekologiyaliq bilim ha’m tarbiyani baylnistirip o’tiw lazim.
Oqiw kitbi sabaqliqlarinda tabiyat ko’rinisleri su’wretlenetug’in shig’armalar ko’birek orin alsa ekologiyaliq bilim beriw ju’z payiz orin alari so’zsiz.ha’m oqiwshilardin’ estetikaliq zawiq aliwin ha’m tabiyat qubilislarina qizig’iwshiligin payda etetug’in sezimlerdi rawajlandiradi.Misali:N.Japakovtin’ ,B.Qayipnazarovtin’N.Dabilovtin’I.Yusupovtin’ qosiqlarinda ana tabiyattin’ ko’rinisi suwretlengen, onin’ bala ta’rbiyasindag’I ullilig’I, watang’a bolg’an patryotliq sezimlerdi payda etetug’inlig’I so’zsiz.