Protsedurali dasturlash

1. 
   Imperativ protseduraviy dasturlash paradigmasi haqida bayon qiling(protsedura, funksional dekompozitsiya, funksiyaga murojaat, qism masala, qism dastur, struktura).
   

Protsedurali dasturlash-bu ketma-ket bajariladigan operatorlarni dasturlash tilining o’z mexanizmlaridan foydalangan holda juda katta dastur kodi birliklarini qism dasturlarga yig’ish orqali imperativ tilda dasturlash uslubi hisoblanadi.
Protsedurali dasturlash uslubi quyidagi imkoniyatlarga ega:

• 
  Protsedurali dasturlash dasturchiga masalani yechishda har bir qadamini belgilab borish imkoniyatini beradi.
  
• 
  Bunday dasturlash tillarining o’ziga xos jihati shundan iboratki, masala qadamlarga bo’linadi va qadamba-qadam yechib boriladi.
  

Funksional dekompozitsiya-bu dasturda ichma-ich joylashgan funksiyalarni chaqirishning iyrarxik ko’rinishda tasvirlanishdir .
Funksiyalardan foydalanish ikkita masalani hal qiladi:
-Dastur struktrasini yaxshilaydi;
-Dasturchini kodni qayta yozishlardan qutqaradi.
Dasturni juda ham mayda qismlarga bo’lish oqibatida har biri tugallangan vazifani bajaradigan qismlarni yuzaga keltiradi. Fizik jihatdan olganda bu- dastur kodi faylini juda kichik birliklarga-funkisyalarga bo’lishga olib keladi. protseduraviy uslubda dasturni ichma-ich yoki rekursiv funksiyalarning chaqiruvlari ko’rinishida ifodalash mumkin.
Umuman olganda katta dastur kodini bitta faylga sig’dirish mumkin. Lekin mantiqiy bog’langan qism masalalarni bir necha fayllarga guruhlash va bu moslikni alohida faylda saqlash foydali bo’ladi.
Shuni qayd etish kerakki, dasturni fizik jihatdan modullarga bo’lish murakkab emas, lekin jiddiy muammo shundaki, modullar o’rtasida tashqi aloqada xavfsizlikni ta’minlash, qulay va samarali o’zaro aloqani ta’minlash lozim bo’ladi.
C/C++ tillari va boshqa zamonaviy tillarning modulliligini ta’minlash uchun har bir faylni alohida kompilyatsiya qilish va yagona yuklanuvchi modulga birlashtirish zarur bo’ladi.
C/C++ tillarida funksiya dasturning ixtiyoriy joyidan dastur boshqarilishini uzatish(chaqirish) mumkin bo’lgan dastur kodi qismini ifodalaydi. Funksiya ishi tugashi bilanoq umumiy dasturning bajarilishi funksiya chaqirilgan yerdan davom etadi.