Qurbonova O’lmas Usmonovna


Download 0.98 Mb.
Pdf ko'rish
bet6/11
Sana23.11.2020
Hajmi0.98 Mb.
#150950
1   2   3   4   5   6   7   8   9   10   11
Bog'liq
qiyosiy pedagogika


KASB-XUNAR TA’LIMI. Germaniyada uchinchi bosqich o’rta ma’lumotiga 
ega  bo’lganlar  soni  tobora  ortib  bormoqda:  maktablarning  ko’pchilik  biti- 
ruvchilari  oliy  o’quv  yurtlarida  ta’lim  olishga  qaror  qilmoqdalar.  Maktabni  oliy 
o’quv  yurtiga  kirish  huquqisiz  tamomlagan  yoshlar,  odatda,  kasb-hunar  ta’limi 
tizimiga kirib boradi. Lekin oliy o’quv yurtiga kirish huquqiga ega bo’lganlarning 
ko’pchiligi  ham  kasb-hunar  ta’limini  tanlaydi.  Ko’pchilik  yoshlar  o’qishni  «dual 
tizim»  doirasida  o’taydi,  ya’ni  korxonada  amaliy  tayyorgarlik  bilan  kasb-hunar 
maktabidagi  nazariy  o’qishni  birlashtiradilar.  Shunday  qilib,  xususiy  sektor  va 
davlat  kelishilgan  holda  kasb-hunar  ta’limi  tizimidagi  ahvolga  javobgardirlar. 
Maktabdan  tashqari  kasb-hunarga  o’qish  federastiya’ning  boshqaruvida,  kasb-
hunar maktablari esa — alohida erlar boshqaruvidadir.  
Bugungi kunda deyarli 1,6 mln yoshlar, e’tirof etilgan nufuz va talab darajasi 
turlicha  bo’lgan  taxminan  470  ta  ixtisoslikdan  bittasi  bo’yicha  tayyorgarlikdan 
o’taydilar. Hozirgi vaqtda o’smirlarning deyarli 40 foizi, qizlarning esa 55 foizidan 

 
46 
ko’prog’i eng nufuzli 10 ta ixtisoslik bo’yicha tayyorgarlik o’tishmokda. O’smirlar 
ko’proq  avtomexanik,  elektromonter,  korxonada  mexanik  yoki  ulgurji  va  tashqi 
savdo-sotiq  kommersanti.  kasbini  tanlashmoqda.  Qizlar  esa  shifokor  yordamchisi 
(hamshira),  chakana  savdo-sotiq  sohasida  sotuvchi,  sartarosh,  idora  xizmatchisi 
kasblarini  afzal  ko’rishmoqda.  Shu  bilan  bir  qatorda  tugallangan  kasbiy  ta’limni 
ololmagan  yoshlarga  kasb  egallash  imkoniyatini  berish  maqsadida  boshqa  keng 
choralar ham amalga oshiriladi.  
Kasb-hunar  maktabi.  Korxonada  tayyorgarlik  ko’rish  bilan  parallel  ravishda 
yoshlar 3 yil davomida kasb-hunar maktablarida, u erga haftada 2-3 marta qatnab 
ta’lim  olishlari  mumkin.  Umumiy  ta’lim  bilan  bir  qatorda  bu  maktab,  asosan, 
o’quvchiga korxonadan ko’ra kengrok ko’lamda egallashi mumkin bo’lgan maxsus 
nazariy bilimlar ham beradi.  
Tayyorgarlik  natijalari  yakuniy  imtihonlar  jarayonida  tekshiriladi  va  tegishli 
idora (palata) tomonidan berilgan o’qishni tamomlaganlik haqida guvohnomalarda 
ko’rsatiladi.  
Kasb-hunar  maktabida  ta’lim  olish  18  yoshga  to’lmagan  va  boshqa 
maktablarda  o’qimayotgan  barcha  yoshlar  uchun  majburiydir.  Yil  davomida 
tayyorlov  kursida  o’quvchilar  maxsus  nazariy  bilimlar  egallaydilar,  bu  esa,  o’z 
navbatida, bo’lajak mutaxassislik yo’nalishini tanlashda yordam beradi.  
