Pedagogika kolleji talabalarining mustaqil ishi va uni tashkil etish

Kurs ishiga qo`yilgan bosh talab fanni chuqur o`rganishga erishish, ilmiy izlanishga havas uyg`otish.
Kurs ishida o`quvchi-talabalarda mavzuni o`rganishga ijodiy yondashish, dastlabki ilmiy izlanish kurtaklarini hosil bo`lishida kurs ishi rahbari muhim rol o`ynaydi. Kurs ishi rahbari asosiy va qo`shimcha adabiyotlarni tanlash, ular ichidan eng muhimlarini ajratish, reja tuzish va tanlangan mavzuni to`la ochib bcrish uchun nimalarga diqqat qaratish kerakligi haqida maslahat beradi.
Kurs ishining xomaki nusxasini yozayotganda o`quvchi-talaba tushunmagan savol yoki maslahat uchun rahbarga murojat qiladi. Mavzu bo`yicha ayrim adabiyotlarni to`liq o`qib chiqishi zarur bo`lsa, ayrimlarini mavzu bo`yicha u yoki bu bobi yoki sahfalarini o`qishga, o`rganishga to`g`ri keladi.
Kurs ishida qo`yilgan savollar o`rganilayotgan mavzuning mazmunini ochib berishi zarur. Savollar ko`p bo`lmasligi, mavzuning mazmunini ochib berishi lozim. Rejada qaysi adabiyotlar bilan ishlash ko`rsatiladi.
Xulosa
O`quvchi-talabalarda o`z ustida uzluksiz mustaqil ishlash ko`nikmasini tarbiyalashda mustaqil ishlashni tashkil etish muhim o`rin tutadi.
- Mustaqil izlanish talabaning o`zi tomonidan tashkil etilib, muayyan o`quv ishlari izchil va uzluksiz ravishda o`qituvchining rahbarligi va nazorati asosida amalga oshiriladi.
- Mustaqil ishlarning turli shakllari mavjud bo`lib, ularning barchasi talabalarda ijodiy ishlash ko`nikmasini hosil qihshga qaratilgan.
- Mustaqil ijodiy izlanishda referat, kurs ishi, doklad yozish alohida o`rin tutadi. O`quvchi-talabalardan katta kuch, ijodiy izlanish talab qiladigan hamda bor bilimini yozma ravishda aniq, tushunarli, mantiqiy izchillikda bayon qilishni talab qiladigan ijodiy mustaqil ish kurs ishi, ilmiy ma`ruza bo`lib, u o`quvchi talabaning naqadar bilimli, mas`uliyatli, o`z fikrini ifodalashga mohirligini ko`rsatadi.
Mustaqil ishlarni bajarishda talabalarning vaqtini to`g`ri taqsimlash ham muhim ahamiyatga ega. Shuning uchun talabalar bajariladigan ishlarning muhimligi, muddati nuqtayi nazaridan ularni bajarish ketma-ketligini to`g`ri belgilash va rejalashtirishni o`rganishlari zarur.