Qaraqalpaq tili pa’ninen. B. Qurbanbaeva

22-tapsi’rma. Tekstti woqi’p qaraqalpaqsha so’ylep berin’. 

 

O’zbekiston  Respublikasi  Oliy  Kengashi  1993-yil  yanvar  oyida  Yoshlar  siyosati 

bo’yicha  Qonun  qabul  qildi.  Viloyat  hokimliklari  O’zbekiston  Respublikasi  Vazirlar 

Kengashi  1992-yil  4-dekabrdagi  568-sonli  qarori  asosida  viloyatlarda  va  tumanlarda 

yoshlar ishlari bo’yicha hokimlar raisligida Kengashlar tuzildi. Toshkent viloyatida yoshlar 

siyosatiga oid Dastur qabul qilindi. Yosh ijodkorlarning uy-joy sharoitini yaxshilash uchun 

hokimlik 82 xonali uyni yosh ijodkorlarga foydalanishga berdi. Qoraqalpog’iston, Xorazm, 

Qashqadaryo,  Namangan  va  Buxoro  viloyatlarida  ham  yosh  ijodkorlarga  uy-joy  berildi. 

Bular mamlakatimizda yoshlarga ko’rsatilgan g’amxo’rlikning yorqin ifodasi.  

Biroq  ta’lim  sohasida  qoloqlik,  zamonaviy  va  taraqqiy  topgan  davlatlar  talablariga 

javob  berolmaslik  sezilmoqda.  9-sinfni  bitirayotgan  450  ming  nafar  bolalarning  100 

mingga yaqini ta’lim-tarbiya jarayonidan chetlashib qolmoqda. Shu boisdan 1997-yili 29-

avgustda  Oliy  Majlis  «Ta’lim  to’g’risida»  Yangi  qonun  va  «Kadrlar  tayyorlash  bo’yicha 

milliy  dastur»  qabul  qildi.  O’zbekistonda  12  yillik  majburiy  ta’lim  joriy  qilindi.  9  sinfni 

bitirgan  yoshlar  uch  yillik  akademik  litsey  yoki  kasb-hunar  kollejlariga  jalb  qilinadigan 

bo’ldi. 

---

 

24 

«Ta’lim  to’g’risida»gi  Qonun  va  milliy  dastur  ta’lim  tizimini  tubdan  isloh  qilishni 

taqozo etadi. Islohotlar bosqichma-bosqich o’tkaziladi. 

Birinchi  bosqich  o’tish  davri  bo’lib,  u  1997-2001–yillarda  davom  etadi,  ta’limning 

rivojlanishi uchun huquqiy-me’yoriy, ilmiy-metodik, moddiy shart-sharoitlar yaratiladi. 

Ikkinchi  bosqich  2001-2005–yillarni  o’z  ichiga  oladi  va  milliy  dastur  to’liq  amalga 

oshiriladi. 

Uchinchi  bosqich  2005  va  undan  keyingi  yillarga  mo’ljallangan  bo’lib,  unda 

to’plangan  tajribalarni  tahlil  etish  asosida  kadrlar  tayyorlash  tizimi  yanada 

takomillashtiriladi  va  rivojlantiriladi.  O’zbekistonda  uzluksiz  ta’lim  quyidagi  turlarda 

amalga oshiriladigan bo’ladi: maktabgacha ta’lim, umumiy o’rta ta’lim, o’rta maxsus ta’lim 

va  kasb-hunar  ta’limi,  oliy  ta’lim,  oliy  o’quv  yurtidan  keyingi  ta’lim,  kadrlar  malakasini 

oshirish va ularni qayta tayyorlash, maktabdan tashqari ta’lim.