Kasbiy  ta’lim  olishning  boshqa  imkoniyatlari.  Korxonada  ta’lim  olish  va 
kasb-hunar  maktablarida  o’qishdan  tashqari  mutaxassislik  egallashning  boshqa 
imkoniyatlari ham mavjud. Masalan, ixtisoslashtirilgan kasb-hunar bilim yurtlarida 
o’qish  1  yildan  3  yilgacha  davom  etadi.  U  korxonada  kasbiy  tayyorgarlik  deb 
hisoblanishi  yoki  uni  to’liq  ravishda  o’rnini  bosishi  mumkin.  Real  maktab 
bitiruvchilari texnikumlarga qabul qilinadi va 2 yildan keyin ular ixtisoslashtirilgan 
oliy  o’quv  yurtlariga  kirish  huquqini  beruvchi  o’qishni  tamomlaganlik  haqida 
guvohnoma  olishadi.  Tugallangan  kasbiy  ma’lumotta  ega  o’quvchilarga  bunday 
huquq  1  yil  o’qiganlaridan  so’ng  beriladi.  Nazariyadan  tashqari,  o’qitish  stikliga 
o’quv ustaxonalarida ishlash va amaliyot kiradi. Har yili mehnat masalasi bo’yicha 
federal  boshqarma  jismoniy  zaiflik  bilan  og’rigan  yoshlarning  individual  kasbiy 
ma’lumot  olishlari  uchun  4,3  mln  marka  ajratadi.  Jumladan,  korxonalarning 
majburiyatlariga  ishchi  joylarning  6  foizidan  kam  bo’lmagan  qismi  nogironlarga 
taqdim  etish  majburiyati  yuklatilgan.  Ushbu  nizomni  bajarmaganlik  uchun  jarima 
solinadi.  
Korxonada  ta’lim  olish.  Korxonada  amaliy  ta’lim  olish,  «shogirdlik», 
mutaxassislikka  qarab  2  yildan  3,5  yilgacha,  o’rtacha  3  yil  davom  etadi.  Davlat 
tomonidan  e’tirof  etilgan  mutaxassisliklar  bo’yicha  tayyorgarlik  ruxsat  etilgan 
xolos.  Etuklik  shahodatnomasiga  ega  bo’lgan  fuqaroning  o’qish  muddati  yarim 
yilga qisqartirilishi mumkin. O’zlashtirish yuqori darajada bo’lsa, o’qish muddatini 
yana  yarim  yilga  qisqartirish  mumkin.  Shogirdlarning  maoshi  yildan-yilga  ortib 
boradi. O’quv dasturlari tadbirkorlar uyushmasi va kasaba uyushmalari tomonidan 
belgilanib,  tegishli  federal  vazirliklar  nizomlarida  e’tirof  etiladi.  Ularda 
o’qitiladigan  fanlar  va  imtihon  shakllari  belgilanadi.  Imtihonlar  iqtisoddagi  o’z-
o’zini  boshqarish  organlari  (sanoat-savdo  palatalari,  hunar  palatalari)  tomonidan 

 
47 
qabul  qilinadi.  Imtihon  komissiyasi  tarkibiga  ishbilarmonlar,  mehnat  jamoasi 
vakillari hamda kasb-hunar maktablari o’qituvchilari kiradi.  
O’quvchilar iqtisodiyotning barcha sohalarini qamrab olgan 500.000dan ortiq 
korxonalarda,  shuningdek  erkin  kasblar  sohasida  va  davlat  muassasalarida 
o’qiydilar.  Yirik  firmalar  o’quvchilarni  o’zlarining  o’quv  ustaxonalari  va  ish 
joylarida tayyorlaydilar. Kichik korxonalarda o’qish bevosita ish joylarida tashkil 
etilgan.  Agar  korxona  tor  ixtisoslikka  ega  bo’lib,  zaruriy  bilimlarni  berish 
imkoniyatiga  ega  bo’lmasa,  ularga  yoshlar  o’zlarining  kasbiy  bilimlarini 
chuqurlashtirishlari  mumkin  bo’lgan  tarmoqlararo  o’quv  markazlari  yordam 
beradi.  
