Qaraqalpaq Mamleketlik Universiteti Ximiya-texnologiya fakulteti ximiya qániygeligi 2-basqish studentleri Qaraqalpaq tabiyat ilimleri ilm-izertlew institutinda ámeliyat ótedi

Qaraqalpaq Mamleketlik Universiteti Ximiya-texnologiya fakulteti ximiya qániygeligi 2-basqish studentleri Qaraqalpaq tabiyat ilimleri ilm-izertlew institutinda ámeliyat ótedi. Dáslep bul jerde bizlerge texnika qawipsizlik qaģiydalari haqqinda keńnen túsinik berip ótildi. Soń ámeliyat basshimiz Z.Uzaqbergenova hám ilm-izertlew instituti qániygeleri tárepinen laboratoriya jumislari ham institut ishki tártip qaģiydalari menen tanistirildi. Institut tiykarinan 3 tiykarģi baģdar boyinsha ilmiy jumislar alip baradi.
1. Dispers sistemalar ximiyasi. Laboratoriyanin tiykarģi ilmiy baģdari kolloid ximiya ham qurilis materiallarinin ximiyaliq texnologiyasi tarawinda fundamental ham ámeliy jumislardi rawajlandiriw, Qaraqalpaqstan Respublikasindaģi mineral-shiyki resurslarinan paydalaniw.
2. Tabiyat baylanislari ximiyasi. . Laboratoriyanin tiykargi ilmiy bagdari jergilikli shiyki resurlardi kompleks paydalaniw mashqalalarin sheshiw tabiyiy ósimlikler hám tiykarinda ekologiyaliq taza, joqari effektivlikke iye islep shiģariw tiykar bolip kelgen.
3. Mineral toginler ximiyasi. Qaraqalpaqstan Respublikasi mineral resurslari tiykarinda mineral tógin aliw texnologiyalarin islep shiģariwdan ibarat.
Bizler ámeliyatimiz dawaminda usi tarawlar haqqinda keńnen túsinikke iye boldiq, laboratoriya jumislarinda qatnastip kúndelikli oqiw processinde ózlestirgen bilimlerimizdi ámeliyatta qollaniwiniń guwasi boldiq deydi student jaslar.