Qora qalpoq indd

IV. Táreplerdiń juwapkershiligi hám tartıslardı 
sheshiw tártibi
4.1. Ijara haqısın belgilengen múddette tólemegen 
Ijarashı tólewi keshiktirilgen hárbir kún ushın Ijaraǵa 
beriwshige ijara haqınıń __________________procenti 
muǵdarında penya tóleydi. 
4.2. Tárepler óz minnetlemelerin orınlamaǵan 
yamasa tiyisli dárejede orınlamaǵanı ushın Ózbekstan 
Respublikasınıń Puqaralıq kodeksi hám basqa nızam 
hújjetleri jáne de usı shártnamaǵa muwapıq juwapker 
boladı.
4.3. Tárepler ortasında kelip shıǵatuǵın tartıslar 
táreplerdiń óz ara kelisimi tiykarında sheshiledi. Tárepler 
kelisimge kelmegen jaǵdayda tartıs belgilengen tártipte 
sudta sheshiledi.
V. Shártnamanıń basqa shártleri
5.1. Shártnamaǵa kirgizilip atırǵan barlıq ózgeris hám
qosımshalar jazba túrde dúzilgen hám eki tárepleme qol
qoyılǵan jaǵdayda ǵana haqıyqıy esaplanadı.

---

92
93
5.2. Shártnama 20__-jıl «___» ________________ 
dan baslap kúshke kiredi hám 20__-jıl «___» 
________________ ge shekem ámel etedi.
5.3. Shártnama 2 nusqada dúzilgen bolıp, ekewi de 
birdey yuridikalıq kúshke iye.
5.4. Usı shártnamada názerde tutılmaǵan máseleler 
ámeldegi nızam hújjetlerine muwapıq tártipke salınadı.
VI. Táreplerdiń rekvizitleri hám qolları:
Ijaraǵa beriwshi: Ijarashı:
_________________ ________________
Esap beti Esap beti
STIR,___________ STIR__________________
(wákillikli shaxs F.A.Á. (wákillikli shaxs F.A.Á.
hám qolı) hám qolı) 
Mór ornı
Tolıq materiallıq juwapkershilik haqqında 
shártnama. Pul qarjıları hám materiallıq-tovar baylıqların 
saqlaw ushın juwapker bolǵan tárepler menen tolıq jeke 
materiallıq juwapkershilik haqqında jazba shártnama 
dúziledi. 
Tolıq materiallıq juwapkershilik haqqında jazba 
shártnamalar kárxana (mákeme, shólkem) menen 18 
jasqa tolǵan hám tikkeley materiallıq baylıqlardı saqlaw, 
qabıllaw hám tarqatıw (satıw), tasıw menen baylanıslı 
orınlawshı yamasa usınday lawazımdı iyelep turǵan 
shaxslar ortasında dúziledi.
Bul shártnama boyınsha, materiallıq juwapker shaxs 
ózi qabıl etip alǵan materiallıq baylıqlar ushın tolıq 
materiallıq juwapkershilikti óz moynına aladı hám olardı 
qabıllaw, saqlaw, tarqatıw hám esapqa ótkeriw boyınsha 
belgilengen qaǵıydalarǵa ámel etiw minnetlemesin 
aladı. Kárxana bolsa materiallıq juwapker shaxslarǵa 
oǵan isenip tapsırılǵan qımbat bahalı buyımlardıń 
saqlanıwın támiyinlewshi qolay shárayat jaratıp beriwdi 
juwapkershiligine aladı.
ÓzR Miynet kodeksiniń 203-statyasına muwapıq, 
tolıq materiallıq juwapkershilik haqqında shártnama 
dúzetuǵın xızmetkerlerdiń kategoriyaları dizimi jámáát 
shártnamasında belgilep qoyıladı, eger ol dúzilmegen 
bolsa, jumıs beriwshi menen kásiplik awqamı komitetiniń 
yamasa xızmetkerlerdiń basqa wákillik organı ortasındaǵı 
kelisimge muwapıq belgilenedi. Tikkeley pul yamasa 
tovar baylıqları menen shuǵıllanıwshı xızmetkerler 
tárepinen birgelikte orınlanatuǵın, jámáát materiallıq 
juwapkershiligi engiziliwi múmkin bolǵan bólimlerdiń 
dizimi de dál usı tártipte belgilenedi.
Eger xızmetker talaban bolıp atırǵan jumıs (lawazım) 
tolıq materiallıq juwapkershilik haqqında shártnama 
dúziwdi talap etse, xızmetker bunday shártnama dúziwge 
razı bolmasa, jumıs beriwshi onı jumısqa qabıllawdı 
biykarlawǵa haqılı.
Jeke tártiptegi tolıq materiallıq juwapkershilik 
haqqındaǵı shártnamaǵa muwapıq, qımbat bahalı 
buyımlar olardıń saqlanıwın támiyinlemegenligi ushın 
jeke juwapker bolatuǵın anıq bir xızmetkerge tapsırıladı. 
Bunday shártnama dúzgen xızmetker juwapkershilikten 
azat bolıwı ushın óziniń ayıbı joq ekenligin dálillep beriwi 
kerek.
Tolıq 
materiallıq 
juwapkershilik 
haqqında 
shártnamanıń zárúrli bólimleri tómendegiler:
1. Hújjet túriniń atı.

---

94
95
2. Shártnama dúzilgen orın.
3. Shártnama dúzilgen sáne.
4. Táreplerdiń atı, shártnamanı dúzip qol qoyıwshılardıń 
lawazımı, tolıq atı, ákesiniń atı hám familiyası.
5. Materiallıq juwapker shaxstıń minnetlemeleri.
6. Kárxana yamasa shólkemniń minnetlemeleri.
7. Shártnamanıń ámel etiw múddeti.
8. Táreplerdiń mákan jayı.
9. Shártnama dúzgen shaxslardıń qolları.
10. Kárxana yamasa shólkemniń móri.
22-qosımshada tolıq jeke materiallıq juwapkershilik 
haqqında shártnama úlgisi keltirildi (shártnama dúzilgen 
sáne hújjet atınan keyin jazılıwı da yamasa hújjet sońında 
qoyılıwı da múmkin).