Barcha uchun ta’lim. Mamlakatda hech bir kishi mutaxassislikka ega bo’lmay 
turib  mehnat  faoliyatini  boshlashi  mumkin  emas.  Kasbiy  ta’limning  dual  tizimi 
o’zini  yaxshi  tomondan  ko’rsatib,  doimo  mukammallashib  bormoqda.  Shuning 
uchun bo’lsa kerak qator mamlakatlarning bu tizimga qiziqishlari ortmoqda.  
Yoshlar  ichida  korxonalarda  o’quv  joylariga  talab  oshayotganiga  qaramay, 
shu  paytgacha  taklif  va  talab  o’rtasidagi  muvozanatni  ushlab  turishga  erishilib 
kelinmoqda.  Germaniya’ning  birlashuvi  to’g’risidagi  Shartnomada  sohada 
yoshlarning  harakatchanligini  oshirish  maqsadida  mamlakatning  har  ikkala 
qismida olingan kasbiy ta’lim to’g’risidagi guvohnomalar tan olinadi.  
 Oliy  o’quv  yurtlari.  Germaniya’ning  eng  qadimgi  oliy  o’quv  yurti  — 
Geydelbergdagi  universitet  1386  yilda  tashkil  etilgan.  Boshqa  ko’pgina  uni- 
versitetlar 500 yillik yubileylarini nishonladilar, bular jumladan, urf-odatlarga boy 
Leypstigdagi (1409 yilda tashkil etilgan) va Rostokdagi (1419 yilda tashkil etilgan) 
universitetlardir.  Ular  bilan  bir  qatorda  juda  yosh  universitetlar  ham  mavjud, 
ularning 20dan ortig’i 1960 yildan so’ng tashkil etilgan.  
Sekinlik  bilan  rivojlanayotgan  universitetlar  bilan  bir  qatorda  oliy  texnik 
o’quv  yurtlari,  pedagogika  institutlari  va,  xususan,  asrimizning  70-80-yillarida 
ixtisoslashtirilgan  oliy  o’quv  yurtlari  tashkil  topdi.  Barcha  yoshlarning  o’qishga 
qabul qilinishi huquqi — oliy maktab sohasidagi siyosatning maqsadiga aylanadi.  
1960 yilda oliy o’quv yurtlarida yoshlarning faqat 8 foizigina o’qiy boshlagan 
bo’lsa,  butungi  kunda  barcha  maktab  bitiruvchisining  deyarli  har  bir  uchinchisi 
oliy  o’quv  yurtiga  qabul  qilish  haqida  ariza  beradi.  Ammo,  ta’kidlash  joizki, 
keyingi  yillarda  Olmoniya  oliy  ta’limida  muammolar  ko’paydi.  Jumladan,  1996-
97-yillarda qishki semestrda mamlakatda talabalar, soni 1,83 mln kishiga kamaydi.  
Yana  bitta  muammo  —  bu  ta’lim  olishning  o’rtacha  muddati  nihoyatda 
kattaligidir.  Buning  uchun  federastiya  va  erlar  o’quv    jarayoni  tuzilmasini  isloh 
qilish va oliy o’quv yurtlarining samaradorligini oshirish haqidagi masalani ko’rib 
chiqmokdalar.  Olmoniyada  oliy  o’quv  yurtlari  faqatgina  ta’lim  sohasidagi 
vazifalarni  bajaribgina  qolmay,  balki  ilmiy  tadqiqotlar  uchun  ham  asos  bo’lib 
xizmat  qiladi.  Ularning  nazariy  tadqiqotlar  sohasidagi  faoliyati  Olmoniyadagi 
ilmiy tadqiqotlarning umumiy darajasini oshirishga yordam beradi.  
Oliy  maktabning  tashkiliy  tuzilmasi.  Oliy  o’quv  yurtlari  (ba’zi  bir  xususiy, 
ayniqsa,  diniy  oliy  o’quv  yurtlari,  bundesver  universitetlari,  Ixtisoslashtirilgan 
boshqaruvning  oliy  federal  maktabidan  tashqari)  erlar  vakolatiga  kiradi. 
