Rahbarlik etikasi-samarali faoliyat garovi

Ilmiy ish bo’yicha xulosalar
Ilmiy-uslubiy jurnalda nashr etilgan, Hafiza Karimova tomonidan yozilgan 1-maqola – “Rahbarlik etikasi—samarali faoliyat garovi”da rahbarning shaxsiyatiga, xulq-atvoriga ko’proq urg’u berilgan. Muallif ideal rahbarning sifatlarini tasvirlashda “ikkinchi muallim” Abu Nasr Forobiyning “Fozil odamlar shahri” asariga murojaat qiladi. Undan so’ng esa Amir Temur hayotidan, Birinchi Prezidentimiz Islom Karimov asarlaridan iqtibos keltiradi.
Rahbar shaxsiyati haqida umumiy tushuncha paydo qilgach, muallif ularni 3 toifaga ajratadi:

• 
  Passiv;
  
• 
  Agressiv;
  
• 
  Ijobiy.
  

Barcha turlarga ta’rif berilganidan so’ng, muallif maqolani rahbarning oltin qoidasi bilan yakunlaydi.
Soatova Shoxista tomonidan yozilib, “Pedagogika” jurnalida nashr etilgan 2-maqolada esa rahbarning malakasi yoki bilimiga emas, nima ishlarni bajarishiga ko’proq e’tibor qaratilgan. Maqolada ko’plab faktlarga, rasmiy hujjatlarga murojaat qilingan, qonunlardan parcha keltirilgan. Ilmiy terminlar birinchi maqoladagiga nisbatan ancha ko’p. Yozilishi ham publististikadan ko’ra ilmiy uslubga yaqin.