Qurilish nuqtasini tanlash va asoslash

Tarash mashinalarini joylashtirish.
2 - rasm.
Mashinalar oraliqi 1000 mm gacha, har biri 5-6 tadan iborat tarash mashinalari guruhidan keyin mashinalarga texnik xizmat ko’rsatish uchun katta yo’lak qoldiriladi, uning kengligi nisbatan katta 2000 mm.
Mashinalar qatorlari orasidagi masofa tazlar diametriga boqliq, taz diametrlari qancha katta bo’lsa, bu oraliq ham shuncha katta bo’ladi.
Agar ishlatiladigan tazlarning diametrlari 500, 600 va 1000 mm bo’lsa, shunga qarab oraliq ham 2200, 2400 va 3000 mm bo’ladi. Tarash mashinalari bilan devor orasi kamida 3000 mm dan kam bo’lmasligi kerak.
Q ayta tarash mashinalarini tarash, piltalash va pilta birlashtirish mashinalaridan keyin joylashtiriladi. Tarash va piltalash mashinalarini joylashtirishdan keyin tayyorlash tsexlarining eni aniqlanadi.
Pilta birlashtirish mashinalarini joylashtirish.
Pilta birlashtirish mashinalarini soni kam bo’lganligi tufayli ularni joylashtirish ancha oson.
Qayta tarash mashinalarini joylashtirish. Mashinalar orasidagi masofa pilta chiqish tomonidan 700 mm, ta`minlash tomonidan xolstlarni tashishini hisobga olib 1200 mm bo’ladi, mashinalar qatori orasidagi masofani, pilta chiqish tomonidan 2500-3000 mm olinadi. Bu masofa ishlatiladigan tazlarning diametriga boqliq: 500 mm da 3000 mm. Mashinalarning bosh tomonlari oraliqi 1000 mm qabul qilinadi. Mashinalar bilan devor oraliqi 3000 mm olinadi (mahsulot tashish uchun).
P iltalash mashinalarini joylashtirish.
Piltalash mashinalarini ikki qator qilib joylashtirish tavsiya etiladi. Ba`zan piltalash mashinalarini bir qator qilib joylashtirish ham mumkin. Piltalash mashinalari qatori orasidagi masofa 2500-3000 mm olinadi. Piltalash va pilta birlashtirish mashinalari atrofida piltali va piltasiz tazlarni saqlash uchun bo’sh joy bo’lishi kerak.
Shu sababli piltalash mashinalarini har ikkita mashinadan keyin o’rtada ko’proq joy qoldirib o’rnatilsa, maqsadga muvofiq bo’ladi.
Piltalash mashinalarini joylashtirishda avval devor bilan mashinalarning orasidagi masofa mahsulotni tashish va odamlar yurishini mo’ljallab, 3000-4000 mm qoldiriladi.
Piliklash mashinalari uchun ajratilgan joydan yaxshi foydalanish uchun, ularni piltalash mashinalariga tik qilib yoki bir xil yo’nalishda joylashtirish mumkin, agar har ikkala holda ham mashinalar siqmasa yoki joy ortib qoladigan bo’lsa, u holda piliklash mashinalarining uzunligini urchuqlar soni (sektsiya) hisobga o’zgartirish kerak.