Federastiya  va  erlar  mavjud  o’quv  yurtlarini  kengaytirish  va  yangilarini  tashkil 

 
48 
etish  tadbirlarini  rejalashtirish  bo’yicha  hamkorlik  olib  boradilar.  Kelajakdagi 
vazifalarni  hal  etish  maqsadida  maxsus  federastiya  va  erlarning  ta’lim  sohasini 
rejalashtirish masalalari bilan shug’ullanadigan va ilmiy tadqiqotlar olib borishga 
ko’maklashadigan birlashgan komissiyasi tashkil etilgan. Bu doirada federastiya va 
yerlar hamkorlikda ta’limning barcha sohasida model loyihalarga moddiy yordam 
ko’rsatadi. Oliy maktab o’z-o’zini boshqarish huquqiga ega. Qonunlar doirasida u 
o’zining  Nizomiga  asosan  ish  olib  boradi.  Oliy  o’quv  yurtini  bir  necha  yilga 
saylanadigan  shtatdagi  rektor  yoki  prezident  boshqaradi.  Federal  yerlarning 
ko’pchiligida,  oliy  o’quv  yurtlarida  talabalarning  o’z-o’zini  boshqarish  tizimi 
mavjud.  
              FRANSIYADA TA’LIMNING AMALGA OSHIRILISHI  
Fransiya  jahondagi  iqtisodiy  rivojlangan  mamlakatlar  ichida  yetakchi 
o’rinlardan birini egallaydi. Uning ta’lim tizimlari ham qadimiy va boy tarixga ega.  
Bu  mamlakatda  «Ta’lim  haqida»gi  qonun  dastlab  1955  yilda  qabul  qilinib, 
1975 yilda unga bir qator o’zgarishlar kiritildi.  
Fransiya  davlatining  hozirgi  davrida  amal  qilayotgan  “Ta’lim  haqida”gi 
Qonun  1989  yil  10  iyulda  qabul  qilingan  bo’lib,  uning  o’zgartirilishiga  ta’lim 
strategiyasida  ro’y  bergan  o’zgarishlar,  mamlakatning  ichki,  tashqi  siyosatidagi 
islohotlar,  yuzaga  kelgan  iqtisodiy  sharoitlar,  chet  el  pedagogikasidagi  ilg’or 
tajribalarning  mamlakat  ta’lim  tizimlariga  kirib  kelishi,  o’quv  predmetlaridagi 
integrastiyalar va boshqalar sabab bo’ldi.  
Fransiyada ta’limning asosiy maqsadi shaxsni har tomonlama kamol topishini 
ta’minlash,  uni  mustaqil  faoliyatga  tayyorlash,  bozor  munosabatlari  sharoitida 
o’quvchilarni  tadbirkorlikka,  ishbilarmonlik  va  omilkorlikka  o’rgatish,  shunga 
yarasha kasb-korga ega qilishdan iboratdir.  
Mamlakatda  maktablar  davlat,  xususiy,  oralis  maktablariga  bo’linadi. 
O’qitiladigan predmetlar ichida frantsuz tili va adabiyoti, o’qish va yozuv alohida 
ahamiyatga molik bo’lib, ularga ajratilgan vaqt dars tarkibining 30 foizini tashkil 
etadi. Umuman, tarkibdagi 45 foiz darslar gumanitar yo’nalishda, qolganlari tabiiy 
fanlardir.  Sinflarning  o’rtacha  xaftalik  darslari  26  soatdan  iborat,  darslarning 
davomiyligi esa 60 minut, sinflardagi bolalarning o’rtacha soni 35-40 ta, o’quv yili 
5 chorakka bo’linadi.  
Boshlang’ich  sinflardagi  o’qish  ertalabki  va  tushdan  keyingi  qismlarga 
bo’linadi. Ertalab o’quvchilar ona tilidan, tushdan keyin esa matematika va boshqa 
predmetlardan  saboq  oladilar.  Fransiya  maktablarida  ona  tili  va  adabiyoti  hamda 
matematika  baza  predmetlari,  tarix,  geografiya,  mehnat  ta’limi,  jismoniy  tarbiya 
predmetlari esa rivojlantiruvchi predmetlar hisoblanadi.  
