Порядок разработки и утверждения типовых программ по учебным дисциплинам бакалавриата

1.сўз боши

1.1.Фаннинг вазифаси ва уни ўқитишдан мақсад.

Фанни ўқитишдан мақсад – олийгохларда кимё ва озиқ-овқат ишлаб чиқариш технологияси йўналиши талабаларига ишлаб чиқариш корхоналарида ҳавфсиз меҳнат шароитини ташкил қилиш, меҳнатни муҳофаза қилишнинг умумий масалалари, техника ҳавфсизлиги асослари, ёнғин ҳавфсизлиги асослари бўйича фундаментал билимлар бериш, ҳамда олинган билимларини ишлаб чиқариш корхоналарида тадбиқ қилиш, меҳнат шароитларини яхшилаш чора-тадбирларини амалга оширишни ўргатишдан иборатдир.
Фаннинг вазифаси бўлажак мутахассисларга ҳавфсизликнинг илмий асосини ўргатиш, ишлаб чиқаришда ҳавфсиз меҳнат шароитини яратиш ва ишлаб чиқаришдаги ҳавфсизликни тўла таъминлашни ўргатишдир.

1.2.Талабалар билими, малакаси ва кўникмасига қўйиладиган талаблар.

Мазкур фанни ўзлаштирган талаба:

• 
  Меҳнатни муҳофазасининг умумий масалалари билан танишади.
  
• 
  Ишлаб чиқариш корхоналарида меҳнат муҳофазаси чора-тадбирлари режасини тузишда иштирок эта олади.
  
• 
  Ишлаб чиқаришда рўй берадиган бахтсиз ҳодисаларни келиб чиқиш сабабаларини аниқлай олади.
  
• 
  Ишлаб чиқаришда касб касалликларини келиб чиқиш сабабларини билади ва унинг олдини олиш бўйича чора-тадбир ишлаб чиқишни билади.
  
• 
  Меҳнатни мухофаза қилиш қоида ва нормаларини бузганлик учун жавобгарликлар ҳақида тасаввурга эга бўлади.
  
• 
  Бахтсиз ҳодисалар юзага келганда «Н-1» нусхадаги актни туза олади.
  
• 
  Бахтсиз ҳодиса туфайли келиб чиқадиган моддий зарарни хисоблай олади.
  
• 
  Технологик жараён ҳавфсизлигини таъминлашнинг «Қурилиш қоида ва нормалари» билан танишади.
  
• 
  Давлат назорат органлари инспекторларининг бурчи ва хуқуқи ҳақида тўғри тасаввурга эга бўлади.
  
• 
  Технологик жараённи лойихалашда техника ҳавфсизлиги, ёнғин ҳавфсизлиги асосларини билади.
  
• 
  Ишлаб чиқаришда юзага келадиган ёнғин ва портлаш жараёнларининг келиб чиқиш сабабларини аниқлай олади.