Qarori davlat pensiyalarini tayinlash va to‘lash tartibi to‘G‘risidagi nizomga o‘zgartirish va qo‘shimchalar kiritish haqida

qo‘shimchalar
1. 
2-bandga
 quyidagi mazmundagi xatboshi qo‘shilsin:
“qaydnoma — pensioner va nafaqa oluvchining familiyasi, ismi va otasining ismi, yashash joyi, pasport
ma’lumotlari, pensiya va nafaqa to‘lov muddati hamda summasiga doir ma’lumotlar aks ettirilgan, pensiya va
nafaqa to‘lovi uchun pensiyani yetkazib berish (topshirish) yuklangan tashkilot va tijorat banki filialiga taqdim
etiladigan hujjat”.
2. Quyidagi mazmundagi 8 -band qo‘shilsin:
“8 . Manzil-koloniyalarda jazoni o‘tayotgan, ozodlikdan mahrum etishga hukm qilingan shaxslarga pensiya
tayinlash (qayta hisoblash, tiklash, pensiyaning bir turidan boshqa turiga o‘tkazish) to‘g‘risidagi ariza bevosita
manzil-koloniya joylashgan yerdagi Pensiya jamg‘armasi bo‘limiga beriladi.
Shaxsning pensiya tayinlash (qayta hisoblash, tiklash, pensiyaning bir turidan boshqa turiga o‘tkazish)
to‘g‘risidagi arizasi manzil-koloniya ma’muriyati tomonidan manzil-koloniya joylashgan yerdagi Pensiya
jamg‘armasi bo‘limiga beriladi. Pensiya tayinlash (qayta hisoblash) to‘g‘risidagi arizaga ish stajiga oid
ma’lumotlar qo‘shimcha ravishda taqdim etiladi.
Pensiya jamg‘armasi bo‘limi:
shaxsning ish stajiga oid ma’lumotlar asosida pensiya tayinlash (qayta hisoblash) uchun zarur bo‘lgan
ushbu Nizomning 12 — 14-bandlarida ko‘rsatilgan hujjatlarni to‘plashda amaliy yordam ko‘rsatadi;
pensiya to‘lovini tiklash yoki davom ettirish to‘g‘risidagi arizaga asosan pensiya yig‘majildini Pensiya
jamg‘armasining tegishli tuman (shahar) bo‘limidan talab qilib oladi”.
3. Quyidagi mazmundagi 18 -band qo‘shilsin:
“18 . Manzil-koloniyalarda jazoni o‘tayotgan, ozodlikdan mahrum etishga hukm qilingan shaxsning
pasporti (istiqomat uchun berilgan guvohnoma) nusxasi manzil-koloniya ma’muriyati tomonidan manzil-
koloniya joylashgan yerdagi Pensiya jamg‘armasi bo‘limiga beriladi”.
4. 
157-band
quyidagi tahrirda bayon qilinsin:
“157. Pensiyalar komissiyaning qarorida ko‘rsatilgan miqdor hamda muddatlardan kelib chiqib to‘lanadi.
Ishlamaydigan pensionyerlarga pensiya yashash joyi bo‘yicha Pensiya jamg‘armasi bo‘limlari tomonidan
pensiyani yetkazib berish (topshirish) yuklangan tashkilot yoki pensionerning xohishiga ko‘ra pul mablag‘larini
fuqarolarning depozit hisob raqamlariga naqd pulsiz o‘tkazish yo‘li bilan tijorat bankining filiali orqali to‘lanadi.
Ishlamaydigan shaxsga pensiya va nafaqa to‘lovi shakli ushbu Nizomga 16-ilovaga muvofiq shakldagi
arizaga asosan aniqlanadi.
Shaxsning tanlovi bo‘yicha unga to‘lanishi lozim bo‘lgan pensiya summasi, bir vaqtning o‘zida pensiya
to‘lovining bir nechta shaklidan foydalangan holda amalga oshirilishi mumkin.
To‘lov shakli shaxs tegishli ariza bilan murojaat etgan yoki mehnat shartnomasi bekor qilinganligi
to‘g‘risidagi buyruqdan ko‘chirmani (bajarilgan ishlar dalolatnomasini) taqdim etgan oydan keyingi oyning
birinchi kunidan boshlab o‘zgartiriladi yoki tiklanadi.
Manzil-koloniyalarda jazoni o‘tayotgan, ozodlikdan mahrum etishga hukm qilingan shaxslarga pensiya
to‘lovi Pensiya jamg‘armasi bo‘limlari tomonidan manzil-koloniya ma’muriyati orqali mahkumlarning shaxsiy
hisobvaraqlariga naqd pulsiz o‘tkazish yo‘li bilan amalga oshiriladi.
1
1
1
1

