Qora qalpoq indd

Úlgi: 
22-qosımsha
TOLÍQ JEKE MATERIALLÍQ 
JUWAPKERSHILIK HAQQÍNDA
SH Á R T N A M A
Nókis polimer ónimleri zavodına qaraslı materiallıq 
baylıqlardıń saqlanıwın támiyinlew maqsetinde 
kárxana atınan is júrgiziwshi zavod direktorı 
Paraxat Arıslanovich Saparov (keyingi orınlarda 
«Administraciya» dep ataladı) bir tárep hám ustaxana 
xızmetkeri Abat Ismayılovich Turımbetov (keyingi 
orınlarda «Xızmetker» dep ataladı) ekinshi tárep bolıp, 
usı shártnamanı tómendegiler haqqında dúzdik:
1. Pul, shiyki zat, tayar ónim hám basqa materiallıq 
baylıqlardı saqlaw menen tikkeley baylanıslı bolǵan 
lawazımdı iyelep turǵan xızmetker kárxana tárepinen 
isenip tapsırılǵan materiallıq baylıqlardıń saqlanıwı ushın
tolıq materiallıq juwapkershilikti óz moynına aladı hám 
sol múnásibet penen:
– oǵan saqlaw yamasa basqa maqsetlerde tapsırıp 
qoyılǵan kárxananıń materiallıq baylıqlarına abaylı 
qatnasta bolıw hám zıyannıń aldın alıw sharaların kóriw;
– oǵan isenip tapsırılǵan materiallıq baylıqlar saqla-
nıwı hám pútinligine qáwip salıwshı barlıq jaǵdaylar 
haqqında administraciyaǵa óz waqtında xabar beriw;
– materiallıq baylıqlardıń háreketi hám qalǵan 
bólimlerin esapqa alıp barıw hám belgilengen tártipte 
pul-tovar esap-sanaqların dúziw hám usınıs etiw;
– ózine tapsırılǵan materiallıq baylıqlardı dizimnen 
ótkeriwde (inventarlaw) qatnasıw minnetlemelerin 
aladı.
2. Administraciya bolsa:
– xızmetkerge tolıq jumıs alıp barıw ushın zárúr 
sharayatlardı jaratıp beriw hám oǵan isenip tapsırılǵan 
materiallıq baylıqlardıń tolıq saqlanıwın támiyinlew;
– xızmetkerdi kárxanaǵa jetkerilgen zıyan 
ushın jumısshı hám xızmetkerlerdiń materiallıq 
juwapgershiligi haqqındaǵı kúndelikli qaǵıydalar 
menen, sonday-aq, oǵan isenip tapsırılǵan materiallıq 
baylıqlardı saqlaw, qabıllaw, qayta islew, tarqatıw 
(satıw), satıw yamasa islep shıǵarıw procesinde qollanıw 
menen baylanıslı ámeldegi kórsetpeler, normativler 
hám qaǵıydalar menen tanıstırıw;
– materiallıq baylıqlardı belgilengen tártipte 
dizimnen ótkeriw isin ámelge asırıw minnetlemelerin 
aladı.
3. Xızmetkerdiń ayıbı menen oǵan isenip tapsırılǵan 
materiallıq baylıqlardıń saqlanıwı támiyinlenbegen 
jaǵdaylarda kárxanaǵa jetkizilgen zıyan kólemin 
anıqlaw hám onı óndirip alıw ámeldegi nızamlarǵa 
muwapıq ámelge asırıladı.
4. Eger jetkizilgen zıyanda хızmetkerdiń ayıbı bolsa, 
ol materiallıq juwapker esaplanadı.

---

96
97
5. Usı shártnama хızmetkerge isenip tapsırılǵan 
kárxana materiallıq baylıqları menen islesiwdegi pútkil 
waqıt dawamında óz kúshin joǵaltpaydı.
6. Usı shártnama eki nusqada dúziledi, birinshi 
nusqası аdministraciyada, ekinshisi bolsa хızmetkerde 
saqlanadı.
Shártnama dúziwshi táreplerdiń mánzilleri: