Pedagogikalıq texnika haqqında túsinik. Pedagogikalıq texnikanı qáliplestiriw metodikası. Joba: Pedagogikalıq texnika haqqında túsinik

Pantomimika. Pantomimika - bul deneniń, qoldıń, ayaqtıń háreketi. Bul 
múshelerdiń háreketi muǵallimniń baslı maqsetlerin ashıp kórsetiwge, maqsettiń 
súwretin salıwǵa járdem beredi. Sabaqtı qızıǵıp ótip atırǵan muǵallimniń is-
háreketin bir baqlap kóriń. Onıń bası, moyını, qolları, ulıwma denesi bir pútin 
halda oqıw materiyalların túsindiriwge baǵdarlanǵan. 
Muǵallimniń tik sulıw sın-sınbatı, onıń ishki qádir-qımbatın kórsetedi, 
jıynaqlılıǵı, nıq qádemleri óziniń bilimi hám kúshli isenimdi bildiredi. Kerisinshe 
salbıraǵan bas, salpawsıǵan qollar, súmireygen bet álpet muǵallimniń ruwxıy 
ázziligi menen ózine isenimsizliktiń, sawatsızlıqtıń aynası. Muǵallim balalar 
aldında durıs turıwdı úyreniwi shárt: (ayaqlar arası 12-15 sm ashıq, bir ayaǵı aldına 
azǵantay halda iyilgen). Barlıq háreketler hám pauza (deneni qalay uslawı) óziniń 
shıraylılıǵı, jaǵımlılıǵı hám ápiwayılılıǵı menen oqıwshılardı ózine tartıwı lazım. 
Deneni durıs uslaw estetikası-shayqatılıp turıwdı, ayaqların orınsız almastıra 
biliwdi, orınlıqtıń arqasına súyenip turıw ádetlerin, kerek emes nárseni qolda 
aylandırıw, basın uslawdı, murnın sıpırıwdı, qulaqların qasıwdı biykarlaydı. 
Muǵallimniń bası, qolı h.t.b dene járdeminde kórsetpeleri júdá shıraylı isleniwi 
kerek. Olardı orınlı qollanıwǵa úyreniwi kerek. 
Mimika- óz pikirin, sezimlerin, kewil xoshın, jaǵdayın bet álpeti háreketi 
arqalı kórsete alıw sanaatı. Kóbinese adamnıń bet-álpeti hám názer taslawı 

---

balalarǵa gáp penen túsindirgennen kóre kóbirek tásir etedi. Jest hám mimika 
informatsiyanıń tásirshenligin arttıradı, onı ózlestirip alıwdı jeńillestiredi. 
Balalar muǵallimniń júzinen onıń qatnasın, kewil xoshın sezedi, sonlıqtan da 
bet álpeti arqalı óz sezimlerin bildire bermey
,
ayrım waqıtları olardı jasırıpta biliw 
kerek. Mısalı
:
muǵallim óz táshwishlerin
,
kelispewshiliklerin
,
qapa kórinisin 
klassqa alıp kelmewi kerek. Bet álpeti arqalı iske qatnası bar
,
oqıw tárbiya 
máseleleriniń sheshiliwine járdem beretuǵın sezimlerdi ǵana kórsetiwge ádetleniwi 
shárt. 
Álbette bettiń kórinisi sóylew, qatnas jasaw xárakterlerine juwap beriwi kerek. Muǵallim óziniń 
bet-júzi arqalı hár túrli sezimlerdi balalarǵa sezdire biliwi kerek. Mısalı
:
isenim, qollap 
quwatlaw, biykarlaw, quwanıshı, narazılıǵı, maqtanısh, biyparwalıq, qızıǵıwshılıq, qayǵırıw 
(vozmushenie) sezimlerin bildiriw, hayran qalıw, qayıl qalıw.