Qarshi davlat universiteti

4. CoS va NiS ni eritish, Co²⁺ va Ni^2- ionlarini topish. 2-cho‘kmani ko‘p martalab takroriy dekantatsiyalab yuvgandan so‘ng CH₃COOH + H₂O₂ (HCl+H₂O₂) aralashmasida eriting. Aralashmani zar suvida ham eritish mumkin, bunda tekshirishdan oldin hosil bo‘lgan erkin oltingugurt ajratib olinadi. Ortib qolgan vodorod peroksidni parchalash uchun eritma qaynatiladi. Olingan eritmadan Co²⁺ ammoniy rodanid yoki l-nitrozo-2-naftol, Ni²⁺ esa dimetilglioksim yordamida topiladi.

5. Fe²⁺, Fe³⁺, Cr³⁺ va Mn²⁺ ionlarini ajratish. 2-eritma chinni kosachaga o‘tkazilib, undagi vodorod sulfid qaynatib, yo‘qotilgandan keyin unga mo‘1 natriy gidroksid eritmasi qo‘shib yana qaynatiladi. Bunda Fe²⁺, Fe³⁺, Cr³⁺va Mn₂₊ ionlar gidroksidlar shaklida cho‘kadi. Cho‘kma (3-cho‘kma) eritmadan ajratilgandan so‘ng, undan Fe²⁺, Fe³⁺, Cr³⁺ va Mn²⁺, sentrifugatdan (3-eritma) esa Al³⁺ va Zn²⁺ topiladi.