Paraboloid turdagi kichik quyosh konsentratorining ish jarayonini o‘rganish ishdan maqsad

Ishni bajarish tartibi:Paraboloid quyosh konsentratorining fokus masofasini aniqlash uchun uning ishchi sohasiga masofadan turib suv zarrachalari purkaladi, shunda uning fokus nuqtasi ko‘rinishi seziladi.
1. Fokus nuqtasi ko‘ringandan so‘ng unga maxsus moslama o‘rnatiladi, bunda fokus nuqtasi moslamaning o‘rtasida joylashishi lozim. So‘ngra fokus nuqtasiga yoki unga yaqin joyga o‘rta harorat diapazonida ishlaydigan termojuftlik o‘rnatiladi. Bu termojuftlik xromel-alyumel yoki xromel-kapel asosidagi materiallardan bo‘lishi lozim. Termojuftlikning bir uchi fokus nuqtasida, ikkinchisi esa 0 ⁰C haroratda quyilishi kerak.
2. Potensiometr yoki millivoltmetr yordamida termojuftlikning issiqlik-EYUK o‘lchab olinadi. So‘ngra issiqlik-EYUK qiymatining haroratga bog‘liqligidan foydalanib kalibrlash jadvali yordamida fokus nuqtasidagi harorat t_f (⁰C) aniqlanadi.
3. Moslamaga ma’lum hajmdagi idishga suv quyilib qaynash uchun sarflangan issiqlik miqdori (kJ) aniqlanadi, bunda sovuq suvning harorati t₁ (⁰C), qaynagan suvning harorati t₂ (⁰C), qaynash vaqti τ (c), suvning massasi m (kg) aniqlanadi.