                                    
                           TA’LIM TIZIMLARI  
Fransiya  ta’lim  tizimining  dastlabka  bosqichini  maktabgacha  tarbiya  tashkil 
etadi.  Bu  bosqichni  “Onalar  maktabi”  deb  ham  yuritiladi.  Bundan  ko’zlangan 
asosiy  maqsad, bolalarning  maktabdagi sharoitini uy  sharoiti bilan  yaqinlashtirish 
ularga oiladagidek iliq munosabatni shakllantirishdan iborat. Ularni mustaqil holda 
ham,  maktablarning  boshlang’ich  sinflari  bazasida  ham  tashkil  etilgan.  Fransiya 
ta’limida bolalarning go’daklik chog’idanoq maktabda o’qitish uchun tayyor holda 

 
49 
olib  kelish  g’oyat  muhim  masala  hisoblanadi,  1980  yillarning  oxiridagi 
ma’lumotlariga  ko’ra,  onalar  maktablarida  65  ming,  boshlang’ich  maktablar 
bazasida  tashkil  etilgan  maktabgacha  tarbiya  shaxobchalarida  9100  sinf  mavjud.  
Bu bosqichda tarbiyalanuvchilar quyidagicha tabaqalashtirilgan:  
-kichik guruh 2 yoshdan 4 yoshgacha
 -o’rta guruh 4 yoshdan 5 yoshgacha;  
-katta guruh 5 yoshdan 6 yoshgacha.  
5-6  yoshlilar  maktabga  tayyorlov  guruhi  bo’lib,  ularga  Fransiyada  100  foiz 
shu  yoshdagi  bolalar  qamrab  olingan.  Bolalarni  maktabga  tayyorlash  uchun 
alohida dastur va darsliklar mavjud.                                
                               BOSHHLANG’ICH TA’LIM  
Fransiyada boshlang’ich ta’lim maktablariga 6 yoshdan 11 yoshgacha bo’lgan 
bolalar  jalb  qilinadilar.  Boshlang’ich  maktablar  fuqarolarning  qanday  millatga, 
mamlakat fuqaroligiga mansub bo’lishidan qat’iy nazar, majburiy va bepuldir.  
Boshlang’ich maktab bosqichiga qo’yilgan asosiy talab o’quvchilarga ifodali 
o’qish, yozish, hisoblash malakasini berishdan iboratdir.  
Fransiya ta’lim  muassasalarida ta’lim olayotgan chet el fuqaroligiga mansub 
kishilarning farzandlariga ularning vatani, xalqi, tarixi, tili va adabiyotini o’rganish 
uchun fakultativ kurslar tashkil etish ham ko’zda tutilgan.  
Boshlang’ich sinflarda o’qish muddati 5 yil bo’lib, shu muddat ichidagi o’qish 
asosan 3 bosqichga bo’linadi:  
— Tayyorlov bosqichi  — 1 yilga mo’ljallangan. Bunda bolalar hisoblashga, 
o’qish va yozishga, kuylashga, o’ylashga, tabiat manzaralarini tomosha qilishga va 
undan bahra olishga, jismoniy mashqlar bilan mashg’ul bo’lishga, maktabning turli 
sport tadbirlarida ishtirok etishga, musiqaga, mehnat qilishga o’rgatiladilar.  
O’quv  mashg’ulotlari  ertalab  soat  9  dan  12  gacha,  hamda  soat  14  dan  16 
gacha  5  soat  davom  etadi.  Maktabda  ovqatlanish  pullik,  lekin  ovqatlar  juda 
arzonlashtirilgan narxlardadir.  
—  Navbatdagi  bosqich  —  elementar  kurs  bo’lib,  bu  bosqich  2  yil  davom 
etadi.  Bunda  o’quvchilarning  tayyorlov  stiklida  predmetlar  bo’yicha  olgan 
bilimlari  yanada  takomillashtiriladi.  Tayyorlov  bosqichida  bir  o’qituvchi  ishlasa, 
elementar bosqichda ikki o’qituvchi (har biri 1 yildan) ishlaydi.  
—  Boshlang’ich  maktabning  3  bosqichi  —  chuqurlashtirish  bosqichidir. 
Bunda  o’quvchilarning  tayyorlov  va  elementar  bosqichdagi  bilimlari  yanada 
chuqurlashtiriladi.  