---

Manzil-koloniya ma’muriyati har oyning 1-sanasiga qadar joriy oy uchun manzil-koloniyada jazoni
o‘tayotgan, ozodlikdan mahrum etishga hukm qilingan shaxslarga pensiyalar to‘lovi uchun mablag‘larni olishga
ushbu Nizomga 17-ilovaga muvofiq shakl bo‘yicha talabnomani manzil-koloniya joylashgan yerdagi Pensiya
jamg‘armasi bo‘limiga taqdim etadi”.
5. Quyidagi mazmundagi 157 va 157 -bandlar qo‘shilsin:
“157 . Pensiyalarni bank plastik kartochkalari orqali to‘lash uchun mablag‘larni o‘tkazish Pensiya
jamg‘armasi bo‘limlari tomonidan axborot tizimi orqali elektron shaklda taqdim etilgan to‘lov topshiriqnomasi va
qaydnoma asosida amalga oshiriladi.
Haqiqatda moliyalashtirilgan mablag‘lar to‘lov topshiriqnomasi va qaydnoma elektron shaklda taqdim
etilgan kundan boshlab keyingi ish kunidan kechiktirmasdan xizmat ko‘rsatuvchi tijorat banki filiali tomonidan
pensioner yoki nafaqa oluvchi uchun ochilgan 22617 — “Pensionyerlarning plastik kartochkalari bo‘yicha
majburiyatlari” hisobvarag‘iga kirim qilinadi.
157 . To‘liq bo‘lmagan oy kunlari uchun pensiya to‘lovi summasi quyidagi tartibda aniqlanadi:
tayinlangan pensiya summasi tegishli oyning kalendar kunlari soniga bo‘lish yo‘li bilan bir kun uchun to‘lov
summasi aniqlanadi;
bir kun uchun to‘lov summasi pensiya to‘lovi amalga oshirilishi lozim bo‘lgan tegishli oyning kalendar
kunlari soniga ko‘paytiriladi.”.
6. Quyidagi mazmundagi 158 — 158 -bandlar qo‘shilsin:
“158 . Pensiya va nafaqalarni tayinlash guruhi inspektori har oyning 25-sanasiga qadar komissiya qarori
qabul qilingan va keyingi to‘lov oyi qaydnomalariga kiritilishi lozim bo‘lgan pensiya yig‘majildlarini pensiya va
nafaqalar to‘lovi monitoring guruhiga (keyingi o‘rinlarda monitoring guruhi deb ataladi) taqdim etadi. Bunda
taqdim etilgan hujjatlar Pensiya va nafaqalar to‘lovi monitoringi guruhiga taqdim etilgan hujjatlarni ro‘yxatga
olish kitobiga qayd qilinishi lozim.
158 . Qaydnomalar quyidagi tartibda shakllantiriladi:
asosiy qaydnomalar — pensiya va nafaqalar, vafoti munosabati bilan olinmay qolingan pensiya va
nafaqalar, bola tug‘ilganda beriladigan bir martalik nafaqa, xodimlarga ularning mehnat vazifalarini bajarish
bilan bog‘liq holda jarohatlanishi, kasb kasalliklariga chalinishi yoki salomatlikning boshqa xil shikastlanishi
tufayli yetkazilgan zararni qoplash, pensiya va nafaqalardan aliment va jarimalar, kompensatsiya va qonun
hujjatlarida nazarda tutilgan boshqa to‘lovlarni to‘lash bo‘yicha to‘lov oyi uchun bir marotaba;
qo‘shimcha qaydnomalar — dafn marosimi uchun nafaqa, O‘zbekiston Respublikasidan tashqarisiga
ko‘chib ketish oldidan 6 oy avval beriladigan pensiya to‘lovi tayinlangan kunda.
158 . Monitoring guruhi inspektori tomonidan qaydnomalar axborot tizimida pensiyani yetkazib berish
(topshirish) yuklangan tashkilot va tijorat banklari filiallari bo‘yicha alohida har bir mahalla fuqarolar yig‘ini va
tijorat banki filiali kesimida shakllantiriladi.
158 . Qaydnomalar:
pensiyani yetkazib berish (topshirish) yuklangan tashkilot uchun — har to‘lov oyining 2-sanasiga qadar
shakllantiriladi va 3-sanasiga qadar taqdim etiladi;
tijorat banklari filiallari uchun — har to‘lov oyining 3-sanasiga qadar shakllantiriladi va 4-sanasiga qadar
axborot tizimi orqali taqdim etiladi.
Qaydnomalarni shakllantirish hamda taqdim etishning so‘nggi kuni dam olish yoki bayram (ish kuni
bo‘lmagan) kunlariga to‘g‘ri kelgan hollarda keyingi ish kuni muddatning so‘nggi kuni deb hisoblanadi.
158 . Tijorat banki filiallari har oyda pensionyerlarning bank plastik kartochkalariga mablag‘lar o‘z vaqtida
kirim qilinishini ta’minlashlari lozim.
Pensionerning bank plastik kartochkalariga mablag‘lar kirim qilingan sana pensiya to‘langan sana deb
hisoblanadi.
Pensionerning bank plastik kartochkasiga mablag‘lar pensioner vafot etgan sanadan so‘ng kirim qilingan
hollarda Pensiya jamg‘armasi bo‘limlari mablag‘larni Pensiya jamg‘armasi hisobvarag‘iga vafot etgan
pensionerning hisobvarag‘idagi qoldiq mablag‘lar hisobidan qaytarish to‘g‘risida tegishli tijorat banklari
filiallariga rasmiy xat yuborish orqali qaytarish choralarini ko‘radi”.