Pán: Ana tili Klass: 4-klass Sán

Ámiwdárya rayonı 52-sanlı mekteptiń ana-tili hám ádebiyatı páni oqıtıwshısı Qudaybergenova Úmidanıń 4-klassta “Pısıqlawısh”temasında ótkergen bir saatlıq ashıq sabaq islenbesi

Pán:Ana tili Klass: 4-klass
Sáne:06.05.2022 Waqıt: 45 minut Tema: Pısıqlawısh Maqset: a)Bilimlendiriw;Oqıwshılarǵa búgingi sabaqta ótiletuǵın taza tema ‘Pısıqlawısh’ haqqında hám bir-birinen ózgesheligin biliw. b)Rawajlandırıw;Oqıwshılardıń ana tilinde qátesiz oqıw , jazıw hám taza sóylew qábiletin rawajlandırıw.Erkin pikirlew kónlikpesin asırıw. s)Tárbiyalıq;Shınıǵıwlardı qátesiz, sulıw jazıw,óz-ara húrmet hám doslıqta islesiw. Sabaq túri: Jańa bilim beriw.
Tayanısh kompetensiyalar:
TK 2-Oqıwshılardı hár bir sabaqta kitap penen islewge (úyrenilip atırǵan temanı tez orınlawǵa, kerekli qaǵıydanı, shınıǵıwdı shaqqanlıq penen orınlawǵa, shınıǵıw tapsırmaların tártibi menen izbe-izlikte islewge) orınlanıp atırǵan shınıǵıwdıń maqsetin (nege úyretetuǵının)túsiniwge úyreniw.
TK 4 -Sabaq barısında belsene qatnasıw, klass abroyın kóteriwge óz úlesin qosıw (pánlerdi ózlestiriwde tómen úlgeretuǵın oqıwshılarǵa járdem beriwge úyretiw)
TK 5-Sóylew mádeniyatına ámel qılıwǵa tárbiyalaw.
Pánge tiyisli kompetensiya:
PK 1-Sózlerdiń grammatikalıq formalarınan durıs paydalana aladı, irkilis belgilerin durıs qollana aladı.
PK 2-Gáp ishinde bas aǵzalardı ayırıp biliwi, durıs qollana alıwǵa úyretiw.
Sabaq túri: Jańa bilim beriw
Sabaq usılı: Interaktiv, soraw-juwap, kishi tekst ústinde islew, meni sulıw jaz shınıǵıwı.
Sabaqta paydalanılatuǵın quralları: Sabaqlıq, slayd, multimediya, kespe qaǵazlar, tarqatpalar, batman qaǵazlar, skotch, marker.
Sabaq barısı:
S hólkemlestiriw: Dáslep oqıwshlar menen sálemlesemen, keyin sabaqtı shólkemlestirip, klasstıń tazalıǵına, oqıwshılardıń tazalıǵına, otır-turısına, oqıw qurallarınıń barlıǵına kewil awdaraman. Soń náwbetshi arqalı qatnastı barlayman. Bahalaw kartoshkaları “5”, “4”, “3”

“5” bahası “4” bahası “3” bahası

Ótilgen temanı tákirarlaw Oqıwshılardan úyge berilgen tapsırmanı awızeki sorayman. Tolıqlawısh boyınsha, gáp ishinde soraw arqalı qalay anıqlanatuǵının, sorawlar –juwap islep túsinigin bekkemleymen.
Taza temanı túsindiriw:
Taza temanı ótken sabaqtaǵı tema menen baylanıstıraman.


Qayda?,qalay?,qáytip,qashan? degen sorawlarǵa juwap beretuǵın gáp aǵzasına pısıqlawısh deymiz.Bayanlawıshtıń ornın,waqtın,qalay yamasa qáytip isleniwin bildiredi.Mısalı:Bizler qalaǵa bardıq.
Temanı bekkemlew:
Súwretke qarap pısıqlawısh qatnasında gáp quraw.

“Raketa”metodı

Bunda doskaǵa raketa kórinisi túsirilgen plakatlar qıstırıladı.Oǵan sorawlar jazıladı.Sorawlarǵa durıs juwap bergen toparlardıń raketası jeńillesip ushadı hám bahalanadı.
1 .Pısıqlawısh degenimiz ne?
2.Pısıqlawısh qndy sorawlarǵa juwap beredi?
3.Pısıqlawıshqa mısallar keltiriń.
4.Asan ol jerden tez shıǵıp ketti.Berilgen gápten pısıqlawıshtı tabıń

“Kim shaqqan”metodı
Bunda berilgen gáplerdiń ishinen pısıqlawıshtı tabıwı kerek
1.Taza hawada hám quyashta shınıǵamız.
2.Poezd keshte júredi
3.Gúljan úyden juwırıp shıqtı
4.Malika sabaqtı ıqlas penen tıńladı
5.Samalyot hawaǵa tez kóterildi
6.Áygúl tapsırmanı qunt penen orınladı

Juwmaqlaw: Oqıwshılardı sabaq barısında kórsetken belsendiligine, tapsırmalardı orınlaw jaǵdayına qarap bahalayman.
Búgingi sabaqta nelerdi úyrendińiz?
Búgingi temanıń qosımsha parqı nelerden ibarat boldı? Sorawları menen sabaǵımdı juwmaqlayman.

Úyge tapsırma beriw: 167-shınıǵıw