Dasturlarda  o’quv  predmetlarining  barchasiga  uch  bosqich  bo’yicha  aniq, 
alohida-alohida talablar qo’yiladi. Masalan: 
O’QISh  
I bosqichda o’quvchi:  
1. Bosmadan chiqqan barcha nashrlarni (kitob, gazeta jurnal, lug’at, e’lon, xat 
va hokazo) bir-biridan ajrata olish;  
2.  Xatni  o’qish  tamoyillarini  (satr  boshi,  sarlavha,  bob  betlarning  ketma-
ketligi) o’rganib olish;  
3. Matn tarkibini (nutq, asosiy qism, xulosa) aniqlay olish;  
4. Mustaqil mashg’ulotlarda kitoblardan, lug’atlardan foydalana olish.  

 
50 
II bosqichda:  
1. O’qiganlari mazmunini elementar bayon qilib bera olish; 
 2. Kitob mavzusida ishtirok etgan shaxslarni aniqlash, nomini bilish, tasvirlab 
berish;  
3. Sintetik tahlil qila bilish (urg’u, tinish belgilari).  
III bosqichda: 
 1. Ifodali, tez va aniq, ovoz chiqarib hamda o’zicha o’qish, o’qish qoidalarini 
to’la shakllantirish, savollarga og’zaki va yozma ravishda javob qaytarish, mavzuli 
rasmlarni izohlab berish;  
2. Matndagi noaniv so’zlarni aniqlash va uni tez tarjima qilishni bilish;  
3. Sinf kutubxonasini tashkil etishda ishtirok etish;  
4. Bayon qilingan axborotni tinglash va to’g’ri qabul qilish;  
5. So’zlarni og’zaki va yozma fonetik tahlil qilib berish; 
 6.  Kitobdan  va  lug’atli  adabiyotlardan  mustaqil  ishlash  jarayonida  to’la 
foydalana olish;  
7. Soddalashtirilgan matnlar bilan ishlashni bilish.  
YoZUV  
Yozuvga  qo’yilgan  talab  uch  saviyada  belgilanadi:  yozuv  texnikasini 
o’rganish,  yozuvda  qalam,  ruchka,  bo’rda  ishlashni  bilish,  chiziqlarga  to’la  rioya 
qilish,  yozma  va  bosma  harflarni  farqlash,  xatolar  ustidan  ishlash  malakasini 
egallash lozim. Yozuv bo’yicha o’quvchi III bosqichda inshosi shakllangan, tasviri 
mazmunli, yozuv texnikasini mukammal o’zlashtirgan, ifodada aniq izchillikka ega 
bo’lmog’i darkor.  
 
OG’ZAKI NUTQ  
Og’zaki nutqni rivojlantirish bo’yicha ham uch bosqichning osondan qiyinga, 
soddadan murakkabga yo’naltirilgan talablari mavjud. Bola bu bosqichda atrofida 
bo’layotgan voqea va hodisalarga o’z munosabatini bildirgan holda ifodali so’zlab 
bera  olishi,  o’z  nutqini  mantiqan  tahlil  qilishi,  sinonim,  omonim,  antonimlarni 
mazmun ifodasiga qarab qo’llay olishi, so’z va iboralarning o’z hamda ko’chgan 
ma’noda  to’g’ri  qo’llay  bilish,  tarix,  geografiya  va  boshqa  predmetlarning 
atamalarini  puxta  o’zlashtirib  olishlari  kerakki,  bu  keyingi  bosqich  maktablari 
uchun puxta zamindir.  
MATEMATIKA BO’YIChA  
Boshlang’ich  maktabning  uch  etapi  davomida  o’quvchi  sodda  misol  va 
masalalarni  tahlil  etish,  ulardan  paydo  bo’ladigan  hosilalarni  aniq  tasavvur  hosil 
qilishi,  taklif  qilingan  hisoblash  yo’llaridan  boshqacha  yo’llarni  qidirib  topish, 
javoblarning to’g’riligini aniqlovchi bir qator isbotlarni bilishi, sonlarni taqqoslash, 
joylashtirishni  amalga  oshirishni,  1000  gacha  adashmay  sanashni  bilishi  sonlar, 
qavslar,  kasr  chiziqlarini  qo’llash,  mantiqiy  fikrlash,  arifmetikadagi  uch  amalni 
puxta  egallash,  oddiy  diagramma,  shakl,  sxema,  grafika,  jadvallarni  chizish, 
geometriyadan dastlabki malakaga ega bo’lmoqlari lozim.  
