Психотренинглар Ижобий фикрлашни ривожлантириш тренинги

Психолог маслаҳати
Салбий фикрлашдан ўзини ҳимоя қилишнинг энг самарали усулларидан бири – стрессларни мускул канали орқали «очиш». Инсон танасидаги ҳаракатчанлик таъсирида руҳиятдаги босим енгиллашади ва йўқолади.
Асабий-психологик зўриқиш пайтида турли ҳаракат талаб қилувчи машғулотларни топиш керак. Масалан, югуриш, спорт, транспортдан фойдаланиш ўрнига пиёда бориш, турли ўйинлар.
Тугалланмаган гап
Биринчи қадам: бир-иккита гап айлана бўйлаб айтилади ва у гаплар қор парчалар (қўшимча гаплар) билан қопланади.
Иккинчи қадам: бир нечта гаплар (4-5) қоғозга ёзилиб, ёзма тарзда ижобий сўзлар ишлатиб тўлдириш учун иштирокчиларга тарқатилади. Кейин тренер тугалланмаган гапларнинг вариантларини (иштирокчилар томонидан ёзилган) йиғиб олади:
- Қувончимни … билан бўлишмоқчиман.
- Миямга ажойиб фикр келди…
- Ўзимдан менга … ёқади.
- …га қувонч улашишни (бағишлашни) хоҳлайман.
- Ҳар қандай об-ҳаво Ҳудонинг марҳамати, ҳатто бугун ҳам кўчада …
- энг кўп завқни мен …дан оламан.
…ҳақида ўйлаганимда, кўнглим ёришиб кетади.
- Менга ҳаётда … катта ёрдам беради.
- Қийин вазиятларда мен …ни ўйлаб овунаман.
- Ота-онамни хурсанд қилиш учун мен … қила олган бўлардим.


«Бирбални тинчлантиринг» машғулоти
Ҳинд афсонасига кўра, шоҳ Акбарнинг бепарво маслаҳачиси Бирбал бир куни ухлаб қолгани учун шоҳнинг ҳузурига нақ 3 соатга кеч қолади. Шоҳни олдида ўзини оқлаш учун у болани сира тинчлантира олмаганини айтади. Акбар бу гапларга ишонмайди.
Шунда Бирбал шоҳга тинчлантирувчи ролига киришни, ўзи эса сира тинчланмай йиғлашини таклиф қилади. Бир соатдан давом этган самарасиз уринишлардан сўнг Акбар ён беради ва маслаҳатчисини кечиради.
Тренинг иштирокчилари “Бирбал”ни танлашади, ҳамда турли усуллардан фойдаланиб, навбатма-навбат уни овутишга ҳаракат қиладилар: сўз, ҳаракат ва бошқалардан фойдаланиш мумкин. Кейин Бирбал кимнинг овутиши самаралироқ ва таъсирлироқ бўлганини айтади.