Qaraqalpaq fol`klori

. Qaraqalpaq fol`klori boyinsha da`slepki ilimiy miynetler - M.Da`ribaev, Q.Ayimbetov, O.Qojurov, N.Da`wqaraev, Q.Maqsetov h.t.b. miynetleri haqqinda.
Qaraqalpaq fol`klori boyinsha jergilikli ilimpazlar ko`zge tu`serlik da`rejede miynet etti. qoeo-jili Q.Ayimbetov «Qaraqalpaq a`debiyati ha`m iskusstvosi» jurnalinda «Qaraqalpaq fol`klori»,
«Qaraqalpaq a`debiyatinin` tu`rleri» atli ilimiy maqalalarin ja`riyaladi.
Sonin` menen bir qatarda qaraqalpaq fol`klorin izertlewlerdin` na`tiyjesi sipatinda ko`p g`ana iri ko`lemdegi kitaplar payda boldi. Ma`selen, N.Da`wqaraevtin` «Revolyutsiyag`a shekemgi qaraqalpaq a`debiyati tariyxinin` ocherkleri» (Tashkent-to), I.Sag`iytovtin` «Qaraqalpaq xalqinin` qaharmanliq eposi» (No`kis-qoye), Q.Maqsetovtin` «Qaraqalpaq qaharmanliq da`stani «Qirq qiz» No`kis qoyw, «Qaraqalpaq qaharmanliq da`stanlarinin` poetikasi»(Tashkent qoyt), «Qaraqalpaq fol`klorinin` estetikasi» (No`kis qouq), Q.Ayimbetovtin` «Xaliq danalig`i» (No`kis qoyi) kitaplarin atap o`tiwge boladi.
N.Da`wqaraevtin` qotq jili «Qaraqalpaq a`debiyati tariyxinin` ocherkleri» atli doktorliq dissertatsiyasin jaqladi. Dissertatsiyanin` fol`klorg`a arnalg`an bo`liminde «Qaraqalpaq awiz a`debiyatinin` tariyxiy derekleri»,»Qaraqalpaq awiz a`debiyati ha`m oni aytiwshilar», «#araqalpaq awiz a`debiyatinin` tu`rleri ha`m tematikasi» degen bo`limlerden turadi. Ilimpaz usi miynetinde fol`klordin` tu`rlerine ha`m «Alpamis», «Qoblan», «Qirq qiz» da`stanlarina birinshi ilimiy talqi jasaydi.
N.Da`wqaraevtan keyin «Alpamis», «Qoblan»,»#irq qiz» da`stanlarin ken` izertlegen I.Sag`iytov boldi. qoyw jili onin` «Karakalpakskiy geroicheskiy epos» atli monografiyasi basilip shiqti. Kitap
«Qaraqalpaq eposina uliwma xarakteristika menen baslanip, onda epostin` do`reliw da`wiri tiykarg`i o`zgeshelikleri, ko`rkemlik o`zgeshelikleri «Qoblan», «Alpamis», «Qirq qiz» siyaqli da`stanlarg`a ilimiy ko`z-qarastan baha berilip, ilimiy monografiya r baptan turadi.
Al, ataqli fol`klorist Q.Maqsetovtin` «Qaraqalpaq qaharmanliq da`stanlarinin` poetikasi» atli miyneti bahali kitaplardan esaplanip, bul ilimiy miynet qaraqalpaq qaharmanliq da`stanlarinin` janrliq o`zgeshelikleri, ideyaliq ha`m ko`rkemlik o`zgeshelikleri, kompozitsiyaliq qurlisi ha`m obrazlari, qaharmanliq da`stanlardin` su`wretlew usillari, qaharmanliq da`stanlardag`i proza ha`m qaraqalpaq xaliq poeziyasinda qosiq do`retiwshilik ma`selesine» siyaqli baplardan turadi.
Q.Ayimbetovtin` «Xaliq danalig`i» kitabinda xaliq awizeki do`retpesine tiyisli ko`plegen materiallar bar. Ilimpazdin` qouu jili «Qaraqalpaq fol`klori» atli miyneti universitet studentleri ushin qollanba retinde basilip shiqti.
qoui jili Q.Ma`mbetov ta`repinen «Fol`klor ha`m a`debiyat» kitabi basilip shig`ip bunda turmis-salt
jirlari, betashar, joqlaw, ba`dik, gu`lapsan ha`m tolg`awlar haqqinda toqtadi.
Qaraqalpaq fol`kloristikasi tarawinda ko`plegen ilimiy qa`niygeler miynet islep milliy ma`deniy ha`m ruwxiy miyrasimizdin` saqlaniwina ha`m o`sip rawajlaniwina o`zlerinin` u`leslerin qosip atir.