Boshlang’ich  maktabning  uch  bosqichli  o’quv  jarayonida  tarix,  geografiya 
bo’yicha  ham  jiddiy  talablar  asosida  bilim  beriladi.  Chunonchi,  tarix  bo’yicha 
qadimiy  va  zamonaviy  voqea  va  hodisalar  aniq  xronologik  ketma-ketlilik  bilan 

 
51 
o’rganib olishni, vatan tarixini bilishini, barcha tarixiy terminlarni yod olishni talab 
etilsa,  geografiyadan  orientirlash  kartani  o’qish,  qit’alarni,  okeanlar,  dengizlarni, 
tog’larni  daryo  va  ko’llarni  ajrata  olishni,  Fransiya’ning  geografik  o’rni, 
iktisodiyoti,  qazilma  boyliklari  bilan  tanishadilar  karta,  globus,  atlas,  geografik 
lug’at va enstiklopediyalardan foydalanishni o’rganadilar.  
Fransiya  maktablarining  boshlang’ich  sinflarida  fuqarolik  ta’limi  predmeti 
ham  o’qitiladi.  Bu  predmet  ta’limi  bizning  ta’lim  tizimimizdagidek  mustaqil 
bo’lmay ayrim yondosh predmetlar tarkibiga kiritilgan.  
O’quvchilar oila, maktab, sinf oldida ma’lum bir mas’uliyat sezmoqlari lozim. 
Ularni yoshligidanoq o’z do’stlarini sinfdoshlarini, oila a’zolarini xurmatlash, ular 
mehnatini  qadrlash,  jamoatchilik  ichida  o’zini  tutish  kabi  insoniy  hislatlarni 
singdirishdan  tashqari,  ijtimoiy,  iqtisodiy  siyosiy  hayot,  boshqarish  ishlari 
strukturasi, shahar meri shahar kengashi ularning vazifalari, saylov tizimlari saylov 
oldi kompaniyasining qo’yilishi, mohiyati va boshqalar o’rgatiladi.  
Fuqarolik  ta’limi  predmeti  kurslari  tarkibiga  yana  ma’muriy  muassasalar, 
ularning  vazifalari,  fuqarolarning,  o’quvchilarning  huquqlari  va  burchlari  ham 
o’rgatiladi. Bundan tashqari o’quvchilar o’z mamlakatining siyosiy hayotini anglab 
etishlari, u haqda elementar fikr berishni bilishlari lozim.  
Frantsuz    maktablarida    nafosat    ta’limiga  ham  alohida  ahamiyat  beriladi.   
Bunday ta’lim uch tarkibdan iborat: musiqa, tasviriy san’at, sport.  
Musiqa darslarida  o’quvchilarga  badi’iy so’zlash, kuylash, raqsga tushishni 
o’rgatadilar.    Bundan  tashqari  boshlang’ich  sinf  kursida  o’quvchi  eng 
ommalashgan musiqa asboblaridan  birini chala oladigan bo’lmog’i kerak.  
Tasviriy san’atda esa qiyish-yopishtirish, modellar yasash, surat  solish, rang 
tanlash masalalari asosiy o’rinni egalaydi.  
Sport  ham  ta’limning    shu  jabhasiga  kirib,  bolalar  bunda  yugurish,  sakrash, 
emaklash, turli shakllarda yurish kabi mashqlarni bajaradilar. Sport mashg’ulotlari 
va  musobaqalari  jarayonida  bolalarni  o’zini  idora  eta  olishi,  bir-birini  qo’llab-
qo’ltiqlash, do’stlik va hamjihatlilikni tarbiyalashga asosiy e’tibor qaratiladi.  
Shunday  qilib  frantsuz  maktablarining  maktabgacha  va  boshlang’ich  ta’lim 
bosqichida  savodxonlikka,  o’quvchining  shaxs  sifatida  shakllanishiga  mustahkam 
zamin  yaratiladi,  o’quvchining  o’z  kuchi,  qobiliyati  va  imkoniyatiga  ishonch 
tarbiyalanadi.  Bu  bosqich  maktabda    o’quvchining  dastlabki  bosqichda  qanday 
holda  qabul  qilib  olinishidan  qat’iy  nazar,  uni  maktab  hayotida  bosh  rolni 
o’ynashga muvaffaq bo’lishidan iboratdir.  
O’quvchilarni  maktabning  yuqori  bosqichlariga  puxta  tayyorlab  berishda 
boshlang’ich sinf o’qituvchilarining mas’uliyati (javobgarligi ham deyish mumkin) 
nihoyatda  yuqori.  Bu  mas’uliyatni  “Ta’lim  haqida”  gi  davlat  Qonunida    alohida 
ko’rsatib o’tilgan.  
O’quvchilar bilan individual ishlash, ularni rag’batlantirish, shaxsiy qobiliyat 
va imkoniyatlarini ro’yobga chiqarish, ta’limda uzluksizlik va vorislikni ta’minlab 
berish boshlang’ich sinf o’qituvchilariga qo’yilgan bosh talabdir.  
Boshlang’ich  maktablarda  dars  jadvali  va  kun  tartibini  to’g’ri,  odilona 
tuzishga  katta  ahamiyat  beradilar.  Boshlang’ich  sinf  o’quvchilari  uchun  ta’lim 

 
52 
vazirligi «o’quvchi tabeli» joriy etgan. Bu tabel orqali maktab va uning pedagogik 
jamoasi, hamda xodimlari ota-onalar bilan uzluksiz aloqada bo’lib turadilar.  
Ta’limni turli stikllar orqali amalga oshirish  frantsuz ta’lim tizimiga keyingi 
yillarda  kirib  kelgan  yangilik  deb  baholash  mumkin.  Aynan  ta’limdagi 
stikllashtirish  unga  vorislik,  uzluksizlik,  bolalar  individual  qobiliyatlarini  butun 
boshlang’ich  ta’lim  jarayonida  ta’minlab  beruvchi  omildir.  Bundan  tashqari 
ta’limni  stikllashtirish  o’qituvchi  faoliyatiga  keng  erkinliklar  ham  beradi,  uning 
pedagogik mas’uliyatini oshiradi.  
O’quv  dasturining  mazmunini  bevosita  o’qituvchining  o’zi  belgilaydi.  Bir 
so’z  bilan  aytganda,  o’qituvchi  bolalar  bilimiga  mas’ul  ekan,  uning  uslub 
tanlashiga, mustaqil harakat qilishiga to’la erkinliklar ham beriladi.  
O’quvchilarga  boshlang’ich  maktabning  dastlabki  uch  sinfida  bir  o’qituvchi 
dars  beradi.  Uning  nomzodini  pedagogik  va  ota-  onalar  jamoasi  aniqlaydi. 
Bolalarni  yosh  xususiyatiga  qarab  komplektlash  tamoyillari  bor.  Lekin  u  yoki  bu 
sababga  ko’ra  o’quvchilarning  sinfdan-sinfga  ko’chmay  qolish  xollarini  tez-tez 
uchrab  turishi  tufayli  ularning  yosh  jihatdan  farqlari  ham  turlicha  bo’lib  qolishi 
mumkin.  
1990  yildagi  hukumat  qaroriga  muvofiq,  maktabgacha  va  boshlang’ich 
ta’limga  modullashtirish,  bolalarni  bilimiga  u  yoki  bu  fanga  moyilligiga  qarab 
tabaqalashtirish, dars jadvalini ham shu asosda tuzish huquqi berildi. Bunday dars 
jadvallari  bir  yilga,  yarim  yilga,  choraklar  bo’yicha  alohida-  alohida  tuzilishi 
mumkin.  Keyingi  paytlarda  o’qituvchi  tomonidan  o’quvchiga  puxta  bilim  berish, 
ota-onalar  tomonidan  esa  o’z  farzandiga  etarli  sharoit  yaratish,  ularning  bilim 
olishlariga  mas’uliyat  bilan  qarash  ifodalangan  bitimlar  tuzish  odat  tusiga  kirib 
bormoqda.  
Download 0.98 Mb.

Do'stlaringiz bilan baham:
1   2   3   4   5   6   7   8   9   10   11




Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling